വാഹനവുമായി സ്​കൂളിൽ കയറിയുള്ള ആഘോഷത്തിന്​ വിലക്ക്​; വിദ്യാർഥികളുടെ ലൈസൻസ് റദ്ദാക്കി

തി​രു​വ​ന​ന്ത​പു​രം: എ​സ്.​എ​സ്.​എ​ൽ.​സി, ഹ​യ​ർ സെ​ക്ക​ൻ​ഡ​റി, വി.​എ​ച്ച്.​എ​സ്.​ഇ വി​ദ്യാ​ർ​ഥി​ക​ൾ വാ​ഹ​ന​ങ്ങ​ളു​മാ​യി സ്​​കൂ​ൾ കാ​മ്പ​സി​ൽ ക​യ​റി ആ​ഹ്ലാ​ദം പ​ങ്കി​ടു​ന്ന​ത്​ ക​ർ​ശ​ന​മാ​യി വി​ല​ക്കി പൊ​തു​വി​ദ്യാ​ഭ്യാ​സ ഡ​യ​റ​ക്​​ട​റു​ടെ ഉ​ത്ത​ര​വ്. കോ​ഴി​ക്കോ​ട്​ സ്​​കൂ​ളി​ൽ കോ​ഴ്​​സ്​ ക​ഴി​ഞ്ഞു​പോ​കു​ന്ന​തി​ന്‍റെ ഭാ​ഗ​മാ​യി വി​ദ്യാ​ർ​ഥി​ക​ൾ വാ​ഹ​ന​വു​മാ​യി എ​ത്തി അ​പ​ക​ട​ക​ര​മാ​യി ഓ​ടി​ച്ച​തും ഏ​താ​നും പേ​ർ​ക്ക്​ പ​രി​ക്കേ​റ്റ​തും ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്നാ​ണ്​ ന​ട​പ​ടി.

ഇ​ത്ത​രം ന​ട​പ​ടി​ക​ൾ സ്​​കൂ​ൾ മേ​ല​ധി​കാ​രി​ക​ൾ ക​ർ​ശ​ന​മാ​യി ത​ട​യ​ണ​മെ​ന്നും കൂ​ടി​ച്ചേ​ര​ലു​ക​ളും ആ​ഹ്ലാ​ദം പ​ങ്കി​ട​ലും ക്ലാ​സ്​ മു​റി​ക​ളി​ലും അ​സം​ബ്ലി ഹാ​ളി​ലും ഒ​തു​ക്കി നി​ർ​ത്ത​ണ​മെ​ന്നും ഡ​യ​റ​ക്​​ട​ർ നി​ർ​ദേ​ശി​ച്ചു. ഇ​ത്ത​രം പ​രി​പാ​ടി​ക​ൾ​ക്ക്​ അ​ധ്യാ​പ​ക​രു​ടെ ശ്ര​ദ്ധ​യും മേ​ൽ​നോ​ട്ട​വും ഉ​ണ്ടാ​ക​ണം.

അ​നി​ഷ്​​ട​സം​ഭ​വ​ങ്ങ​ൾ ഉ​ണ്ടാ​യാ​ൽ സ്​​കൂ​ൾ മേ​ല​ധി​കാ​രി​ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും ഡ​യ​റ​ക്​​ട​റു​ടെ ഉ​ത്ത​ര​വി​ൽ പ​റ​യു​ന്നു.

ലൈസൻസ് റദ്ദാക്കി

കോഴിക്കോട് മലബാർ ക്രിസ്ത്യൻ കോളജ്​ സ്കൂളിൽ പ്ലസ്​ ടു സെൻഡ്​ ഓഫിന്റെ പേരിൽ ഗ്രൗണ്ടിലായിരുന്നു വിദ്യാർഥികളുടെ കാർ, ബൈക്ക്​ റേസിങ്​. റേസിങ്ങിനിടെ കാർ ബൈക്കിനെ ഇടിച്ചു തെറിപ്പിച്ചു. രണ്ട്​ വിദ്യാർഥികൾക്ക് പരിക്കേറ്റു.​ ബുധനാഴ്ചയാണ്​ നഗരത്തിലെ കാമ്പസിൽ ജീവന്​ ഭീഷണി ഉയർത്തി വിദ്യാർഥികളുടെ വാഹനാഭ്യാസം അരങ്ങേറിയത്​.

