പെരുമ്പാവൂരിൽ മൂന്ന്​ വിദ്യാർഥികൾ മുങ്ങി മരിച്ചു

പെരുമ്പാവൂർ: എറണാകുളം പെരുമ്പാവൂരിൽ അടച്ചിട്ട പാറമടയിൽ കുളിക്കാനിറങ്ങിയ മൂന്ന്​​ വിദ്യാഥികൾ മുങ്ങി മരിച്ചു. എറണാകളും കളമശ്ശേരി സ്വദേശികളായ വിനായകൻ, ശ്രാവൺ, അഭിജിത്​ എന്നിവരാണ്​ മരിച്ചത്​. 

അപകടത്തിൽ പെട്ട അക്ഷയ്​ എന്ന വിദ്യാർഥിയെ നാട്ടുകാർ രക്ഷപ്പെടുത്തിയിട്ടുണ്ട്​. പരിക്കേറ്റ അക്ഷയെ ആശുപത്രിയില്‍ പ്രവേശിപ്പിച്ചിരിക്കുകയാണ്​. നാലംഗ വിദ്യാര്‍ഥി സംഘം കുളിക്കാനായി വെങ്ങോല പെട്ടമലയില്‍ അടഞ്ഞുകിടക്കുന്ന പാറമടയിലെ വെള്ളക്കെട്ടിലിറങ്ങിയപ്പോഴായിരുന്നു അപകടം. 

ഉച്ചയോടെയാണ് ഇവര്‍ പാറമടയിൽ കുളിക്കാനെത്തിയത്. വിദ്യാര്‍ഥികളുടെ നിലവിളി കേട്ട് എത്തിയ നാട്ടുകാരാണ് രക്ഷാപ്രവര്‍ത്തനം തുടങ്ങിയത്​.  പിന്നീട്​ ഫയർഫോഴ്​സിനെ വിവരമറിയിക്കുകയായിരുന്നു.