ശശി തരൂരിനെ ചേർത്തുപിടിച്ച് ക്രൈസ്തവ സഭകൾ; കെ.​പി.​സി.​സി പ്ര​സി​ഡ​ന്‍റി​നൊ​പ്പം വേ​ദി ന​ൽ​കി പാ​ലാ രൂ​പ​ത

കോ​ട്ട​യം: നി​ല​പാ​ടി​ലെ വ്യ​തി​യാ​ന​ത്തെ ചൊ​ല്ലി കോ​ൺ​ഗ്ര​സ് അ​ക​ലം പാ​ലി​ക്കു​ന്ന​തി​നി​ടെ ശ​ശി ത​രൂ​ർ എം.​പി​ക്ക് വേ​ദി​യൊ​രു​ക്കി​യും അ​ദ്ദേ​ഹ​ത്തെ പു​ക​ഴ്ത്തി​യും ക്രൈ​സ്ത​വ സ​ഭ​ക​ൾ. കെ.​പി.​സി.​സി പ്ര​സി​ഡ​ന്‍റ്​ സ​ണ്ണി ജോ​സ​ഫി​നൊ​പ്പം വേ​ദി​യും ന​ൽ​കി. ക​ത്തോ​ലി​ക്ക സ​ഭ​യു​ടെ പാ​ലാ രൂ​പ​ത​യും സി.​എ​സ്.​ഐ സ​ഭ​യു​മാ​ണ് പ​രി​പാ​ടി​ക​ൾ ഒ​രു​ക്കി​യ​ത്.

എ​ല്ലാ​വ​രും ഏ​തെ​ങ്കി​ലും സ്ഥാ​നം ന​ൽ​കാ​ൻ ആ​ഗ്ര​ഹി​ക്കു​ന്ന വ്യ​ക്തി​യാ​ണ് ത​രൂ​രെ​ന്നാ​യി​രു​ന്നു ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി​യു​ടെ ച​ട​ങ്ങി​ലെ പ്ര​തി​ക​ര​ണം. കേ​ര​ള​ത്തി​ന്റെ കോ​സ്മോ പോ​ളി​റ്റ​ൻ ആ​ണ് ശ​ശി ത​രൂ​ർ എ​ന്ന് പാ​ലാ ബി​ഷ​പ്പ് ജോ​സ​ഫ് ക​ല്ല​റ​ങ്ങാ​ട്ടും പു​ക​ഴ്ത്തി. വി​വാ​ദ​ങ്ങ​ൾ നി​ല​നി​ൽ​ക്കെ ഏ​റെ കാ​ല​ത്തി​ന് ശേ​ഷം കെ.​പി.​സി.​സി അ​ധ്യ​ക്ഷ​ൻ സ​ണ്ണി ജോ​സ​ഫും ത​രൂ​രും ഒ​രു​മി​ച്ച് വേ​ദി പ​ങ്കി​ടാ​നും പ​രി​പാ​ടി കാ​ര​ണ​മാ​യി. പാ​ലാ രൂ​പ​ത​യു​ടെ പ്ലാ​റ്റി​നം ജൂ​ബി​ലി സ​മാ​പ​ന വേ​ദി​യി​ലാ​യി​രു​ന്നു ഈ ​കൂ​ടി​ക്കാ​ഴ്ച.

അ​ടു​ത്ത​ടു​ത്ത് ഇ​രി​പ്പി​ടം കി​ട്ടി​യ സ​ണ്ണി ജോ​സ​ഫി​നോ​ട് ത​രൂ​ർ പ​രി​പാ​ടി​ക​ളെ​ക്കു​റി​ച്ച് വാ​ചാ​ല​നാ​കു​ന്ന​തും കാ​ണാ​മാ​യി​രു​ന്നു. പ്ര​ഭാ​ഷ​ണ​ങ്ങ​ൾ​ക്കി​ടെ സ​ണ്ണി ജോ​സ​ഫും ത​രൂ​രി​നോ​ട് സം​സാ​രി​ക്കു​ന്നു​ണ്ടാ​യി​രു​ന്നു. ന​രേ​ന്ദ്ര മോ​ദി സ്തു​തി​യു​ടെ​യും ബി.​ജെ.​പി​യോ​ടു​ള്ള നി​ല​പാ​ടി​ന്‍റെ​യും പേ​രി​ൽ കോ​ൺ​ഗ്ര​സ്‌ അ​ടു​ത്ത​കാ​ല​ത്ത് ത​രൂ​രി​നെ അ​ക​റ്റി നി​ർ​ത്തി​യി​രി​ക്കു​ക​യാ​യി​രു​ന്നു. ത​രൂ​ർ പാ​ർ​ട്ടി വി​ടു​ന്നെ​ങ്കി​ൽ വി​ട​ട്ടേ​യെ​ന്ന്​ കോ​ൺ​ഗ്ര​സും ത​ന്നെ പു​റ​ത്താ​ക്കു​ന്നെ​ങ്കി​ൽ പു​റ​ത്താ​ക്ക​ട്ടെ​യെ​ന്ന നി​ല​പാ​ടി​ൽ ത​രൂ​രും തു​ട​രു​ക​യാ​ണ്.