നഗരത്തിലും ഇവർ ചട്ടം ലംഘിച്ച്​ റേസിങ്​ നടത്തി. കണ്ണൂർ റോഡിൽനിന്നാണ്​ മലബാർ ക്രിസ്ത്യൻ കോളജ്​ സ്കൂൾ ​ഗ്രൗണ്ടിലേക്ക്​ ഡിക്കിയിലും ബോണറ്റിലും കയറിയിരുന്ന്​ കാറോടിച്ചത്​. കൂടെ ബൈക്കുകളുമുണ്ടായിരുന്നു. ഗ്രൗണ്ടിൽ പൊടിപാറിച്ചായിരുന്നു റേസിങ്​.

ഇതിനിടയിലൂടെ ഭീതി പരത്തി വിദ്യാർഥികൾ വാഹനം പറപ്പിച്ചു​. മൂന്ന്​ കാറുകളും രണ്ട്​​ ബൈക്കുകളുമാണ് റേസിങ്​ നടത്തിയത്​. സംഭവത്തിൽ മോട്ടോർ വാഹനവകുപ്പ്​ കേസെടുത്തു. കാർ ഓടിച്ച വിദ്യാർഥികളുടെ ലൈസൻസ്​ റദ്ദാക്കി.​

സോഷ്യൽ മീഡിയയിൽ വൈറലായ വിഡിയോ ദൃശ്യത്തിന്റെ അടിസ്ഥാനത്തിലാണ് കേസെടുത്തത്. അപകടകരമായ രീതിയിൽ ഓടിച്ച മൂന്ന് കാറുകളും കസ്റ്റഡിയിലെടുത്തു. ബൈക്കുകളുടെ നമ്പറുകൾ വ്യക്തമല്ലാത്തതിനാൽ കസ്റ്റഡിയിലെടുക്കാൻ സാധിച്ചിട്ടില്ലെന്ന്​ ആർ.ടി.ഒ പി.ആർ. സുമേഷ്​ മാധ്യമത്തോട്​ പറഞ്ഞു.

സി.സി.ടി.വി, സോഷ്യൽ മീഡിയ ദൃശ്യങ്ങൾ പരിശോധിച്ച് വരികയാണ്​. അടുത്ത ദിവസം തന്നെ ഇത് കണ്ടെത്താൻ സാധിക്കുമെന്നാണ്​ പ്രതീക്ഷിക്കുന്നത്​. ചട്ടം ലംഘിച്ച്​ വാഹനമോടിച്ചതിന്​ പതിനായിരം രൂപ വീതം പിഴയീടാക്കും. രക്ഷിതാക്കളുടെ പേരിലുള്ളതുതന്നെയാണ്​ വാഹനങ്ങൾ. കാറുകൾ വർക്ക് ഷോപ്പിലാണുള്ളത്.

അടുത്ത ദിവസം മോട്ടോർ വാഹന വകുപ്പിന് മുന്നിൽ ഹാജരാക്കണം. വാഹനം ഓടിച്ച വിദ്യാർഥികൾ ലൈസൻസുള്ളവരാണ്. അതുകൊണ്ടു തന്നെ മറ്റു നടപടികളില്ലാതെ ഇവരുടെ ലൈസൻസ് റദ്ദാക്കുന്നതിനുള്ള നടപടി സ്വീകരിക്കും. അപകടത്തിൽപെട്ട ബൈക്കിലെ വിദ്യാർഥികളുടെ പരിക്ക് സാരമുള്ളതല്ലെന്ന് സ്‌കൂൾ അധികൃതർ പറഞ്ഞു.

പത്ത്​ വിദ്യാർഥികളാണ്​ വാഹനങ്ങൾ ​കൊണ്ടുവന്നതെന്നും എല്ലാവരും പ്രായപൂർത്തിയായവരാണെന്നും അധികൃതർ പറഞ്ഞു. ചാത്തമംഗലം എം.ഇ.എസ് കോളജിൽ​ ജെ.സി.ബിയിലും തുറന്ന ജീപ്പിലും വിദ്യാർഥികൾ റോഡ്​ ഷോ നടത്തി. ഇവിടെയും രണ്ട്​ വാഹനങ്ങൾക്കെതിരെ മോട്ടോർ വാഹനവകുപ്പ്​ കേസെടുത്തു.