'ആർ.എസ്.എസുകാരൻ സംഘടിപ്പിക്കുന്ന പരിപാടിയായി അത് മാറി, നമ്മുടെ ഗവർണർ അങ്ങനെയായി പോകരുതായിരുന്നു'; രാജ്ഭവനിലെ പ്രഭാഷണത്തെ വിമർശിച്ച് മുഖ്യമന്ത്രി

തി​രു​വ​ന​ന്ത​പു​രം: ആ​ർ.​എ​സ്.​എ​സ് സൈ​ദ്ധാ​ന്തി​ക​ൻ ഗു​രു​മൂ​ർ​ത്തി​യെ ക്ഷ​ണി​ച്ച്​ രാ​ജ്​​ഭ​വ​നി​ൽ പ്ര​ഭാ​ഷ​ണം ന​ട​ത്തി​യ​തി​ൽ വി​മ​ർ​ശ​ന​വു​മാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഗു​രു​മൂ​ർ​ത്തി​യു​ടെ പ്ര​ഭാ​ഷ​ണം അ​സ്വാ​ഭാ​വി​ക ന​ട​പ​ടി​യാ​ണെ​ന്ന്​ വാ​ർ​ത്ത സ​മ്മേ​ള​ന​ത്തി​ലെ ചോ​ദ്യ​ത്തി​ന്​ മു​ഖ്യ​മ​ന്ത്രി പ​റ​ഞ്ഞു.

ആ​ർ.​എ​സ്.​എ​സു​കാ​ര​ൻ സം​ഘ​ടി​പ്പി​ക്കു​ന്ന പ​രി​പാ​ടി​യാ​യി അ​ത്​ മാ​റി. ന​മ്മു​ടെ ഗ​വ​ർ​ണ​ർ അ​ങ്ങ​നെ​യാ​യി പോ​ക​രു​താ​യി​രു​ന്നെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു. ഓ​പ​റേ​ഷ​ൻ സി​ന്ദൂ​റി​നെ കു​റി​ച്ചെ​ന്ന പേ​രി​ലാ​ണ് ഗു​രു​മൂ​ർ​ത്തി രാ​ജ്ഭ​വ​നി​ൽ പ്ര​ഭാ​ഷ​ണം ന​ട​ത്തി​യ​ത്. ഗ​വ​ർ​ണ​ർ രാ​ജേ​ന്ദ്ര ആ​ർ​ലേ​ക്ക​ർ അ​ധ്യ​ക്ഷ​നാ​യാ​ണ്​ ച​ട​ങ്ങ്​ സം​ഘ​ടി​പ്പി​ച്ച​ത്.

അതേസമയം, ക​രു​വ​ന്നൂ​ർ ബാ​ങ്ക്​ കേ​സി​ൽ പ്ര​തി​ക​ളാ​ക്കി നേ​താ​ക്ക​ളെ ക​ള​ങ്ക​പ്പെ​ടു​ത്താ​നു​ള്ള ശ്ര​മ​മാ​ണ്​ ന​ട​ക്കു​ന്ന​തെ​ന്ന്​ മു​ഖ്യ​മ​ന്ത്രി പറഞ്ഞു.

ക​ള​ങ്ക​ര​ഹി​ത​മാ​യ​വ​രാ​ണ​ല്ലോ അ​വ​​രെ​ല്ലാം. നേ​താ​ക്ക​ളെ പ്ര​തി ചേ​ർ​ത്ത​തി​ൽ പാ​ർ​ട്ടി നി​ല​പാ​ട്​ വ്യ​ക്ത​മാ​ക്കി​യി​ട്ടു​ണ്ട്. ഇ.​ഡി​യു​ടെ വി​ശ്വാ​സ്യ​ത കു​റ​ഞ്ഞു​വ​രി​ക​യാ​ണ്. കോ​ട​തി​യി​ൽ​നി​ന്ന​ട​ക്കം വ​ലി​യ വി​മ​ർ​ശ​ന​മാ​ണ്​ അ​വ​ർ നേ​രി​ടു​ന്ന​ത്. നി​യ​മ​വി​ധേ​യ​മ​ല്ലാ​ത്ത അ​ന​വ​ധി ന​ട​പ​ടി​ക​ളാ​ണ്​ സ്വീ​ക​രി​ക്കു​ന്ന​ത്. ഇ​വി​ടെ​യും അ​ങ്ങ​നെ​യാ​ണ്​ സം​ഭ​വി​ച്ച​ത്. നി​യ​മ​പ​ര​മാ​യി നേ​രി​ടേ​ണ്ട കാ​ര്യ​ങ്ങ​ളാ​ണ്​ ഇ​വ​യെ​ല്ലാ​മെ​ന്നും മു​ഖ്യ​മ​ന്ത്രി വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

വ​ന്യ​ജീ​വി ആ​ക്ര​മ​ണ വി​ഷ​യ​ത്തി​ൽ ശാ​ശ്വ​ത പ​രി​ഹാ​ര​മാ​ണ് സ​ർ​ക്കാ​ർ തേ​ടു​ന്ന​തെ​ന്ന് മു​ഖ്യ​മ​ന്ത്രി പറഞ്ഞു. അ​പ​ക​ട​കാ​രി​ക​ളാ​യ മൃ​ഗ​ങ്ങ​ളെ കൊ​ല്ലാ​ൻ കേ​ന്ദ്ര സ​ർ​ക്കാ​റി​ന്‍റെ അ​നു​മ​തി തേ​ടും. ഈ ​വി​ഷ​യ​ത്തി​ൽ നി​യ​മ നി​ർ​മാ​ണ​ത്തി​നു​ള്ള സാ​ധ്യ​ത​യും തേ​ടും. സം​സ്ഥാ​ന സ​ർ​ക്കാ​ർ ഒ​ന്നും ചെ​യ്യു​ന്നി​ല്ലെ​ന്നാ​ണ് പ്ര​തി​പ​ക്ഷം പ്ര​ച​രി​പ്പി​ക്കു​ന്ന​ത്. അ​ത് വ​സ്‌​തു​ത പ​രി​ശോ​ധി​ക്കാ​തെ​യു​ള്ള വി​മ​ർ​ശ​ന​മാ​ണെ​ന്നും മു​ഖ്യ​മ​ന്ത്രി കു​റ്റ​പ്പെ​ടു​ത്തി.