താപനില ഉയരുന്നു; വൈദ്യുതി ഉപയോഗത്തിലും വർധന

തി​രു​വ​ന​ന്ത​പു​രം: ചൂ​ട്​ കൂ​ടു​ന്ന​തി​നൊ​പ്പം സം​സ്ഥാ​ന​ത്ത്​ വൈ​ദ്യു​തി ഉ​പ​യോ​ഗ​ത്തി​ലും വ​ർ​ധ​ന. പ്ര​തി​ദി​ന ഉ​പ​യോ​ഗം ചൊ​വ്വാ​ഴ്ച 102.8818 ദ​ശ​ല​ക്ഷം യൂ​നി​റ്റും ബു​ധ​നാ​ഴ്ച 101.0305 ദ​ശ​ല​ക്ഷം യൂ​നി​​റ്റു​മാ​യി​രു​ന്നു. ഈ ​മാ​​സ​ത്തെ ഏ​റ്റ​വും ഉ​യ​ർ​ന്ന ഉ​പ​ഭോ​ഗ​മാ​ണ്​ ചൊ​വ്വാ​ഴ്ച രേ​ഖ​​പ്പെ​ടു​ത്തി​യ​ത്. പീ​ക്ക്​ സ​മ​യ ആ​വ​ശ്യ​ക​ത ചൊ​വ്വാ​ഴ്ച 5000 മെ​ഗാ​വാ​ട്ടി​ന്​ മു​ക​ളി​ലേ​ക്ക്​ ഉ​യ​ർ​ന്ന്​ 5040 ൽ ​എ​ത്തി​യെ​ങ്കി​ലും ബു​ധ​നാ​ഴ്ച ​​നേ​രി​യ കു​റ​വു​ണ്ടാ​യി. 4920 മെ​ഗാ​വാ​ട്ടാ​യി​രു​ന്നു ബു​ധ​നാ​ഴ്ച​യി​ലെ പീ​ക്ക്​ സ​മ​യ ഉ​പ​യോ​ഗം. ഏ​പ്രി​ൽ ഏ​ഴി​നാ​ണ്​ ഈ ​മാ​സ​ത്തെ ഇ​തു​വ​രെ​യു​ള്ള ഉ​യ​ർ​ന്ന പീ​ക്ക്​ സ​മ​യ ആ​വ​ശ്യ​ക​ത​യാ​യ 5053 മെ​ഗാ​വാ​ട്ട്​ രേ​ഖ​പ്പെ​ടു​ത്തി​യ​ത്. വി​വി​ധ സം​സ്ഥാ​ന​ങ്ങ​ളി​ൽ വൈ​ദ്യു​തി ആ​വ​ശ്യ​ക​ത ഉ​യ​ർ​ന്ന​തു​മൂ​ലം ക​രാ​റു​ക​ൾ പ്ര​കാ​രം ല​ഭി​ക്കു​ന്ന വൈ​ദ്യു​തി​യി​ൽ അ​പ്ര​തീ​ക്ഷി​ത കു​റ​വു​ണ്ടാ​വു​ന്ന​ത്​ ​ആ​ശ​ങ്ക സൃ​ഷ്ടി​ക്കു​ന്നു​ണ്ട്.

തി​ങ്ക​ളാ​ഴ്ച ഇ​ത്ത​ര​ത്തി​ൽ കേ​ര​ള​ത്തി​ന്​ ല​ഭി​ക്കു​ന്ന വൈ​ദ്യു​തി​യി​ൽ കു​റ​വു​ണ്ടാ​യി. ഇ​തു​മൂ​ലം പ​ല ജി​ല്ല​ക​ളി​​ലും രാ​ത്രി​യി​ൽ 15 മി​നി​റ്റ്​ വ​​​രെ നി​യ​​​ന്ത്ര​ണ​മേ​​ർ​പ്പെ​ടു​ത്തേ​ണ്ടി​വ​ന്നു. എ​ന്നാ​ൽ, സം​സ്ഥാ​ന വ്യാ​പ​ക​മാ​യി നി​യ​ന്ത്ര​ണ​മു​ണ്ടാ​കാ​ത്ത​തി​നാ​ൽ ‘പ്ര​തി​സ​ന്ധി’ വ​ലി​യ പ​രി​ക്കി​ല്ലാ​തെ നേ​രി​ടാ​നാ​യി.

ദീ​ർ​ഘ​കാ​ല, ഹ്ര​സ്വ​കാ​ല ക​രാ​റു​ക​ൾ​ക്ക്​ പു​റ​മെ, വി​വി​ധ വൈ​ദ്യു​തോ​ൽ​പാ​ദ​ക ക​മ്പ​നി​ക​ളു​മാ​യി കൈ​മാ​റ്റ ക​രാ​റു​ള്ള​തി​നാ​ൽ ഈ ​മാ​സ​വും അ​ടു​ത്ത​മാ​സ​വും കാ​ര്യ​മാ​യ ​​പ്ര​തി​സ​ന്ധി​യു​ണ്ടാ​വി​ല്ലെ​ന്ന വി​ല​യി​രു​ത്ത​ലി​ലാ​ണ്​ അ​ധി​കൃ​ത​ർ. അ​തേ​സ​മ​യം ആ​വ​ശ്യ​മാ​യ വൈ​ദ്യു​തി​യു​ടെ ഭൂ​രി​ഭാ​ഗ​വും വി​വി​ധ സം​സ്ഥാ​ന​ങ്ങ​ളി​ൽ​നി​ന്ന്​ വാ​ങ്ങു​ന്ന​തി​നാ​ൽ ​ഉ​ത്ത​രേ​ന്ത്യ​ൻ കാ​ലാ​വ​സ്ഥ​യി​ലു​ണ്ടാ​കു​ന്ന വ്യ​തി​യാ​ന​ങ്ങ​ൾ കേ​ര​ള​ത്തി​നു​ള്ള ഊ​ർ​ജ ല​ഭ്യ​ത​യി​ൽ ഏ​റ്റ​ക്കു​റ​ച്ചി​ലി​ന്​ കാ​ര​ണ​മാ​കാം. ബു​ധ​നാ​ഴ്ച 75.6501 ദ​ശ​ല​ക്ഷം യൂ​നി​റ്റ്​ വൈ​ദ്യു​തി​യാ​ണ്​ കേ​ര​ളം വാ​ങ്ങി​യ​ത്.