ബ്രൂവറി: സമരത്തിൽ അണിചേരും- ദയാബായി

നെ​ടു​മ്പാ​ശ്ശേ​രി: പാ​ല​ക്കാ​ട് ബ്രൂ​വ​റി പ്ലാ​ൻ​റി​നെ​തി​​​രാ​യ ജ​ന​കീ​യ സ​മ​ര​ത്തി​ൽ അ​ണി​ചേ​രു​മെ​ന്ന്​ സാ​മൂ​ഹി​ക പ്ര​വ​ർ​ത്ത​ക ദ​യാ​ബാ​യി. മ​നു​ഷ്യ​ന് ജീ​വി​ക്കാ​നാ​വ​ശ്യ​മാ​യ കു​ടി​വെ​ള്ളം ഉ​റ​പ്പു​വ​രു​ത്താ​നാ​ണ് ഭ​ര​ണ​കൂ​ടം മു​ൻ​ഗ​ണ​ന ന​ൽ​കേ​ണ്ട​തെ​ന്ന് അ​വ​ർ ‘മാ​ധ്യ​മ’ ത്തോ​ട് പ​റ​ഞ്ഞു. കേ​ര​ള ജ​ന​ത​ക്ക്​ അ​ത്യാ​വ​ശ്യം വേ​ണ്ട​ത്​ മ​ദ്യ​മ​ല്ല. ദ​രി​ദ്ര​രു​ടെ ക​ണ്ണീ​രൊ​പ്പു​ന്ന സ​ർ​ക്കാ​റാ​ണെ​ന്ന്​ ആ​വ​ർ​ത്തി​ച്ച്​ പ​റ​യു​ന്ന​വ​ർ​ക്ക് എ​ങ്ങ​നെ​യാ​ണ് കു​ടി​വെ​ള്ളം നി​ഷേ​ധി​ക്ക​പ്പെ​ടു​ന്ന സാ​ഹ​ച​ര്യം ഒ​രു​ക്കാ​ൻ മ​ന​സ്സ്​ വ​രു​ന്ന​ത്.

പാ​ല​ക്കാ​ട് കൂ​ടു​ത​ൽ സ്ഥ​ല​ത്ത് പ​ന​ക​ൾ വെ​ച്ചു​പി​ടി​പ്പി​ച്ച് ക​ള്ള്​ ഉ​ൽ​പാ​ദി​പ്പി​ക്കാ​ൻ എ​ന്തു​കൊ​ണ്ട് പ​ദ്ധ​തി ആ​വി​ഷ്ക​രി​ച്ചു കൂ​ടാ. കൊ​ക്ക​കോ​ള​യെ കെ​ട്ടു​കെ​ട്ടി​ക്കാ​ൻ കാ​ണി​ച്ച​തു​പോ​ലു​ള്ള സ​മ​രം ഇ​ക്കാ​ര്യ​ത്തി​ലു​ണ്ടാ​ക​ണം. നാ​ട്ടി​ൽ അ​രാ​ജ​ക​ത്വ​ത്തി​നി​ട​ന​ൽ​കു​ന്ന മ​ദ്യ​ത്തി​ന്‍റെ വ്യാ​പ​ന​ത്തി​ന് മു​ൻ​ഗ​ണ​ന ന​ൽ​കാ​ൻ സ​ർ​ക്കാ​റി​ന് എ​ന്താ​ണി​ത്ര ആ​വേ​ശ​മെ​ന്നും അ​വ​ർ ചോ​ദി​ച്ചു. കാ​മു​ക​നെ ക​ഷാ​യ​ത്തി​ൽ വി​ഷം ക​ല​ർ​ത്തി കൊ​ല​പ്പെ​ടു​ത്തി​യ ഗ്രീ​ഷ്മ​ക്ക്​ വ​ധ​ശി​ക്ഷ​യ​ല്ല ന​ൽ​കേ​ണ്ട​ത്. ആ​രെ​യും വ​ധി​ക്കാ​നു​ള്ള അ​വ​കാ​ശം നീ​തി​പീ​ഠം ഏ​റ്റെ​ടു​ക്ക​രു​ത്. ജീ​വ​പ​ര്യ​ന്തം ത​ട​വ് ശി​ക്ഷ ന​ൽ​കി അ​വ​രെ മാ​ന​സാ​ന്ത​ര​ത്തി​ന്‌ പ്രേ​രി​പ്പി​ക്കു​ക​യാ​ണ് വേ​ണ്ട​തെ​ന്നും അ​വ​ർ പ​റ​ഞ്ഞു.