പാലക്കാട്​ രണ്ട്​ വിദ്യാർഥികൾ മുങ്ങി മരിച്ചു

പാലക്കാട്: ഗ്രാമപഞ്ചായത്ത് കുളത്തിൽ രണ്ട് വിദ്യാർഥികൾ മുങ്ങിമരിച്ചു. മാത്തൂർ ചുങ്കമന്ദം പുത്തൻവീട്ടിൽ മോഹൻദാസി‍​​െൻറ മകൻ ശ്രീഹരി (15), കല്ലേപ്പുള്ളി അർച്ചന കോളനിയിൽ ജുനൈദി​​​െൻറ മകൻ ജംഷിദ് (15) എന്നിവരാണ് കൊടുമ്പ് കല്ലിങ്ങല്ലിലെ ഗവ. പോളിടെക്നിക്കിന്​ സമീപത്തെ കുളത്തിൽ മുങ്ങിമരിച്ചത്.

പാലക്കാട് ഭാരത്​മാത സ്കൂളിലെ ഒമ്പതാം ക്ലാസ് വിദ്യാർഥികളാണ് ഇരുവരും. ശനിയാഴ്ച രാവിലെ പതിനൊന്നോടെയാണ് സംഭവം. വീട്ടില്‍നിന്ന് സ്‌കൂളിലേക്ക്​ പുറപ്പെട്ട വിദ്യാര്‍ഥികള്‍ കല്ലിങ്ങല്ലിലെ സുഹൃത്തി​​​െൻറ വീട്ടില്‍ പോകുകയും കുളത്തിനോടുചേർന്ന പാടത്ത് ഫുട്‌ബാള്‍ കളിക്കുകയുമായിരുന്നു. കുളത്തിലേക്ക് പോയ പന്ത് എടുക്കാനുള്ള ശ്രമത്തിനിടെ ഇരുവരും വെള്ളത്തിൽ മുങ്ങി.

സുഹൃത്തുക്കളുടെ നിലവിളികേട്ട് നാട്ടുകാരും ഫയര്‍ഫോഴ്‌സും പൊലീസും തിരച്ചില്‍ നടത്തിയെങ്കിലും ഒരുമണിക്കൂര്‍ കഴിഞ്ഞാണ്​​ മൃതദേഹങ്ങൾ ലഭിച്ചത്. കഞ്ചിക്കോട്, പാലക്കാട് എന്നിവിടങ്ങളിലെ ഫയർഫോഴ്​സാണ് മൃതദേഹം പുറ​െത്തടുത്തത്.

പാലക്കാട് സൗത്ത് പൊലീസ് ഇൻക്വസ്​റ്റ്​ നടത്തി. ജില്ല ആശുപത്രിയിലെ പോസ്​റ്റു​മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുനൽകി. ശ്രീഹരിയുടെ മാതാവ്: സുമതി. സഹോദരൻ. ശ്രീറാം (പ്ലസ് വൺ വിദ്യാർഥി, ഭാരത്​മാത സ്കൂൾ). ജംഷിദി​​​െൻറ മാതാവ്: ശർമിള. സഹോദരി: ഷഹാന (ആറാം ക്ലാസ് വിദ്യാർഥിനി, ഭാരത്​മാത സ്കൂൾ).