അമ്മ കൊലപ്പെടുത്തിയ കുട്ടി ബ​ന്ധു​വി​ൽ​നി​ന്ന്​ നേ​രി​ട്ട​ത് കൊ​ടി​യ പീ​ഡനം​

കോ​ല​ഞ്ചേ​രി: അ​മ്മ പു​​ഴ​യി​ലെ​റി​ഞ്ഞ്​ കൊ​ല​പ്പെ​ടു​ത്തി​യ കു​ട്ടി അ​ടു​ത്ത ബ​ന്ധു​വി​ൽ​നി​ന്ന്​ നേ​രി​ട്ട​ത് കൊ​ടി​യ പീ​ഡ​ന​മെ​ന്ന്​ പൊ​ലീ​സ്. കു​ഞ്ഞി​ന്‍റെ അ​ച്ഛ​ന്‍റെ അ​ടു​ത്ത ബ​ന്ധു​വാ​യ പ്ര​തി അ​ടു​പ്പം മു​ത​ലെ​ടു​ത്ത് നി​ര​ന്ത​രം ചൂ​ഷ​ണം ചെ​യ്ത​താ​യി സ​മ്മ​തി​ച്ചു. കു​ഞ്ഞി​ന്‍റെ പോ​സ്റ്റ്‍മോ​ര്‍ട്ട​ത്തി​ലാ​ണ് പീ​ഡ​ന​വി​വ​രം പു​റ​ത്തു​വ​ന്ന​ത്.

കൊ​ല​പാ​ത​ക കേ​സി​ൽ അ​മ്മ​യു​ടെ അ​റ​സ്റ്റ് രേ​ഖ​പ്പെ​ടു​ത്തി കോ​ട​തി​യി​ൽ ഹാ​ജ​രാ​ക്കു​ന്ന​തി​ന് തൊ​ട്ടു​മു​മ്പാ​ണ് പെ​ൺ​കു​ഞ്ഞി​ന്‍റെ പോ​സ്റ്റ്മോ​ർ​ട്ടം വി​വ​ര​ങ്ങ​ൾ പൊ​ലീ​സി​ന് ല​ഭി​ച്ച​ത്. മൃ​ത​ദേ​ഹ​ത്തി​ലെ ആ​ദ്യ​ഘ​ട്ട പ​രി​ശോ​ധ​ന​യി​ൽ​ത​ന്നെ പീ​ഡ​ന​ത്തി​ന് ഇ​ര​യാ​യ​താ​യി ഫോ​റ​ൻ​സി​ക് സ​ർ​ജ​ൻ ക​ണ്ടെ​ത്തി​യി​രു​ന്നു. ഒ​ന്നോ ര​ണ്ടോ വ​ട്ട​മ​ല്ല, നി​ര​ന്ത​രം കു​ഞ്ഞി​നെ ചൂ​ഷ​ണം ചെ​യ്തെ​ന്നാ​ണ് മ​ന​സ്സി​ലാ​കു​ന്ന​തെ​ന്ന് ഇ​ദ്ദേ​ഹം പൊ​ലീ​സി​നെ അ​റി​യി​ച്ചു.

ഈ ​റി​പ്പോ​ർ​ട്ടി​ന് പി​ന്നാ​ലെ​യാ​ണ് പൊ​ലീ​സ് ബ​ന്ധു​ക്ക​ളെ​ക്കു​റി​ച്ച്​ അ​ന്വേ​ഷ​ണം തു​ട​ങ്ങി​യ​ത്. കു​ഞ്ഞി​ന്‍റെ സം​സ്കാ​രം പൂ​ർ​ത്തി​യാ​യ അ​ന്ന് രാ​ത്രി​ത​ന്നെ പി​താ​വി​ന്‍റെ അ​ടു​ത്ത ബ​ന്ധു​ക്ക​ളെ ചോ​ദ്യം​ചെ​യ്തു.

