വെള്ളച്ചാട്ടത്തിൽ യുവതികളെ കടന്നുപിടിച്ച പൊലീസു​കാർക്ക് സസ്​പെൻഷൻ

കൊച്ചി: പിറവം അരീക്കൽ വെള്ളച്ചാട്ടത്തിലിറങ്ങിയ സ്ത്രീകളെ കടന്നുപിടിച്ച സംഭവത്തിൽ രണ്ടു​പൊലീസുകാരെ സർവിസിൽ നിന്ന് സസ്​പെൻഡ് ചെയ്തു. മൂവാറ്റുപുഴ സ്റ്റേഷനിലെ സിവിൽ പൊലീസ് ഓഫിസർമാരായ പരീത്, ബിജു എന്നിവരെയാണ് അന്വേഷണവിധേയമായി സസ്​പെൻഡ് ​ചെയ്തത്.

സംഭവത്തിൽ സ്ത്രീകളുടെ പരാതിയിൽ മൂവാറ്റുപുഴ സ്റ്റേഷനിലെ സി.പി.ഒമാരായ പരീതിനെയും ബിജുവിനെയും കസ്റ്റഡിയിൽ എടുത്തിരുന്നു. എറണാകുളം സ്വദേശിനികളായ യുവതികൾ സുഹൃത്തുക്കൾക്കൊപ്പം വെള്ളച്ചാട്ടത്തിൽ കുളിക്കുന്നതിനിടെ ഇവർ കടന്നുപിടിച്ചെന്നായിരുന്നു പരാതി. യുവതികൾ പ്രതികരിച്ചതോടെ ഇവരെ നാട്ടുകാർ തടഞ്ഞുവെക്കുകയായിരുന്നു. രാമമംഗലം പൊലീസ് സ്ഥലത്തെത്തിയാണ് ഉദ്യോഗസ്ഥരെ കസ്റ്റഡിയിലെടുത്തത്.