കുറ്റപത്രം സമയത്തിന് സമർപ്പിച്ചില്ല; അർജുൻ ആയങ്കിക്ക് ജാമ്യം

കൊ​ച്ചി: പാ​ല​ക്കാ​ട് മീ​നാ​ക്ഷി​പു​രം ക​വ​ര്‍ച്ച കേ​സി​ല്‍ അ​ര്‍ജു​ന്‍ ആ​യ​ങ്കി​ക്ക് ഹൈ​കോ​ട​തി​യു​ടെ ജാ​മ്യം. കു​റ്റ​പ​ത്രം ന​ല്‍കു​ന്ന​തി​ല്‍ പൊ​ലീ​സി​നു​ണ്ടാ​യ വീ​ഴ്ച ചൂ​ണ്ടി​ക്കാ​ട്ടി​യാ​ണ് ജ​സ്റ്റി​സ് സി.​പി. മു​ഹ​മ്മ​ദ് നി​യാ​സ് ഉ​പാ​ധി​ക​ളോ​ടെ ജാ​മ്യം അ​നു​വ​ദി​ച്ച​ത്.

ഇ​ത്ര ഗൗ​ര​വ​മു​ള്ള കേ​സി​ല്‍ പ്ര​തി​ക്ക്​ ജാ​മ്യം ന​ല്‍കാ​ന്‍ കാ​ര​ണ​മാ​യ​ത് പ്രോ​സി​ക്യൂ​ഷ​ന്റെ വീ​ഴ്ച മാ​ത്ര​മാ​ണെ​ന്ന് കോ​ട​തി കു​റ്റ​പ്പെ​ടു​ത്തി. അ​റ​സ്റ്റി​ലാ​യി 125 ദി​വ​സ​മാ​യി​ട്ടും കു​റ്റ​പ​ത്രം സ​മ​ര്‍പ്പി​ക്കാ​ത്ത​തി​നാ​ല്‍ പ്ര​തി​ക്ക് ജാ​മ്യം നി​ഷേ​ധി​ക്കാ​നാ​വി​ല്ലെ​ന്ന് വി​ല​യി​രു​ത്തി​യാ​ണ് ഉ​ത്ത​ര​വ്.

പാ​ല​ക്കാ​ട് മീ​നാ​ക്ഷി​പു​ര​ത്ത് ബ​സ് ത​ട​ഞ്ഞു​നി​ർ​ത്തി സ്വ​ര്‍ണ​വ്യാ​പാ​രി​യെ ത​ട്ടി​ക്കൊ​ണ്ടു​പോ​യി 75 പ​വ​നും പ​ണ​വും ക​വ​ര്‍ന്ന കേ​സി​ല്‍ 14ാം പ്ര​തി​യാ​ണ് അ​ര്‍ജു​ന്‍ ആ​യ​ങ്കി. ക​ഴി​ഞ്ഞ മാ​ര്‍ച്ച് 26നാ​യി​രു​ന്നു സം​ഭ​വം. 20 പ്ര​തി​ക​ളു​ള്ള കേ​സാ​യ​തി​നാ​ലാ​ണ് കു​റ്റ​പ​ത്രം സ​മ​ര്‍പ്പി​ക്കാ​ന്‍ വൈ​കി​യ​തെ​ന്നാ​യി​രു​ന്നു പ്രോ​സി​ക്യൂ​ഷ​ന്റെ വി​ശ​ദീ​ക​ര​ണം.