ഫ്രാ​േങ്കാ പുറത്തിറങ്ങി; ​െഎക്യദാർഢ്യവുമായി കന്യാസ്​ത്രീകളും വിശ്വാസികളും

പാലാ: കന്യാസ്ത്രീയെ ലൈംഗികമായി പീഡിപ്പിച്ച കേസില്‍ ഹൈകോടതി ജാമ്യം അനുവദിച്ച മുൻ ജലന്ധർ ബിഷപ് ഫ്രാങ്കോ മുളയ്ക്കൽ ജയിൽ മോചിതനായി. നടപടിക്രമങ്ങൾ പൂർത്തിയാക്കി ചൊവ്വാഴ്ച ഉച്ചക്ക്​ ര​േണ്ടാടെയാണ്​ അദ്ദേഹം പാലാ സബ് ജയിലില്‍നിന്ന്​ പുറത്തുവന്നത്​. കര്‍ശന ഉപാധികളോടെ തിങ്കളാഴ്​ച ജാമ്യം അനുവദിച്ചെങ്കിലും നടപടിക്രമങ്ങൾ വൈകിയതിനാൽ പുറത്തിറങ്ങാൻ കഴിഞ്ഞിരുന്നില്ല.

ജയിലില്‍നിന്ന്​ ഇറങ്ങി 24 മണിക്കൂറിനകം കേരളം വിടണമെന്നാണ് പ്രധാന വ്യവസ്ഥ. അതിനാല്‍ അദ്ദേഹം ചൊവ്വാഴ്​ച​ വൈകുന്നേരത്തെ വിമാനത്തില്‍ ജലന്ധറിലേക്ക് പോയെന്നാണ്​ വിവരം. ജയില്‍ കവാടത്തിലൂടെ പുറത്തുവന്ന ബിഷപ്പിനെ മുദ്രാവാക്യം വിളികളുമായി വിശ്വാസികള​ും കന്യാസ്​ത്രീകളും അടങ്ങുന്ന സംഘം സ്വീകരിച്ചത്​. രാവിലെ 11ന്​ തന്നെ പ്രാർഥന ഐക്യദാർഢ്യവുമായി നിരവധി പേർ പാലാ സബ് ജയിലിന് മുന്നിൽ എത്തിയിരുന്നു. കന്യാസ്ത്രീകളും അനുയായികളും തൃശൂരിൽനിന്നുള്ള ബന്ധുക്കളും അടക്കമുള്ളവരാണ്​ ​ജയിലിനു മുന്നിലെ റോഡിൽ മുട്ടുകുത്തി നിന്ന്​ ബിഷപ്പിനുവേണ്ടി പ്രാർഥിച്ചത്​. ഇത്​ ജയിൽ ഗതാഗതവും തടസ്സപ്പെടുത്തി. പാലായിലെ വിവിധ കോൺവ​​െൻറുകളിൽ നിന്നുള്ളവരായിരുന്നു കന്യാസ്​ത്രീകൾ. വിശ്വാസികളിൽ പാലാക്കാരും ഉണ്ടായിരുന്നു.

കന്യാസ്ത്രീയെ ലൈംഗികമായി പീഡിപ്പിച്ചെന്ന പരാതിയിൽ ​െസപ്​റ്റംബർ 21നാണ് ബിഷപ്പിനെ അറസ്​റ്റ്​ ചെയ്തത്. 24ന് റിമാൻഡ്​ ചെയ്തതു മുതൽ പാലാ സബ് ജയിലിലായിരുന്നു. രണ്ടാമത്തെ ജാമ്യാപേക്ഷയിലാണ് കോടതിയുടെ അനുകൂല ഉത്തരവുണ്ടായത്. കേരളത്തിൽ പ്രവേശിക്കരുതെന്നും പരാതിക്കാരിയെയോ സാക്ഷികളെയോ സ്വാധീനിക്കാൻ ശ്രമിക്കരുതെന്നും കുറ്റപത്രം സമർപ്പിക്കുംവരെ രണ്ടാഴ്ച കൂടുമ്പോൾ അന്വേഷണ ഉദ്യോഗസ്ഥൻ ആവശ്യപ്പെടുന്നിടത്ത് ഹാജരാകണമെന്നുമാണ്​ ജാമ്യവ്യവസ്​ഥ. പാസ്പോർട്ട് കോടതിയിൽ സമർപ്പിക്കണമെന്നും നിർദേശിച്ചിട്ടുണ്ട്​.