ത​രൂ​രി​ന് ര​ണ്ടു​ദി​വ​സ​മാ​യി നാ​ലു വേ​ദി​ക​ളാ​ണ് സ​ഭ​ക​ൾ ഒ​രു​ക്കി​യ​ത്. ക​ഴി​ഞ്ഞ ദി​വ​സം സി.​എ​സ്.​ഐ സ​ഭ​യു​ടെ വാ​ർ​ഷി​കാ​ച​ര​ണ​ത്തി​ൽ പ​ങ്കെ​ടു​ത്ത ത​രൂ​ർ, സ​ഭ​ക്ക് കീ​ഴി​ലു​ള്ള സി.​എം.​എ​സ് കോ​ള​ജി​ൽ വി​ദ്യാ​ർ​ഥി​ക​ളു​മാ​യു​ള്ള മു​ഖാ​മു​ഖം പ​രി​പാ​ടി​യി​ലും പ​ങ്കെ​ടു​ത്തു. പി​റ്റേ​ദി​വ​സ​മാ​ണ്​ പാ​ലാ രൂ​പ​ത വി.​ഐ.​പി പ​രി​ഗ​ണ​ന​യി​ൽ ശ​നി​യാ​ഴ്ച വേ​ദി ന​ൽ​കി​യ​ത്. പ​രി​പാ​ടി​യി​ൽ പ​ങ്കെ​ടു​ത്ത സ​ണ്ണി ജോ​സ​ഫ് ഉ​ൾ​പ്പെ​ടെ രാ​ഷ്ട്രീ​യ നേ​താ​ക്ക​ൾ​ക്ക് സം​സാ​രി​ക്കാ​ൻ മൂ​ന്നു മി​നി​റ്റ്​ വീ​തം അ​നു​വ​ദി​ച്ച​പ്പോ​ൾ ത​രൂ​ർ പ​ത്ത് മി​നി​റ്റി​ലേ​റെ പ്ര​സം​ഗി​ച്ചു. ഉ​ത്ത​രേ​ന്ത്യ​യി​ൽ ക്രൈ​സ്ത​വ​ർ​ക്കെ​തി​രെ തു​ട​രു​ന്ന അ​റ​സ്റ്റ്​ ചൂ​ണ്ടി​ക്കാ​ട്ടി​യാ​യി​രു​ന്നു ത​രൂ​രി​ന്റെ പ്ര​സം​ഗം. ക്രൈ​സ്ത​വ സ​ഭ​ക​ൾ കേ​ര​ള​ത്തി​ന് ന​ൽ​കു​ന്ന സം​ഭാ​വ​ന​ക​ളെ​യും വി​സ്മ​രി​ച്ചി​ല്ല.

ഡി.​സി.​സി​ക​ൾ ഉ​ൾ​പ്പെ​ടെ അ​ക​ലം പാ​ലി​ക്ക​വെ സ​ഭ​ക​ൾ ത​രൂ​രി​ന് വേ​ദി ന​ൽ​കി​യ​ത് രാ​ഷ്ട്രീ​യ​ച​ർ​ച്ച​ക്ക്​ വ​ഴി​തു​റ​ന്നി​രി​ക്കു​ക​യാ​ണ്. കോ​ൺ​ഗ്ര​സി​നു​ള്ളി​ലെ ഒ​രു ഗ്രൂ​പ്പ് ത​രൂ​രി​ന് ഇ​പ്പോ​ഴും ര​ഹ​സ്യ​പി​ന്തു​ണ ന​ൽ​കു​ന്നു​ണ്ട​ന്ന​തും മ​റ്റൊ​രു സ​ത്യം. ക്രൈ​സ്ത​വ സ​ഭ​ക​ൾ ന​ട​ത്തി​യ ഈ ​പ​രി​പാ​ടി​ക​ളി​ലൂ​ടെ കോ​ൺ​ഗ്ര​സും ത​രൂ​രു​മാ​യി നി​ല​നി​ൽ​ക്കു​ന്ന പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​കു​മോ​യെ​ന്നാ​ണ് ഇ​നി കാ​ണേ​ണ്ട​ത്.