ഡി.സി.സി പുനഃസംഘടന തദ്ദേശ തെരഞ്ഞെടുപ്പിന്​ മുമ്പ്

തി​രു​വ​ന​ന്ത​പു​രം: ത​​ദ്ദേ​ശ തെ​ര​​​ഞ്ഞെ​ടു​പ്പി​ന്​ മു​മ്പ്​ ഡി.​സി.​സി പു​നഃ​സം​ഘ​ട​ന ന​ട​പ​ടി​ക​ൾ​ക്ക്​ ധാ​ര​ണ​യാ​യെ​ങ്കി​ലും എ​ങ്ങ​നെ വേ​ണ​മെ​ന്ന​തി​ൽ നേ​തൃ​ത്വ​ത്തി​ന്​ ര​ണ്ട​ഭി​പ്രാ​യം. പ്ര​ക​ട​നം മോ​ശ​മാ​യ ഡി.​സി.​സി​ക​ൾ മാ​ത്രം അ​ഴി​ച്ചു​പ​ണി​യു​ക​യും മ​റ്റു​ള്ള​വ​രെ തു​ട​രാ​ൻ അ​നു​വ​ദി​ക്കു​ക​യും ചെ​യ്യ​ണ​മെ​ന്ന​താ​ണ്​ ഒ​രു​വി​ഭാ​ഗ​ത്തി​ന്‍റെ നി​ല​പാ​ട്. അ​തേ​സ​മ​യം, പു​നഃ​സം​ഘ​ട​ന​യെ​ങ്കി​ൽ ‘മാ​ർ​ക്കും മെ​റി​റ്റും’ നോ​ക്കാ​തെ തൃ​ശൂ​ർ ഒ​ഴി​കെ എ​ല്ലാ ഡി.​സി.​സി​ക​ൾ​ക്കും ബാ​ധ​ക​മാ​ക്ക​ണ​മെ​ന്നും അ​ല്ലാ​ത്ത​പ​ക്ഷം എ​ല്ലാ​വ​രെ​യും തു​ട​രാ​ൻ അ​നു​വ​ദി​ക്ക​ണ​മെ​ന്നു​മാ​ണ്​ മ​റു​വാ​ദം.

ഇ​ക്കാ​ര്യ​ത്തി​ൽ സ​മ​വാ​യ​ത്തി​ൽ എ​ത്താ​നാ​കാ​ത്ത​ത് കീ​റാ​മു​ട്ടി​യാ​ണ്. അ​ടു​ത്ത കാ​ല​ത്താ​ണ്​ തൃ​​​ശൂ​രി​ൽ ഡി.​സി.​സി പ്ര​സി​ഡ​ന്‍റി​നെ തെ​ര​ഞ്ഞെ​ടു​ത്ത്​ എ​ന്ന​തി​നാ​ലാ​ണ്​ ജി​ല്ല​യെ ഒ​ഴി​വാ​ക്കി​യ​ത്. ത​ദ്ദേ​ശ തെ​ര​ഞ്ഞെ​ടു​പ്പ്​ ആ​സ​ന്ന​മാ​യ പ​ശ്ചാ​ത്ത​ല​ത്തി​ൽ പ്ര​വ​ർ​ത്ത​ന​ങ്ങ​ൾ​ക്ക്​ ചു​ക്കാ​ൻ​പി​ടി​ക്കേ​ണ്ട ഡി.​സി.​സി​ക​ളെ ശ​ക്​​ത​മാ​ക്ക​ണ​മെ​ന്നാ​ണ്​ ഹൈ​ക​മാ​ന്‍റ്​​ നി​ർ​ദേ​ശം. പ്ര​ധാ​ന നേ​താ​ക്ക​ളെ ത​ന്നെ പ്ര​സി​ഡ​ന്റു​മാ​രാ​ക്ക​ണ​മെ​ന്ന​ത് അ​ഹ്മ​ദാ​ബാ​ദ് എ.​ഐ.​സി.​സി സ​മ്മേ​ള​ന തീ​രു​മാ​ന​മാ​ണ്. മ​ണ്ഡ​ലം, ബ്ലോ​ക്ക് ഭാ​ര​വാ​ഹി​ക​ളെ​യും ഡി.​സി.​സി ഭാ​ര​വാ​ഹി​ക​ളെ​യും കൂ​ടി​യാ​ലോ​ച​ന​ക​ളി​ലൂ​ടെ തീ​രു​മാ​നി​ക്കാ​നു​ള്ള അ​ധി​കാ​ര​മ​ട​ക്കം ഇ​നി ഡി.​സി.​സി പ്ര​സി​ഡ​ന്‍റു​മാ​ർ​ക്കാ​ണ്.

ലോ​ക്സ​ഭ-​നി​യ​മ​സ​ഭ സ്ഥാ​നാ​ർ​ഥി നി​ർ​ണ​യ​ത്തി​ലും ഇ​വ​ർ​ക്ക്​ പ​ങ്കു​ണ്ട്. തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​നു​മാ​വി​ല്ല. ഇ​ത്ത​ര​ത്തി​ൽ സം​ഘ​ട​നാ​പ​ര​മാ​യ സു​പ്ര​ധാ​ന റോ​ളി​ലേ​ക്കാ​ണ്​ ഡി.​സി.​സി പ്ര​സി​ഡ​ന്‍റു​മാ​ർ മാ​റു​ക. കെ.​പി.​സി.​സി നേ​തൃ​ത്വ​വു​മാ​യി ഹൈ​ക​മാ​ൻ​ഡ്​ ഡ​ൽ​ഹി​യി​ൽ ന​ട​ത്തി​യ കൂ​ടി​ക്കാ​ഴ്ച​യി​ലും ഡി.​സി.​സി​ക​​ളെ ശാ​ക്​​തീ​ക​രി​ക്കാ​നാ​ണ്​ നി​ർ​ദേ​ശി​ച്ച​ത്. എ​ന്നാ​ൽ, പു​നഃ​സം​ഘ​ട​ന വി​ഷ​യ​ത്തി​ലെ ര​ണ്ട്​ അ​ഭി​പ്രാ​യം​ കെ.​പി.​സി.​സി നേ​തൃ​ത്വം ചൂ​ണ്ടി​ക്കാ​ട്ടി​യ​പ്പോ​ൾ അ​ക്കാ​ര്യം കേ​ര​ള​ത്തി​ൽ ധാ​ര​ണ​യി​ലെ​ത്ത​ണ​മെ​ന്നാ​യി​രു​ന്നു ഹൈ​ക​മാ​ൻ​ഡ്​ നി​ല​പാ​ട്. നി​ല​വി​ലെ ഡി.​സി.​സി പ്ര​സി​ഡ​ന്‍റു​മാ​ർ ചു​മ​ത​ല​യേ​റ്റി​ട്ട്​ നാ​ലു​വ​ർ​ഷം പൂ​ർ​ത്തി​യാ​യി​ട്ടി​ല്ല.