രാഖിയുടെ സിംകാർഡ്​ ഉപയോഗിച്ച മൊബൈൽഫോൺ കണ്ടെത്തി

വെള്ളറട: അമ്പൂരിയിൽ കൊല്ലപ്പെട്ട രാഖിയുടെ സിംകാർഡ് ഉപയോഗിച്ച്​ വിളിക്കാൻ പ്രതികൾ വാങ്ങിയ മൊബൈൽ ഫോൺ കണ്ടെത്തി. കേസിലെ മുഖ്യപ്രതികളായ അഖിലി​​െൻറയും രാഹുലി​​െൻറയും വീടിനടുത്തുള്ള അമ്പൂരി വാഴിച്ചലിൽ നിന്നാണ് പല ഭാ​ഗങ്ങളാക്കി ഉപേക്ഷിച്ച നിലയിൽ മൊബൈൽ ലഭിച്ചത്. കാട്ടാക്കടയിലെ മൊബൈല്‍ഷോപ്പില്‍നിന്ന്​ വാങ്ങിയ വിലകുറഞ്ഞ സെക്കൻഡ്​​ഹാന്‍ഡ് സെറ്റാണിത്​.

വെള്ളിയാഴ്​ച രഹസ്യമായാണ്​ ഇവ​ിടെ പ്രതികളെ തെളിവെടുപ്പിന്​ കൊണ്ടുവന്നത്​. കേസിലെ രണ്ടാംപ്രതിയായ രാഹുലാണ് കൊലപാതകത്തിന് ശേഷം രാഖിയുടെ മൊബൈൽ മൂന്ന് ഭാ​ഗങ്ങളായി പൊട്ടിച്ച് വിവിധഭാ​ഗങ്ങളിൽ ഉപേക്ഷിച്ചത്. അഖില്‍, രാഹുല്‍, ആദര്‍ശ് എന്നിവർ ചേര്‍ന്ന് മൃതദേഹം ഉപ്പുചേര്‍ത്ത്​ കുഴിച്ചുമൂടിയശേഷം രാഖിയുടെ സിം ഉപയോഗിച്ച് മെസേജ് അയക്കുന്നതിനായി വാങ്ങിയ മൊബൈല്‍ഫോണാണ് ഇതെന്ന്​ പൊലീസ്​ പറഞ്ഞു.

രാഖിയുടെ മൊബൈല്‍ഫോണ്‍ വിരലടയാളം ഉപയോഗിച്ച് തുറക്കാൻ കഴിയുന്ന രീതിയില്‍ സെറ്റുചെയ്തതിനാല്‍ മറ്റാർക്കും ഉപയോഗിക്കാന്‍ കഴിഞ്ഞിരുന്നില്ല. അതിനാൽ അഖില്‍ മറ്റൊരു ഫോണിൽ സിംകാർഡിട്ട്​ ​രാഖിയുടെ ബന്ധുക്കളെ തെറ്റിദ്ധരിപ്പിക്കാന്‍ മെസേജ് ചെയ്യുകയായിരുന്നു. രാഖി കൊല്ലത്തുള്ള യുവാവുമായി ഒളിച്ചോടിയെന്ന നിലയിലുള്ള സന്ദേശവും ഇൗ സിമ്മിൽനിന്ന്​ ബന്ധുക്കൾക്ക്​ അയച്ചു. ഇത്​ കേസന്വേഷണം വഴിതിരിച്ചുവിടുകയെന്ന ലക്ഷ്യത്തോടെയായിരുന്നു.