കാലിക്കറ്റ് സർവകലാശാല : വിദ്യാർഥി യൂനിയൻ തെരഞ്ഞെടുപ്പ്​: പൊലീസ് സംരക്ഷണത്തിന്​ ഉത്തരവ്

കൊ​ച്ചി: കാ​ലി​ക്ക​റ്റ് സ​ർ​വ​ക​ലാ​ശാ​ല വി​ദ്യാ​ർ​ഥി യൂ​നി​യ​ൻ തെ​ര​ഞ്ഞെ​ടു​പ്പി​ന് പൊ​ലീ​സ് സം​ര​ക്ഷ​ണം ന​ൽ​കി ഹൈ​കോ​ട​തി. ചൊ​വ്വാ​ഴ്ച ന​ട​ക്കു​ന്ന തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച്​ എ​സ്.​എ​ഫ്.​ഐ നേ​താ​ക്ക​ളു​ടെ ഭാ​ഗ​ത്തു​നി​ന്ന് നി​ര​ന്ത​ര ഭീ​ഷ​ണി​യ​ട​ക്കം ഉ​ണ്ടാ​കു​ന്ന​താ​യി ചൂ​ണ്ടി​ക്കാ​ട്ടി എം.​എ​സ്.​എ​ഫി​ന്‍റെ ചെ​യ​ർ​പേ​ഴ്സ​ൻ സ്ഥാ​നാ​ർ​ഥി പി.​കെ. ഷി​ഫാ​ന സ​മ​ർ​പ്പി​ച്ച ഹ​ര​ജി​യി​ലാ​ണ് ജ​സ്റ്റി​സ് എ​ൻ. ന​ഗ​രേ​ഷി​ന്റെ ഉ​ത്ത​ര​വ്.

തെ​ര​ഞ്ഞെ​ടു​പ്പി​ൽ​നി​ന്ന്​ പി​ന്മാ​റ​ണ​മെ​ന്ന ആ​വ​ശ്യ​മു​ന്ന​യി​ച്ച്​ ഹ​ര​ജി​ക്കാ​രി​യെ​യും മ​റ്റ്​ സ്ഥാ​നാ​ർ​ഥി​ക​ളെ​യും എ​സ്.​എ​ഫ്.​ഐ നേ​താ​ക്ക​ൾ ത​ട​യു​ക​യും ക്ര​മ​സ​മാ​ധാ​ന പ്ര​ശ്ന​മു​ണ്ടാ​ക്കു​ക​യും ചെ​യ്ത​താ​യി ചൂ​ണ്ടി​ക്കാ​ട്ടി​യാ​ണ്​ ഹ​ര​ജി ന​ൽ​കി​യ​ത്. സ​ർ​വ​ക​ലാ​ശാ​ല​യി​ലെ വ​സ്തു​വ​ക​ക​ളും അ​വ​ർ ന​ശി​പ്പി​ച്ചു. അ​ക്ര​മി​ക​ൾ​ക്കെ​തി​​രെ കേ​സെ​ടു​ത്തി​ട്ടു​ണ്ട്.

എ​ന്നാ​ൽ, മ​തി​യാ​യ പൊ​ലീ​സ്​ സം​ര​ക്ഷ​ണം ഉ​റ​പ്പാ​ക്കു​ന്ന​തി​ൽ ജി​ല്ല പൊ​ലീ​സ്​ സൂ​പ്ര​ണ്ടി​നും തേ​ഞ്ഞി​പ്പ​ലം സ്​​റ്റേ​ഷ​ൻ ഹൗ​സ്​ ഓ​ഫി​സ​ർ​ക്കും വീ​ഴ്ച​പ​റ്റി​യി​ട്ടു​ണ്ട്. തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച്​ ആ​ക്ര​മ​ണ​സാ​ധ്യ​ത നി​ല​നി​ൽ​ക്കു​ക​യാ​ണെ​ന്നും പൊ​ലീ​സ്​ സം​ര​ക്ഷ​ണം അ​നു​വ​ദി​ക്ക​ണ​മെ​ന്നു​മാ​യി​രു​ന്നു ഹ​ര​ജി​യി​ലെ ആ​വ​ശ്യം. എ​ന്നാ​ൽ, സ​ർ​വ​ക​ലാ​ശാ​ല വി​ദ്യാ​ർ​ഥി യൂ​നി​യ​ൻ തെ​ര​ഞ്ഞെ​ടു​പ്പി​ന്​ സം​സ്ഥാ​ന പൊ​ലീ​സ്​ മേ​ധാ​വി മ​തി​യാ​യ പൊ​ലീ​സ്​ സം​ര​ക്ഷ​ണം അ​നു​വ​ദി​ക്കു​മെ​ന്നും പ്ര​ത്യേ​ക ഉ​ത്ത​ര​വ്​ ആ​വ​ശ്യ​മി​ല്ലെ​ന്നു​മാ​യി​രു​ന്നു സ​ർ​ക്കാ​റി​ന്‍റെ വാ​ദം.

2023ൽ ​സ​മാ​ന സം​ഭ​വ​ങ്ങ​ൾ ചൂ​ണ്ടി​ക്കാ​ട്ടി​ ന​ൽ​കി​യ പ​രാ​തി​യി​ൽ കോ​ട​തി പൊ​ലീ​സ്​ സം​ര​ക്ഷ​ണം ന​ൽ​കി​യി​ട്ടു​ള്ള​താ​യി കോ​ട​തി ചൂ​ണ്ടി​ക്കാ​ട്ടി. ഇ​ത്ത​വ​ണ​യും ചി​ല അ​ക്ര​മ​സം​ഭ​വ​ങ്ങ​ൾ ഉ​ണ്ടാ​യി​ട്ടു​ണ്ടെ​ന്ന്​ പൊ​ലീ​സ് എ​ഫ്.​ഐ.​ആ​റി​ൽ​നി​ന്ന് വ്യ​ക്ത​മാ​ണെ​ന്നും കോ​ട​തി വി​ല​യി​രു​ത്തി. തു​ട​ർ​ന്ന്​ തെ​ര​ഞ്ഞെ​ടു​പ്പ്​ മു​ത​ൽ ഫ​ല​പ്ര​ഖ്യാ​പ​നം വ​രെ പൊ​ലീ​സ്​ സം​ര​ക്ഷ​ണം ഉ​റ​പ്പു​വ​രു​ത്ത​ണ​മെ​ന്ന്​ ഡി.​ജി.​പി​ക്കും ജി​ല്ല പൊ​ലീ​സ്​ സൂ​പ്ര​ണ്ടി​നും കോ​ട​തി നി​ർ​ദേ​ശം ന​ൽ​കി.