പുനർജനിക്കുമെന്ന വിശ്വാസത്തില്‍ മകള്‍ മൂന്ന്​ ദിവസം അമ്മയുടെ മൃതദേഹത്തിന്​ കാവലിരുന്നു

ചെര്‍പ്പുളശ്ശേരി (പാലക്കാട്​): മരിച്ച മാതാവ് മൂന്നാംനാൾ പുനർജനിക്കുമെന്ന വിശ്വാസത്തില്‍ മൃതദേഹത്തിനരികില്‍ മകള്‍ മൂന്നുദിവസം കാവലിരുന്നു. ചളവറ എ.യു.പി സ്‌കൂളില്‍നിന്ന് വിരമിച്ച അധ്യാപിക ചളവറ രാജ്ഭവനില്‍ ഓമനയുടെ (72) മൃതദേഹത്തിനരികിലാണ് വീണ്ടും ജീവിക്കുമെന്ന വിശ്വാസത്തില്‍ മകള്‍ കവിത (42) കാവലിരുന്നത്. വീടി​​െൻറ കിടപ്പുമുറിയിലാണ് മൃതദേഹം കിടത്തിയിരുന്നത്​. 

കവിത നേരത്തെ ഹോമിയോ ഡോക്ടറായി പ്രാക്ടീസ് ചെയ്തിരുന്നു. പ്രമേഹത്തെ തുടര്‍ന്ന് പാദം മുറിച്ചുമാറ്റിയ ഓമന മാനസികാരോഗ്യത്തിന് ചികിത്സയിലായിരുന്നെന്ന്​ പറയുന്നു. കവിതക്കും ​നേരിയതോതിൽ മാനസിക പ്രശ്​നങ്ങളുള്ളതായി പരിസരവാസികൾ പറയുന്നു. അമ്മയും മകളും ​ക്രിസ്​തുമതത്തിലേക്ക്​ മാറിയവരാണത്രെ. 

ഇതിനാൽ ഇവരുമായി ബന്ധുക്കൾ അകന്നുകഴിയുകയാണ്​. ഒറ്റമുറി വീട്ടിലാണ്​ ഇരുവരും കഴിഞ്ഞിരുന്നത്​. കിടപ്പുരോഗിയായ ഒാമനയെ മകൾ തന്നെയാണ്​ പരിചരിച്ചിരുന്നത്​. 

വല്ലപ്പോഴും മാത്രമേ​ ഇവർ പുറത്തിറങ്ങാറുള്ളൂവെന്ന്​ പരിസരവാസികൾ പറയുന്നു. നാട്ടുകാരുമായും വലിയ ബന്ധമുണ്ടായിരുന്നില്ല. ചൊവ്വാഴ്​ച രാവിലെ ചളവറ അങ്ങാടിയി​ലേക്ക്​ കവിത ഒാ​േട്ടായിൽ പോകു​േമ്പാൾ ഡ്രൈവറോടാണ്​ അമ്മ മൂന്ന്​ ദിവസം മുമ്പ്​ മരിച്ച വിവരം പറഞ്ഞത്​. ​​

ഡ്രൈവർ പറഞ്ഞതുപ്രകാരം നാട്ടുകാർ പഞ്ചായത്ത്​ ഓഫിസിലും പൊലീസിലും അറിയിച്ചു. അമ്മക്ക്​ പുനർജന്മമുണ്ടാകുമെന്ന വിശ്വാസത്തിൽ പ്രാർഥന നടത്തി കാത്തിരിക്കുകയായിരുന്നുവെന്ന്​ കവിത പൊലീസിനോട്​ പറഞ്ഞു. 

പരേതനായ ശ്രീധരനാണ് ഒാമനയുടെ ഭര്‍ത്താവ്. ഇദ്ദേഹം കാഞ്ഞിരപ്പുഴ ഇറിഗേഷൻ പ്രോജക്​ടിൽ ഉദ്യോഗസ്​ഥനായിരുന്നു. പൊലീസ് കോവിഡ് സെല്ലില്‍ വിവരമറിയിച്ചതിനെ തുടര്‍ന്ന് വൈകീട്ട്​ മൃതദേഹം പാലക്കാട് ജില്ല ആശുപത്രി മോർച്ചറിയിലേക്ക്​ മാറ്റി. കോവിഡ് പരിശോധനക്ക് ശേഷമേ പോസ്​റ്റ്​മോർട്ടം നടത്തൂ. അസ്വാഭാവിക മരണത്തിന് കേസെടുത്തു.