അ​ടു​ത്ത ബ​ന്ധു​വി​ലേ​ക്ക് സം​ശ​യം നീ​ളു​ന്ന​താ​യി​രു​ന്നു വീ​ട്ടി​ലെ സ്ത്രീ​ക​ൾ ഉ​ൾ​പ്പെ​ടെ പ​ല​രു​ടെ​യും മൊ​ഴി. ആ​ദ്യ​ഘ​ട്ട​ത്തി​ൽ ചോ​ദ്യം​ചെ​യ്ത് ഇ​യാ​ളെ വി​ട്ട​യ​ച്ചു. ബു​ധ​നാ​ഴ്ച മ​റ്റ് ര​ണ്ടു ബ​ന്ധു​ക്ക​ൾ​ക്കൊ​പ്പം വീ​ണ്ടും വി​ളി​ച്ചു​വ​രു​ത്തി വി​ശ​ദ​മാ​യി ചോ​ദ്യം​ചെ​യ്യു​ക​യാ​യി​രു​ന്നു.

മ​റ്റു ര​ണ്ടു​ബ​ന്ധു​ക്ക​ളെ​യും വി​ട്ട​യ​ച്ചെ​ങ്കി​ലും ഇ​യാ​ളെ പൊ​ലീ​സ് വി​ശ​ദ​മാ​യി ചോ​ദ്യം​ചെ​യ്തു. തെ​ളി​വു​ക​ൾ ഓ​രോ​ന്നാ​യി നി​ര​ത്തി​യ​തോ​ടെ പ്ര​തി കു​റ്റം സ​മ്മ​തി​ക്കു​ക​യാ​യി​രു​ന്നു. ത​നി​ക്ക് അ​ബ​ദ്ധം പ​റ്റി​യെ​ന്ന് പ​റ​ഞ്ഞ് ഇ​യാ​ൾ പൊ​ട്ടി​ക്ക​ര​ഞ്ഞ​താ​യും ഉ​ദ്യോ​ഗ​സ്ഥ​ർ പ​റ​യു​ന്നു.

അ​ച്ഛ​ന്‍റെ​യും അ​മ്മ​യു​ടെ​യും പ​രി​ച​ര​ണം വേ​ണ്ട​വി​ധം ല​ഭി​ക്കാ​ത്ത കു​ഞ്ഞ് ബ​ന്ധു​ക്ക​ൾ​ക്കൊ​പ്പ​മാ​യി​രു​ന്നു കൂ​ടു​ത​ൽ സ​മ​യ​വും ചെ​ല​വി​ട്ട​ത്.

ഇ​ത് പ്ര​തി മു​ത​ലെ​ടു​ക്കു​ക​യാ​യി​രു​ന്നു​വെ​ന്നാ​ണ് പൊ​ലീ​സി​ന്‍റെ നി​ഗ​മ​നം. ബ​ന്ധു​ക്ക​ളോ​ടാ​യി​രു​ന്നു കു​ഞ്ഞി​ന്​ അ​ടു​പ്പ​മെ​ന്ന് അ​മ്മ​യും പൊ​ലീ​സി​ന് മൊ​ഴി ന​ൽ​കി​യി​രു​ന്നു. പോ​സ്റ്റ്മോ​ർ​ട്ടം ചെ​യ്ത ഫോ​റ​ൻ​സി​ക് സ​ർ​ജ​ന്‍റെ മൊ​ഴി പൊ​ലീ​സ് രേ​ഖ​പ്പെ​ടു​ത്തി. അ​ടു​ത്ത ദി​വ​സം അ​മ്മ​യെ വീ​ണ്ടും ചോ​ദ്യം​ചെ​യ്യു​ന്ന​തോ​ടെ കൊ​ല​പാ​ത​ക കാ​ര​ണം സം​ബ​ന്ധി​ച്ചും പീ​ഡ​നം സം​ബ​ന്ധി​ച്ചും കൂ​ടു​ത​ൽ വ്യ​ക്ത​ത വ​രു​മെ​ന്നാ​ണ് പൊ​ലീ​സ് നി​ഗ​മ​നം.

കൊ​ല​പാ​ത​കം ചെ​ങ്ങ​മ​നാ​ട് പൊ​ലീ​സും പോ​ക്സോ കേ​സ് പു​ത്ത​ൻ​കു​രി​ശ് പൊ​ലീ​സു​മാ​ണ് അ​ന്വേ​ഷി​ക്കു​ന്ന​ത്.