നിർമിതബുദ്ധി സേവനങ്ങൾ പൊലീസിലും നടപ്പാക്കും–മുഖ്യമന്ത്രി

തി​രു​വ​ന​ന്ത​പു​രം: നി​ർ​മി​ത​ബു​ദ്ധി അ​ടി​സ്ഥാ​ന​മാ​ക്കി​യ വി​വി​ധ സേ​വ​ന​ങ്ങ​ൾ പൊ​ലീ​സി​െൻറ വി​വി​ധ വി​ഭാ​ഗ​ങ്ങ​ളി​ൽ ഏ​ർ​പ്പെ​ടു​ത്തു​ന്ന​ത് സ​ർ​ക്കാ​റി​െൻറ പ​രി​ഗ​ണ​ന​യി​ലാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. കേ​ര​ള​പ്പി​റ​വി ദി​ന​ത്തോ​ട​നു​ബ​ന്ധി​ച്ച് എ​സ്.​എ.​പി ഗ്രൗ​ണ്ടി​ൽ ന​ട​ന്ന റൈ​സി​ങ്​ ഡേ ​പ​രേ​ഡി​ൽ അ​ഭി​വാ​ദ്യം സ്വീ​ക​രി​ക്കു​ക​യാ​യി​രു​ന്നു അ​ദ്ദേ​ഹം.

സാ​ങ്കേ​തി​ക​വി​ദ്യ പ​ര​മാ​വ​ധി വി​നി​യോ​ഗി​ച്ചെ​ങ്കി​ൽ മാ​ത്ര​മേ മാ​റു​ന്ന ലോ​ക​ക്ര​മ​ത്തി​ൽ പി​ടി​ച്ചു​നി​ൽ​ക്കാ​നാ​വൂ എ​ന്ന്​ മ​ന​സ്സി​ലാ​ക്കി​യാ​ണ് കേ​ര​ള പൊ​ലീ​സ് പ​ല പ​ദ്ധ​തി​ക​ളും ആ​വി​ഷ്‌​ക​രി​ച്ചി​ട്ടു​ള്ള​ത്. കൂ​ട​ത്താ​യി കൊ​ല​പാ​ത​ക​പ​ര​മ്പ​ര​യു​ടെ ചു​രു​ള​ഴി​ക്കാ​ൻ ക​ഴി​ഞ്ഞ​ത് പൊ​ലീ​സി​െൻറ മി​ക​ച്ച പ്ര​വ​ർ​ത്ത​നം മൂ​ല​മാ​ണ്. പൊ​ലീ​സി​െൻറ സാ​ങ്കേ​തി​ക സം​വി​ധാ​ന​ങ്ങ​ളും സേ​വ​ന​ങ്ങ​ളും ഒ​രു കു​ട​ക്കീ​ഴി​ലാ​ക്കാ​ൻ ല​ക്ഷ്യ​മി​ട്ടാ​ണ് പൊ​ലീ​സ് ടെ​ക്നോ​ള​ജി സ​െൻറ​ർ ആ​രം​ഭി​ക്കു​ന്ന​ത്. മു​ഖ്യ​മ​ന്ത്രി​യു​ടെ പൊ​ലീ​സ്, ഫ​യ​ർ ആ​ൻ​ഡ്​ റ​സ്‌​ക്യൂ, പ്രി​സ​ൺ​സ്, ഫോ​റ​സ്​​റ്റ്, മോ​ട്ടോ​ർ വെ​ഹി​ക്കി​ൾ മെ​ഡ​ൽ, പൊ​ലീ​സ് നാ​യ്ക്ക​ൾ​ക്കാ​യി ഏ​ർ​പ്പെ​ടു​ത്തി​യ ക​നൈ​ൻ മെ​ഡ​ലു​ക​ൾ എ​ന്നി​വ ച​ട​ങ്ങി​ൽ വി​ത​ര​ണം ചെ​യ്തു.

131 അം​ഗ കെ-9 ​സ്‌​ക്വാ​ഡി​ലെ 10 പൊ​ലീ​സ് നാ​യ​ക​ൾ​ക്കാ​ണ് ആ​ദ്യ​മാ​യി ഏ​ർ​പ്പെ​ടു​ത്തി​യ ക​നൈ​ൻ മെ​ഡ​ൽ സ​മ്മാ​നി​ച്ച​ത്. എ​സ്.​എ.​പി വ​ള​പ്പി​ൽ സ്ഥാ​പി​ക്കു​ന്ന കേ​ര​ള പൊ​ലീ​സ് ടെ​ക്നോ​ള​ജി സ​െൻറ​റി​െൻറ ശി​ലാ​സ്ഥാ​പ​ന​വും മു​ഖ്യ​മ​ന്ത്രി നി​ർ​വ​ഹി​ച്ചു.