​മല​യാ​ളി ക​ന്യാ​സ്ത്രീ​ക​ളുടെ അറസ്റ്റ്: കേ​സി​ലും ജാ​മ്യാ​പേ​ക്ഷ​യി​ലും കൃ​ത്യ​മാ​യ നി​ല​പാ​ടെ​ടു​ക്കാതെ ബി.ജെ.പി

ന്യൂ​ഡ​ൽ​ഹി: ഛത്തി​സ്ഗ​ഢി​ൽ ര​ണ്ട് മ​ല​യാ​ളി ക​ന്യാ​സ്ത്രീ​ക​ൾ അ​റ​സ്റ്റി​ലാ​യ സം​ഭ​വ​ത്തി​ൽ ഇ​വ​ർ​ക്കെ​തി​രാ​യ കേ​സി​ലും ജാ​മ്യാ​പേ​ക്ഷ​യി​ലും കൃ​ത്യ​മാ​യ നി​ല​പാ​ടെ​ടു​കാ​തെ ബി.​ജെ.​പി. സി​റോ മ​ല​ബാ​ർ സ​ഭ​യു​ടെ ചേ​ർ​ത്ത​ല ആ​സ്ഥാ​ന​മാ​യ ‘അ​സീ​സി സി​സ്റ്റേ​ഴ്‌​സ് ഓ​ഫ് മേ​രി ഇ​മ്മാ​ക്യു​ലേ​റ്റ്’ സ​ന്ന്യാ​സ സ​ഭ​യി​ലെ സി​സ്റ്റ​ർ​മാ​രാ​യ വ​ന്ദ​ന, പ്രീ​തി എ​ന്നി​വ​രെ നാ​ല് പെ​ൺ​കു​ട്ടി​ക​ൾ​​ക്കൊ​പ്പം പി​ടി​കൂ​ടി മ​ത​പ​രി​വ​ർ​ത്ത​ന​വും മ​നു​ഷ്യ​ക്ക​ട​ത്തും ആ​രോ​പി​ച്ച് അ​റ​സ്റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു.

ഇ​വ​രു​ടെ മോ​ച​ന​ത്തി​നെ​ന്നു​പ​റ​ഞ്ഞ് കേ​ര​ള​ത്തി​ൽ നി​ന്നു​ള്ള ബി.​ജെ.​പി നേ​താ​വ് അ​നൂ​പ് ആ​ന്റ​ണി ഛത്തി​സ്ഗ​ഢി​ലെ​ത്തി വാ​ർ​ത്ത​സ​മ്മേ​ള​നം ന​ട​ത്തി​യെ​ങ്കി​ലും കൃ​ത്യ​മാ​യ നി​ല​പാ​ട് പ​റ​ഞ്ഞി​ല്ല.

സം​സ്ഥാ​ന​ത്തെ ബി.​ജെ.​പി മു​ഖ്യ​മ​ന്ത്രി, ക​ന്യാ​സ്‍ത്രീ​ക​ളെ അ​റ​സ്റ്റ് ചെ​യ്ത​ത് മ​ത​പ​രി​വ​ർ​ത്ത​ന​ത്തി​നാ​ണ് എ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ക​യാ​ണ്. മു​ഖ്യ​മ​ന്ത്രി​യു​ടെ നി​ല​പാ​ട് ഇ​താ​യി​രി​ക്കേ കോ​ട​തി​യി​ൽ ജാ​മ്യ​പേ​ക്ഷ വ​രു​മ്പോ​ൾ പ്രോ​സി​ക്യൂ​ഷ​ൻ അ​തി​ന് അ​നു​കൂ​ല​മാ​യ നി​ല​പാ​ട് സ്വീ​ക​രി​ക്കു​മോ എ​ന്ന് ചോ​ദി​ച്ച​പ്പോ​ൾ വ്യ​ക്ത​മാ​യ മ​റു​പ​ടി ന​ൽ​കാ​തെ അ​നൂ​പ് ആ​ന്റ​ണി ഒ​ഴി​ഞ്ഞു​മാ​റി. പൊ​ലീ​സ് ന​ട​പ​ടി തെ​റ്റാ​ണെ​ന്ന് പ​റ​യാ​നും അ​ദ്ദേ​ഹം ത​യാ​റാ​യി​ല്ല.