ബം​ഗാ​ളി​ലെ​യും ത്രി​പു​ര​യി​ലെ​യും ഭരണനഷ്ടം ഓർമ വേണമെന്ന് ബിനോയ് വിശ്വം; ‘രണ്ടിടത്തും ഇപ്പോൾ ഇ​ട​തു​പ​ക്ഷമി​ല്ല’

തി​രു​വ​ന​ന്ത​പു​രം: ഇ​ട​തു ഭ​ര​ണ​മു​ണ്ടാ​യി​രു​ന്ന പ​ശ്ചി​മ ബം​ഗാ​ളി​ലെ​യും ത്രി​പു​ര​യി​ലെ​യും ഭ​ര​ണ​ന​ഷ്ടം ഓ​ർ​മ​പ്പെ​ടു​ത്തി സി.​പി.​ഐ സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വം. ബം​ഗാ​ളി​ലും ത്രി​പു​ര​യി​ലും ഇ​പ്പോ​ൾ ഇ​ട​തു​പ​ക്ഷം നി​ല​വി​ലി​ല്ലെ​ന്നും കേ​ര​ള​ത്തി​ൽ മാ​ത്ര​മാ​ണ് ഇ​ട​തു​പ​ക്ഷ മു​ന്ന​ണി​യു​ടെ ഭ​ര​ണം നി​ല​വി​ലു​ള്ള​തെ​ന്നും അ​ത് നി​ല​നി​ർ​ത്തേ​ണ്ട​ത് കേ​ര​ള​ത്തി​ലെ തൊ​ഴി​ലാ​ളി സ​മൂ​ഹ​ത്തി​ന്റെ ആ​വ​ശ്യ​മാ​ണെ​ന്നും ബി​നോ​യ് വി​ശ്വം പ​റ​ഞ്ഞു.

സം​സ്ഥാ​ന സ​ർ​ക്കാ​ർ തൊ​ഴി​ലും കൂ​ലി​യും സാ​മൂ​ഹി​ക സു​ര​ക്ഷ​യും ഉ​റ​പ്പു​വ​രു​ത്തു​ക, കേ​ര​ള​ത്തോ​ടു​ള്ള കേ​ന്ദ്ര അ​വ​ഗ​ണ​ന അ​വ​സാ​നി​പ്പി​ക്കു​ക തു​ട​ങ്ങി​യ മു​ദ്രാ​വാ​ക്യ​ങ്ങ​ൾ ഉ​യ​ർ​ത്തി എ.​ഐ.​ടി.​യു.​സി നേ​തൃ​ത്വ​ത്തി​ൽ സെ​ക്ര​ട്ടേ​റി​യ​റ്റി​ലേ​ക്ക് ന​ട​ത്തി​യ മാ​ർ​ച്ചും ധ​ർ​ണ​യും ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

തൊ​ഴി​ലാ​ളി​ക​ളെ വി​ശ്വാ​സ​ത്തി​ലെ​ടു​ത്തു മാ​ത്ര​മേ ഇ​ട​തു​മു​ന്ന​ണി​ക്ക് മു​ന്നോ​ട്ടു​പോ​വാ​ൻ ക​ഴി​യൂ. അ​വ​രു​ടെ തൊ​ഴി​ൽ പ്ര​ശ്ന​ങ്ങ​ൾ​ക്ക് പ​രി​ഹാ​ര​മു​ണ്ടാ​ക്കാ​നും വേ​ത​നം കൃ​ത്യ​മാ​യി ല​ഭ്യ​മാ​ക്കാ​നും ക​ഴി​യ​ണം. കേ​ന്ദ്ര സ​ർ​ക്കാ​ർ സാ​മ്പ​ത്തി​ക ഉ​പ​രോ​ധം സൃ​ഷ്ടി​ച്ച് കേ​ര​ള​ത്തെ ത​ക​ർ​ക്കാ​ൻ ശ്ര​മി​ക്കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു.

സ​ർ​ക്കാ​ർ ഭ​ര​ണ​കാ​ര്യ​ങ്ങ​ളി​ൽ മു​ൻ​ഗ​ണ​ന പാ​ലി​ക്ക​ണ​മെ​ന്ന് സം​സ്ഥാ​ന ജ​ന. സെ​ക്ര​ട്ട​റി കെ.​പി. രാ​ജേ​ന്ദ്ര​ൻ ആ​വ​ശ്യ​പ്പെ​ട്ടു. ന​യ​പ​ര​മാ​യ കാ​ര്യ​ങ്ങ​ളി​ൽ വ്യ​തി​യാ​ന​മു​ണ്ടാ​യാ​ൽ എ.​ഐ.​ടി.​യു.​സി ചെ​റു​ക്കു​മെ​ന്നും വി​വി​ധ മേ​ഖ​ല​ക​ളി​ലെ തൊ​ഴി​ലാ​ളി​ക​ളു​ടെ ശ​മ്പ​ളം കു​ടി​ശ്ശി​ക​യി​ല്ലാ​തെ കൃ​ത്യ​മാ​യി ന​ൽ​ക​ണ​മെ​ന്നും വ​ർ​ഷ​ങ്ങ​ളാ​യി തൊ​ഴി​ൽ ചെ​യ്യു​ന്ന താ​ൽ​ക്കാ​ലി​ക ക​രാ​ർ ജീ​വ​ന​ക്കാ​രെ സ്ഥി​ര​പ്പെ​ടു​ത്ത​ണ​മെ​ന്നും രാ​ജേ​ന്ദ്ര​ൻ ആ​വ​ശ്യ​പ്പെ​ട്ടു.

എ.​ഐ.​ടി.​യു.​സി സം​സ്ഥാ​ന പ്ര​സി​ഡ​ന്റ് ടി.​ജെ. ആ​ഞ്ജ​ലോ​സ് അ​ധ്യ​ക്ഷ​നാ​യി. എം.​എ​ൽ.​എ മാ​രാ​യ വാ​ഴൂ​ർ സോ​മ​ൻ, പി.​എ​സ്. സു​പാ​ൽ, ഇ.​ടി. ടൈ​സ​ൺ, സി.​കെ. ആ​ശ, വി.​ആ​ർ. സു​നി​ൽ​കു​മാ​ർ, വി.​ശ​ശി, എ.​ഐ.​ടി.​യു.​സി ദേ​ശീ​യ സെ​ക്ര​ട്ട​റി ആ​ർ. പ്ര​സാ​ദ്, എ.​ഐ.​വൈ.​എ​ഫ് സം​സ്ഥാ​ന സെ​ക്ര​ട്ട​റി ടി.​ടി. ജി​സ്മോ​ൻ, കേ​ര​ള മ​ഹി​ള സം​ഘം സം​സ്ഥാ​ന സെ​ക്ര​ട്ട​റി ഇ.​എ​സ്. ബി​ജി​മോ​ൾ, ജോ​യ​ന്റ് കൗ​ൺ​സി​ൽ സം​സ്ഥാ​ന ജ​ന​റ​ൽ സെ​ക്ര​ട്ട​റി ജ​യ​ച​ന്ദ്ര​ൻ ക​ല്ലിം​ഗ​ൽ, എ.​ഐ.​ടി.​യു.​സി തി​രു​വ​ന​ന്ത​പു​രം ജി​ല്ല സെ​ക്ര​ട്ട​റി മീ​നാ​ങ്ക​ൽ കു​മാ​ർ, പ്ര​സി​ഡ​ന്റ് സോ​ള​മ​ൻ വെ​ട്ടു​കാ​ട് എ​ന്നി​വ​ർ സം​ബ​ന്ധി​ച്ചു.