ആ​ര്യാ​ട​ൻ 2. 0

നി​ല​മ്പൂ​ർ: അ​ക്ഷ​രാ​ർ​ഥ​ത്തി​ൽ അ​ഗ്നി​പ​രീ​ക്ഷ ജ​യി​ച്ച് ആ​ര്യാ​ട​ൻ ഷൗ​ക്ക​ത്തി​ന്റെ തി​രി​ച്ചു​വ​ര​വ്. 2016ൽ ​പി.​വി. അ​ൻ​വ​റി​നോ​ട് പ​രാ​ജ​യ​പ്പെ​ട്ട ഷൗ​ക്ക​ത്തി​ന് സ്വ​ന്തം ത​ട്ട​ക​ത്തി​ൽ ഒ​രു തോ​ൽ​വി​കൂ​ടി നേ​രി​ട്ടാ​ൽ രാ​ഷ്ട്രീ​യ​ഭാ​വി​ത​ന്നെ അ​നി​ശ്ചി​ത​ത്വ​ത്തി​ലാ​വു​മാ​യി​രു​ന്നു.

ജി​ല്ല​യി​ൽ ഗ്രൂ​പ്പി​സ​ത്തി​ന്‍റെ പേ​രി​ൽ മാ​സ​ങ്ങ​ൾ​ക്കു​മു​മ്പ് സം​സ്ഥാ​ന നേ​തൃ​ത്വ​ത്തി​ന്‍റെ പ​ര​സ്യ​താ​ക്കീ​ത് ഏ​റ്റു​വാ​ങ്ങി​യ​തോ​ടെ പാ​ർ​ട്ടി​ക്കു​ള്ളി​ലും സ്വാ​ധീ​നം കു​റ​ഞ്ഞു​വ​രു​ക​യാ​യി​രു​ന്നു. അൻവർ അട​ക്ക​മു​ള്ള പ്ര​തി​കൂ​ല സാ​ഹ​ച​ര്യ​ങ്ങ​ളെ​യാ​ണ് ഷൗ​ക്ക​ത്ത് മി​ക​ച്ച വി​ജ​യ​ത്തി​ലൂ​ടെ മ​റി​ക​ട​ന്ന​ത്.

2016നെ ​അ​പേ​ക്ഷി​ച്ച് ചില ഘ​ട​ക​ങ്ങ​ൾ ഇ​ത്ത​വ​ണ ഷൗ​ക്ക​ത്തി​ന് അ​നു​കൂ​ല​മാ​യി. ലീ​ഗി​ന്‍റെ ഉ​റ​ച്ച പി​ന്തു​ണ​യാ​ണ് മു​ഖ്യം. പി​താ​വി​നെ​പ്പോ​ലെ ക​ടു​ത്ത ലീ​ഗ് വി​മ​ർ​ശ​ക​നാ​യി​രു​ന്ന​തി​നാ​ൽ 2016ൽ ​ഷൗ​ക്ക​ത്ത് മ​ത്സ​രി​ക്കു​മ്പോ​ൾ ലീ​ഗ് അ​ത്ര വ​ലി​യ പ്രാ​ധാ​ന്യം നി​ല​മ്പൂ​രി​ന് ന​ൽ​കി​യി​രു​ന്നി​ല്ല. എ​ന്നാ​ൽ, ഇ​ത്ത​വ​ണ ലീ​ഗ് കൈ​മെ​യ് മ​റ​ന്ന് കൂ​ടെ നി​ന്നു.

മ​ത​സാ​മു​ദാ​യി​ക സം​ഘ​ട​ന​ക​ളു​മാ​യു​ള്ള ബ​ന്ധ​ത്തി​ലും ഷൗ​ക്ക​ത്ത് കാ​ര്യ​മാ​യ മാ​റ്റം വ​രു​ത്തി. നാ​ലു ത​വ​ണ മ​ന്ത്രി​യും 34 വ​ര്‍ഷം നി​ല​മ്പൂ​ര്‍ എം.​എ​ല്‍.​എ​യു​മാ​യി​രു​ന്ന മു​തി​ര്‍ന്ന കോ​ണ്‍ഗ്ര​സ് നേ​താ​വ് ആ​ര്യാ​ട​ന്‍ മു​ഹ​മ്മ​ദി​ന്‍റെ മ​ക​നാ​യ ഷൗ​ക്ക​ത്ത് കെ.​പി.​സി.​സി ജ​ന​റ​ല്‍ സെ​ക്ര​ട്ട​റി​യാ​ണ്. സി​നി​മ, സാ​മൂ​ഹി​ക, സാം​സ്‌​കാ​രി​ക ഭ​ര​ണ​രം​ഗ​ങ്ങ​ളി​ലും ക​ഴി​വ് തെ​ളി​യി​ച്ചു.

കെ.​എ​സ്.​യു നി​ല​മ്പൂ​ര്‍ താ​ലൂ​ക്ക് സെ​ക്ര​ട്ട​റി, യൂ​ത്ത് കോ​ണ്‍ഗ്ര​സ് മ​ല​പ്പു​റം ജി​ല്ല സെ​ക്ര​ട്ട​റി, കേ​ര​ള ദേ​ശീ​യ വേ​ദി ജി​ല്ല പ്ര​സി​ഡ​ന്‍റ്, കെ.​പി.​സി.​സി അം​ഗം, നി​ല​മ്പൂ​ര്‍ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്, ന​ഗ​ര​സ​ഭ ചെ​യ​ര്‍മാ​ന്‍, സം​സ്‌​കാ​ര സാ​ഹി​തി സം​സ്ഥാ​ന ചെ​യ​ര്‍മാ​ന്‍ തു​ട​ങ്ങി​യ സ്ഥാ​ന​ങ്ങ​ള്‍ വ​ഹി​ച്ചി​ട്ടു​ണ്ട്. കാ​ലി​ക്ക​റ്റ് സ​ര്‍വ​ക​ലാ​ശാ​ല​യി​ല്‍നി​ന്ന് ജ​ന്തു​ശാ​സ്ത്ര​ത്തി​ല്‍ ബി​രു​ദ​ം. മാ​താ​വ്: പി.​വി. മ​റി​യം. ഭാ​ര്യ: മും​താ​സ് ബീ​ഗം. മ​ക്ക​ള്‍: ഡോ. ​ഒ​ഷി​ന്‍ സാ​ഗ, ഒ​ലി​ന്‍ സാ​ഗ, ഒ​വി​ന്‍ സാ​ഗ.