വിവരാവകാശ കമീഷൻ: സി.പി.എം നേതാവി​െൻറ പേര്​ ഗവർണർ വെട്ടി

തിരുവനന്തപുരം: വിവരാവകാശ കമീഷന്‍ അംഗങ്ങളായി നിയമിക്കാൻ സർക്കാർ സമർപ്പിച്ച പട്ടികയില്‍ നിന്ന് സി.പി.എം നേതാവിനെ ഗവർണർ ഒഴിവാക്കി. കേരള സര്‍വകലാശാല അസിസ്​റ്റൻറ്​ നിയമനക്കേസില്‍ ഉള്‍പ്പെട്ട എ.എ. റഷീദി​​​െൻറ പേരാണ്​ വെട്ടിയത്. റഷീദ് ഒഴികെ മറ്റ് നാലുപേരുടെയും നിയമനം ഗവര്‍ണര്‍ അംഗീകരിച്ചു. 

ചെമ്പഴന്തി എസ്​.എൻ. കോളജ്​ അധ്യാപകനും കോളജ്​ അധ്യാപക സംഘടന നേതാവുമായിരുന്ന ഡോ. കെ.എല്‍. വിവേകാനന്ദന്‍, ദേശാഭിമാനി മുൻ ന്യൂസ്​ എഡിറ്ററും വി.എസ്​. അച്യുതാനന്ദ​​​െൻറ പ്രസ്​ സെക്രട്ടറിയുമായ കെ.വി. സുധാകരൻ, ട്രാവൻകൂർ ടൈറ്റാനിയം മുൻ മാനേജിങ്​​ ഡയറക്​ടർ എസ്​. സോമനാഥന്‍ പിള്ള, പൊതുഭരണവകുപ്പ്​ അഡീഷനൽ സെക്രട്ടറിയായിരുന്ന പി.ആര്‍. ശ്രീലത എന്നിവരെ അംഗങ്ങളായി നിയമിക്കാൻ ഗവര്‍ണര്‍ അംഗീകാരം നല്‍കി.

ഇടത്​ സര്‍ക്കാര്‍ അധികാരത്തില്‍ വന്നശേഷം അഞ്ചുപേരുടെ പട്ടികയാണ് ഗവർണർക്ക്​ നല്‍കിയത്. ചിലർക്കെതിരെ ഗവർണർക്ക്​ പരാതി ലഭിച്ചു. റഷീദിനെതിരെ കേസുണ്ടെന്ന പൊലീസ്​ റിപ്പോർട്ടുമുണ്ട്​. ചിലരുടെ വായ്​പബാധ്യതയെക്കുറിച്ചും വിശദാംശം വേണമെന്ന നിലപാടിലായിരുന്നു ഗവർണർ. ഇക്കാര്യത്തിൽ സര്‍ക്കാറിനോട് വിശദീകരണം ചോദിച്ചെങ്കിലും അതേ പട്ടിക തന്നെ സർക്കാർ തിരിച്ചയക്കുകയായിരുന്നു. ഇതിനുപുറമെ ഇവരുടെ യോഗ്യത വ്യക്തമാക്കുന്ന ബയോഡാറ്റയും മറ്റും ഗവര്‍ണര്‍ക്ക് നല്‍കുകയും ചെയ്തു. ഇത്​ പരിശോധിച്ചശേഷമാണ്​ റഷീദി​​​െൻറ പേര്​ ഗവർണർ തള്ളിയത്​. 

റഷീദിനെതിരെ ഏഴോളം പരാതിയാണ്​ ഗവർണർക്ക്​ ലഭിച്ചത്. പൊലീസ്​ റിപ്പോർട്ടിൽ കേസുകളുടെ കാര്യം സൂചിപ്പിച്ചിരുന്നു. സി.പി.എം പാളയം ഏരിയ മുൻ സെക്രട്ടറിയും അരുവിക്കര നിയമസഭ മണ്ഡലത്തിലെ ഇടത്​ സ്​ഥാനാർഥിയുമായിരുന്നു റഷീദ്​. 192 ​അപേക്ഷകരാണ്​ ഇൗ തസ്​തികയിലേക്ക്​ അപേക്ഷിച്ചത്​. ഇതിൽ നിന്നാണ്​ അഞ്ചുപേരുടെ പട്ടിക സർക്കാർ ഗവർണർക്ക്​ വിട്ടത്​.