ഫിറ്റ്നസില്ലാത്ത സ്കൂളുകളെത്ര? വിവരമില്ലെന്ന് ഡയറക്ടറേറ്റ്

മ​ല​പ്പു​റം: സം​സ്ഥാ​ന​ത്ത് എ​ത്ര പൊ​തു​വി​ദ്യാ​ല​യ​ങ്ങ​ൾ ഫി​റ്റ്ന​സ് സ​ർ​ട്ടി​ഫി​ക്ക​റ്റി​ല്ലാ​ത്ത കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്നു​ണ്ട്​? ഈ ​ഒ​രൊ​റ്റ വി​വ​രാ​വ​കാ​ശ ചോ​ദ്യ​ത്തി​ന് 14 ഡി.​ഡി.​ഇ ഓ​ഫി​സു​ക​ളി​ൽ​നി​ന്നും 30ല​ധി​കം ഡി.​ഇ.​ഒ ഓ​ഫി​സു​ക​ളി​ൽ​നി​ന്നും 150ല​ധി​കം വി​ദ്യാ​ഭ്യാ​സ ഉ​പ​ജി​ല്ല​ക​ളി​ൽ​നി​ന്നും അ​പേ​ക്ഷ​ക​ന് ലഭിക്കുന്നത് കൃത്യമായ കണക്കില്ലാത്ത മ​റു​പ​ടി​കൾ.

കാ​ര​ണം, സം​സ്ഥാ​ന​ത്തെ ഫി​റ്റ്ന​സി​ല്ലാ​ത്ത സ്കൂ​ളു​ക​ളു​ടെ എ​ണ്ണം സം​ബ​ന്ധി​ച്ച ക​ണ​ക്ക് പൊ​തു​വി​ദ്യാ​ഭ്യാ​സ ഡ​യ​റ​ക്ട​റേ​റ്റി​ലി​ല്ല. ജി​ല്ല​ാത​ല​ങ്ങ​ളി​ലെ വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ ഓ​ഫി​സു​ക​ളി​ലും അ​തി​ന് താ​ഴെ​യു​ള്ള ജി​ല്ല വി​ദ്യാ​ഭ്യാ​സ ഓ​ഫി​സ​റു​ടെ കാ​ര്യാ​ല​യ​ത്തി​ലു​മി​ല്ല. സം​സ്ഥാ​ന​ത്തെ പൊ​തു​വി​ദ്യാ​ല​യ​ങ്ങ​ളു​​ടെ സു​ര​ക്ഷ സം​ബ​ന്ധി​ച്ച് വ​ലി​യ ആ​ശ​ങ്ക​ക​ൾ ഉ​യ​രു​മ്പോ​ഴും ഈ ​വി​ഷ​യ​ത്തെ പൊ​തു​വി​ദ്യാ​ഭ്യാ​സ വ​കു​പ്പ് എ​ത്ര​മാ​ത്രം നി​സ്സം​ഗ​മാ​യി കാ​ണു​ന്നു എ​ന്ന​തി​​ന്റെ തെ​ളി​വു​കൂ​ടി​യാ​ണി​ത്.

ജൂ​ൺ ര​ണ്ടി​ന് ന​ൽ​കി​യ വി​വ​രാ​വ​കാ​ശ അ​പേ​ക്ഷ​യി​ൽ ജൂ​ലൈ ര​ണ്ടി​ന് പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ കാ​ര്യാ​ല​യം ന​ൽ​കി​യ മ​റു​പ​ടി​യി​ൽ പ​റ​യു​ന്ന​ത് ഈ ​വി​വ​ര​ങ്ങ​ൾ ശേ​ഖ​രി​ച്ച് സൂ​ക്ഷി​ക്കാ​ത്ത​തി​നാ​ൽ, വി​വ​രം ല​ഭ്യ​മാ​ക്കാ​ൻ എ​ല്ലാ ജി​ല്ല​ക​ളി​ലെ​യും വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ ഓ​ഫി​സു​ക​ളി​ലേ​ക്ക് കൈ​മാ​റു​ന്നു എ​ന്നാ​ണ്. ഇ​തി​ൽ കാ​സ​ർ​കോ​ട്, വ​യ​നാ​ട് വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ ഓ​ഫി​സു​ക​ൾ മാ​ത്ര​മാ​ണ് നേ​രി​ട്ട് മ​റു​പ​ടി ന​ൽ​കി​യ​ത്. കാ​സ​ർ​കോ​ട് ഫി​റ്റ്ന​സി​ല്ലാ​ത്ത കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന ഒ​രു സ്കൂ​ളും ഇ​ല്ലെ​ന്നാ​ണ് മ​റു​പ​ടി. അ​തേ​സ​മ​യം, വ​യ​നാ​ട് ജി​ല്ല​യി​ൽ ര​ണ്ടു സ​ർ​ക്കാ​ർ സ്കൂ​ളു​ക​ളും ഒ​രു അ​ൺ​എ​യ്ഡ​ഡ് സ്കൂ​ളും ഫി​റ്റ്ന​സ് ഇ​ല്ലാ​ത്ത കെ​ട്ടി​ട​ത്തി​ലാ​ണ്.

മ​റ്റു ഡി.​ഡി.​ഇ ഓ​ഫി​സു​ക​ൾ അ​ത​ത് ജി​ല്ല​ക​ളി​ലെ ഡി.​ഇ.​ഒ ഓ​ഫി​സു​ക​ളി​ലേ​ക്ക് കൈ​മാ​റി. ഇ​തി​ൽ വി​വി​ധ ജി​ല്ല​ക​ളി​ലെ ഡി.​ഇ.​ഒ ഓ​ഫി​സു​ക​ൾ മ​റു​പ​ടി ന​ൽ​കി. പാ​ല​ക്കാ​ട് ഡി.​ഇ.​ഒ ഓ​ഫി​സ് ​ര​ണ്ട് അ​ൺ എ​യ്ഡ​ഡ് സ്കൂ​ളു​ക​ൾ ഫി​റ്റ്ന​സി​ല്ലാ​തെ പ്ര​വ​ർ​ത്തി​ക്കു​ന്നു​വെ​ന്ന വി​വ​രം ന​ൽ​കി​യ​പ്പോ​ൾ ബാ​ക്കി​യു​ള്ള​വ​ർ വി​വ​രം ല​ഭ്യ​മ​ല്ലെ​ന്നും അ​ത​ത് ഉ​പ​ജി​ല്ല ഓ​ഫി​സു​ക​ളി​ലേ​ക്ക് കൈ​മാ​റു​ന്നു​വെ​ന്നും മ​റു​പ​ടി ന​ൽ​കി. ഇ​തു​പ്ര​കാ​രം ഉ​പ​ജി​ല്ല ഓ​ഫി​സു​ക​ളി​ൽ​നി​ന്നു​ള്ള മ​റു​പ​ടി​ക്ക​ത്തു​ക​ളു​ടെ പ്ര​വാ​ഹ​മാ​ണി​പ്പോ​ൾ.