വിവാദങ്ങൾക്കൊടുവിൽ പടിയിറക്കം

തിരുവനന്തപുരം: സി.പി.എം കേന്ദ്ര കമ്മിറ്റി അംഗവും വ്യവസായ മന്ത്രിയുമായിരുന്ന ഇ.പി ജയരാജൻ വിവാദങ്ങളുടെ നായകനായാണ്​ പാർട്ടിക്കകത്തും പുറത്തും അറിയപ്പെട്ടിരുന്നത്​. ലോട്ടറി രാജാവ്​ സാൻറിയാഗോ മാർട്ടിനുമായുള്ള ബന്ധം മുതൽ അവസാനം നടന്ന ബന്ധു നിയമന വിവാദം വരെ ഇതിന്​ ഉദാഹരണമാണ്​. ദേശാഭിമാനി ജനറൽ മാനേജരായിരിക്കു​േമ്പാഴാണ്​ സാൻറിയാഗോ മാർട്ടിനിൽ നിന്ന്​ രണ്ടു കോടി നിക്ഷേപമായി  സ്വീകരിച്ചത്​. ഇൗ തുക ഇ.പി ജയരാജൻ കൈപറ്റിയെന്നായിരുന്നു ആരോപണം. ഇത്​ പാർട്ടിക്കകത്ത്​ വലിയ വിവാദം തന്നെ സൃഷ്​ടിച്ചു. അതിന് പിന്നാലെ പാർട്ടി പ്ലീനത്തിന്​ ആശംസകളുമായി വിവാദ വ്യവസായി ചാക്ക്​ രാധാകൃഷ്​ണ​െൻറ പരസ്യം ദേശാഭിമാനിയിൽ നൽകിയതും വിവാദത്തിന്​ വ​ഴിവെച്ചു. ഇതിനെ ന്യായീകരിച്ച്​ ആദ്യം ജയരാജൻ രംഗത്ത്​ വന്നെങ്കിലും സി.പി.എം സംസ്​ഥാന സെക്രട്ടറിയേറ്റ്​ ദേശാഭിമാനിക്ക്​ തെറ്റു പറ്റിയെന്ന്​ തുറന്ന്​ സമ്മതിക്കുകയും ചെയ്​തു.

ദേശാഭിമാനി പത്രവുമായി ബന്ധപ്പെട്ട്​ തിരുവനന്തപുരത്തിനടുത്തുള്ള മാഞ്ഞാലിക്കുളത്ത്​ ദേശാഭിമാനിയുടെ പേരിലുണ്ടായിരുന്ന കോടികൾ വിലമതിക്കുന്ന സ്വത്ത്​ ചാക്ക്​ രാധാകൃഷ്​ണ​െൻറ കമ്പനിക്ക്​ വിൽപന നടത്തിയെന്നായിരുന്നു മറ്റൊരു ആരോപണം. 2012 ലായിരുന്നു ആ വിവാദമായ സംഭവം. ദേശാഭിമാനിയുടെ പഴയ ആസ്​ഥാന മന്ദിരം നിലകൊള്ളുന്ന 32 സെൻറ്​ ഭൂമിയായിരുന്നു വിൽപന നടത്തിയത്​. ദേശാഭിമാനിയുടെ സ്വത്ത്​ വിൽക്കുന്നതിന്​ പാർട്ടിയുടെ അനുമതി ചോദി​ക്കേണ്ട കാര്യമില്ലെന്ന്​ വരെ അന്ന്​ ഇ.പി ജയരാജൻ പറയുകയുണ്ടായി. തീര ദേശ നിയമത്തി​െൻറ പരിധിയിൽ വരുന്ന പ്രകൃതി ലോല പ്രദേശത്ത്​  ഒരു വിധത്തിലുമുള്ള വൻകിട  നിർമാണപ്രവർത്തനങ്ങളോ  പാടില്ലെന്ന നിയമനം ലംഘിച്ച്​ കണ്ടൽ പാർക്കുകൾ നിർമിച്ചതും വൻ വിവാദത്തിന്​ വഴിവെച്ചു.

​പിണറായി വിജയ​െൻറ മന്ത്രിസഭയിൽ സത്യപ്രതിജഞ ചെയ്​ത്​ മന്ത്രിയായപ്പോഴും വിവാദങ്ങൾക്ക്​ ശമനം ഉണ്ടായില്ല.
സ്പോര്‍ട്സ് കൗണ്‍സില്‍ പ്രസിഡന്‍റായിരുന്ന അഞ്ജുബോബി ജോര്‍ജിനോട് മോശമായി പെരുമാറിയെന്നായിരുന്നു ആദ്യം ഇ .പി ജയരാജനെതിരെ ഉയര്‍ന്ന ആരോപണം. ഒരു പത്രത്തില്‍ വന്ന വാര്‍ത്ത മറ്റു മാധ്യമങ്ങള്‍ ഏറ്റെടുത്തതോടെ വിശദീകരണവുമായി അദ്ദേഹം തന്നെ രംഗത്തെത്തി. പിണറായി സര്‍ക്കാരിന്‍റെ തുടക്കം മുതല്‍ ഇ പി ജയരാജനെ വിവാദങ്ങള്‍ പിന്തുടരുകയായിരുന്നു. ബോക്സിങ് ഇതിഹാസം മുഹമ്മദലിയുടെ  മരണ വാര്‍ത്തയോടുള്ള ഇ.പി യുടെ ചാനല്‍ പ്രതികരണം ഏറെ വിവാദമുണ്ടാക്കിയിരുന്നു. ഇതിന്​ മുമ്പുള്ള വിവാദങ്ങളിൽ പാർട്ടിയുടെ ചെറിയ രീതിയിലുള്ള പിന്തുണ ഇ.പി ജയരാജനുണ്ടായിരുന്നുവെങ്കിലും ബന്ധു നിയമന വിവാദത്തിൽ ഒൗദ്യോഗികപക്ഷത്തി​െൻറ പിന്തുണ പോലും ഇ.പി ജയരാജന്​ ഉണ്ടായില്ല എന്നുള്ളതും ശ്രദ്ദേയമാണ്​.