കേന്ദ്ര വൈദ്യുതി നിയമത്തിനെതിരെ വിജ്ഞാപനം; പത്താം ക്ലാസ് വിജയിച്ചർക്ക് തദ്ദേശവകുപ്പ് ഇലക്ട്രിക്കൽ വർക്കർ യോഗ്യതയില്ല

പാ​ല​ക്കാ​ട്: ത​ദ്ദേ​ശ വ​കു​പ്പി​ൽ ഇ​ല​ക്ട്രി​ക്ക​ൽ വ​ർ​ക്ക​റാ​കാ​ൻ പ​ത്താം ക്ലാ​സ് ക​ട​മ്പ ക​ട​ക്ക​രു​തെ​ന്ന് പി.​എ​സ്.​സി. ത​ദ്ദേ​ശ​വ​കു​പ്പി​ന്റെ കീ​ഴി​ലെ വൈ​ദ്യു​തി ലൈ​സ​ൻ​സി​കൂ​ടി​യാ​യ തൃ​ശൂ​ർ കോ​ർ​പ​റേ​ഷ​നി​ലേ​ക്കു​ള്ള ഇ​ല​ക്ട്രി​ക്ക​ൽ വ​ർ​ക്ക​ർ ത​സ്തി​ക​യി​ലേ​ക്കു​ള്ള വി​ജ്ഞാ​പ​ന​ത്തി​ലാ​ണ് അ​പേ​ക്ഷ​ക​ർ പ​ത്താം ക്ലാ​സ് പാ​സാ​ക​രു​തെ​ന്ന് വ്യ​ക്ത​മാ​ക്കി​യി​രി​ക്കു​ന്ന​ത്. ഐ.​ടി.​ഐ യോ​ഗ്യ​ത നി​ഷ്‍ക​ർ​ഷി​ക്കു​ന്ന കേ​ന്ദ്ര വൈ​ദ്യു​തി അ​തോ​റി​റ്റി (സി.​ഇ.​എ) നി​യ​മം ലം​ഘി​ച്ചാ​ണ് ത​ദ്ദേ​ശ​വ​കു​പ്പ് നി​യ​മ​ന​നീ​ക്കം ന​ട​ത്തു​ന്ന​ത്.

2010 മു​ത​ൽ പ്രാ​ബ​ല്യ​ത്തി​ലാ​യ സി.​ഇ.​എ നി​യ​മ​പ്ര​കാ​രം ഇ​ല​ക്ട്രി​ക്ക​ൽ വ​ർ​ക്ക​ർ​മാ​രെ ഐ.​ടി.​ഐ യോ​ഗ്യ​ത​യു​ള്ള​വ​രി​ൽ​നി​ന്ന് ക്ഷ​ണി​ച്ച് താ​ൽ​ക്കാ​ലി​ക നി​യ​മ​നം ന​ട​ത്താ​നു​ള്ള ന​ട​പ​ടി​ക​ളി​ലാ​ണ് കെ.​എ​സ്.​ഇ.​ബി. നേ​ര​ത്തേ കെ.​എ​സ്.​ഇ.​ബി​യി​ലും വ​ർ​ക്ക​ർ​മാ​ർ പ​ത്താം ക്ലാ​സ് പാ​സാ​ക​രു​തെ​ന്ന് ഉ​ണ്ടാ​യി​രു​ന്നെ​ങ്കി​ലും സി.​ഇ.​എ നി​യ​മം വ​ന്ന​ശേ​ഷം മാ​റ്റു​ക​യാ​യി​രു​ന്നു.

17,000-30,220 രൂ​പ ശ​മ്പ​ള സ്കെ​യി​ലു​ള്ള ത​ദ്ദേ​ശ​വ​കു​പ്പ് ഇ​ല​ക്ട്രി​ക്ക​ൽ വ​ർ​ക്ക​ർ ത​സ്തി​ക​യി​ലേ​ക്കു​ള്ള വി​ജ്ഞാ​പ​ന​ത്തി​ൽ സ്ത്രീ​ക​ളെ​യും ഒ​ഴി​വാ​ക്കി​യി​ട്ടു​ണ്ട്. സ്ത്രീ​ക​ളെ ഉ​ൾ​പ്പെ​ടു​ത്തി​യാ​ണ് ഇ​തേ ത​സ്തി​ക​യി​ൽ കെ.​എ​സ്.​ഇ.​ബി​യി​ലെ പു​തി​യ വി​ജ്ഞാ​പ​നം ഇ​റ​ങ്ങി​യി​ട്ടു​ള്ള​തെ​ന്നി​രി​ക്കെ ത​ദ്ദേ​ശ​വ​കു​പ്പി​ന്റെ ന​ട​പ​ടി വി​വേ​ച​ന​മാ​യി വി​ല​യി​രു​ത്തു​ന്നു​ണ്ട്.

സം​സ്ഥാ​ന​ത്ത് തൃ​ശൂ​ർ കോ​ർ​പ​റേ​ഷ​ൻ മാ​ത്ര​മാ​ണ് വൈ​ദ്യു​തി വി​ത​ര​ണ​ച്ചു​മ​ത​ല നേ​രി​ട്ട് ഏ​റ്റെ​ടു​ത്തി​ട്ടു​ള്ള​ത്. കെ.​എ​സ്.​ഇ.​ബി​യി​ൽ​നി​ന്ന് വൈ​ദ്യു​തി വാ​ങ്ങി​യാ​ണ് വി​ത​ര​ണം ചെ​യ്യു​ന്ന​ത്.

കെ.​എ​സ്.​ഇ.​ബി​യി​ൽ 2010 മു​ത​ൽ കേ​ന്ദ്ര വൈ​ദ്യു​തി അ​തോ​റി​റ്റി ച​ട്ട​ങ്ങ​ൾ തു​ട​ങ്ങി​യി​ട്ടും നേ​രി​ട്ട് ന​ട​പ്പാ​ക്കേ​ണ്ട ചു​മ​ത​ല​യു​ള്ള തൃ​ശൂ​ർ കോ​ർ​പ​റേ​ഷ​ൻ അ​റി​ഞ്ഞ മ​ട്ടി​ല്ല. സി.​ഇ.​എ ന​ട​പ്പാ​യ​ശേ​ഷം കെ.​എ​സ്.​ഇ.​ബി​യി​ൽ അ​സി. എ​ൻ​ജി​നീ​യ​ർ ആ​കാ​ൻ ഡി​​പ്ലോ​മ വേ​ണ​മെ​ന്ന് നി​ഷ്ക​ർ​ഷി​ക്കു​ന്നു​ണ്ടെ​ങ്കി​ലും തൃ​ശൂ​ർ കോ​ർ​പ​റേ​ഷ​നി​ൽ ഐ.​ടി.​ഐ യോ​ഗ്യ​ത​യു​ള്ള​വ​ർ​ക്കും അ​സി. എ​ൻ​ജി​നീ​യ​ർ ആ​കാം. ഇ​തു​ൾ​പ്പെ​ടെ പ​ല കാ​ര്യ​ങ്ങ​ളി​ലും കേ​ന്ദ്ര​നി​യ​മ​ത്തി​ന്റെ ച​ട്ട​ലം​ഘ​ന​ങ്ങ​ൾ ന​ട​ക്കു​ന്നെ​ന്നാ​ണ് പ​രാ​തി.