മദ്യനയം: ക്രൈസ്​തവ സഭാ നേതൃത്വം മുഖ്യമന്ത്രിയുമായി കൂടികാഴ്​ച നടത്തി

തിരുവനന്തപുരം: മദ്യനയവുമായി ബന്ധപ്പെട്ട്​ സർക്കാർ ഇറക്കിയ ഒാർഡിൻസിനെ കുറിച്ച്​ ചർച്ച ചെയ്യാൻ ക്രൈസ്​തവ സഭാ  നേതൃത്വം മുഖ്യമന്ത്രി പിണറായി വിജയനുമായി  കൂടികാഴ്​ച നടത്തി. പുതിയ ഒാർഡിനൻസിലുള്ള എതിർപ്പ്​ സഭാ നേതൃത്വം മുഖ്യമന്ത്രിയെ അറിയിച്ചു. പ്രഖ്യാപിത ലക്ഷ്യത്തിൽ നിന്നുള്ള വ്യതിചലനമാണ്​ ഒാർഡിനൻസെന്നും സഭാ നേതൃത്വം നിലപാടെടുത്തു. അതേ സമയം, സഭാ നേതൃത്വത്തി​​െൻറ ആശങ്കകൾ പരിഗണിക്കുമെന്ന്​ മുഖ്യമന്ത്രി പിണറായി വിജയൻ പറഞ്ഞു.

 നേരത്തെ മദ്യശാലകൾ ആരംഭിക്കുന്നതിന്​ ത​ദ്ദേശ സ്ഥാപനങ്ങളുടെ അനുമതി വേണ്ടെന്ന എൽ.ഡി.എഫ്​ സർക്കാർ ഒാർഡിൻസ്​ ഇറക്കിയിരുന്നു. ഇതിനെതിരെയാണ്​ ക്രൈസ്​തവ സഭകളും പ്രതിപക്ഷവും നിലപാടെടുത്തിരിക്കുന്നത്​. മദ്യനയവുമായി ബന്ധപ്പെട്ട്​ സർക്കാർ നിലപാട്​ തിരുത്തിയില്ലെങ്കിൽ ​പ്രക്ഷോഭം ആരംഭിക്കുമെന്നാണ്​ സഭ നേതൃത്വത്തി​​െൻറ നിലപാട്​​.