സി.പി.എം രാമായണമാസം ആചരിക്കില്ല-കോടിയേരി

തിരുവനന്തപുരം: സി.പി.എമ്മി​​​െൻറ നേതൃത്വത്തിൽ രാമായണമാസം ആചരിക്കില്ലെന്ന്​ സംസ്​ഥാന സെക്രട്ടറി കോടിയേരി ബാലകൃഷ്​ണൻ. ഇടതുപക്ഷ സംഘടനകളല്ല പരിപാടി സംഘടിപ്പിക്കുന്നത്​. രാമായണമാസം എന്ന നിലയില്‍ കര്‍ക്കിടകമാസത്തെ ആര്‍.എസ്‌.എസ്‌ വര്‍ഗ്ഗീയ പ്രചരണത്തിനും രാഷ്ട്രീയ ആവശ്യത്തിനുമായി ദുര്‍വിനിയോഗം ചെയ്‌തു വരികയാണ്‌. ഹിന്ദു പുരാണേതിഹാസങ്ങളെ ഉപയോഗിച്ച്‌ നടത്തുന്ന ഈ തെറ്റായ നീക്കങ്ങളെ തുറന്ന്‌ കാണിക്കുന്നതിന്‌ സംസ്‌കൃത പണ്ഡിതരും, അധ്യാപകരും ചേർന്ന്​ രൂപം നല്‍കിയ ‘സംസ്‌കൃതസംഘം’ എന്ന സംഘടന വിവിധ പരിപാടികള്‍ സംഘടിപ്പിക്കുന്നുണ്ട്‌. ‘സംസ്​കൃതസംഘം’ സി.പി.എമ്മി​​​െൻറ സംഘടനയല്ല. അതൊരു സ്വതന്ത്ര സംഘടനയാണെന്നും ​േകാടിയേരി പ്രസ്‌താവനയില്‍ പറഞ്ഞു. 

രാ​മാ​യ​ണം, മ​ഹാ​ഭാ​ഗ​വ​തം, ഉ​പ​നി​ഷ​ത്തു​ക​ൾ എ​ന്നി​വ​യെ അ​ടി​സ്ഥാ​ന​മാ​ക്കി വി​ഷ​യം തെ​ര​ഞ്ഞെ​ടുത്ത്​ പ്രഭാഷണം സംഘടിപ്പിക്കാൻ സംസ്​കൃതസംഘം തീരുമാനിച്ചിരുന്നു. ആഗസ്​ത്​11ന്​  കണ്ണൂരിൽ ‘രാമായണം: ആദി കാവ്യചിന്ത’ എന്ന വിഷയത്തിൽ സെമിനാർ നടത്താനും തീരുമാനിച്ചിട്ടുണ്ട്​. സി.പി.എം നേതൃത്വം സംഘത്തി​​​െൻറ  രൂപീകരണത്തിൽ കൈകടത്തുന്നില്ലെന്ന്​ പറയുമ്പോഴും സംസ്​ഥാന സമിതി അംഗവും എസ്​.എഫ്​.​െഎ മുൻ അഖിലേന്ത്യാ പ്രസിഡൻറുമായ ഡോ. വി. ശിവദാസ്​  പരിപാടിയുമായി സഹകരിക്കുന്നുണ്ട്​.

സംസ്​കൃത ഭാഷയും പുരാണേതിഹാസങ്ങളും ഹിന്ദുത്വവത്​ക്കരിക്കുന്ന സംഘപരിവാർ അജണ്ടയെ പ്രതിരോധിക്കുകയെന്ന ഉദ്ദേശ്യത്തോടെയാണ്​ ‘സംസ്​കൃത സംഘം’ എന്ന ഇടതുപക്ഷ-പുരോഗമന കൂട്ടായ്​മ രൂപം കൊണ്ടത്​.