കെ.ടി ജലീലിനെ വ്യക്​തിഹത്യ നടത്താൻ ശ്രമം- ഇ.പി ജയരാജൻ

തിരുവനന്തപുരം: മന്ത്രി കെ ടി ജലീലിനെതിരായ ആരോപണം അടിസ്ഥാനരഹിതമാണെന്ന്​ മന്ത്രി ഇ.പി.ജയരാജൻ. ജലീലിനെ വ്യക്തിഹത്യ നടത്താനുള്ള ശ്രമമാണ് നടക്കുന്നതെന്നും ജയരാജൻ പറഞ്ഞു.

തനിക്കെതിരെ യൂത്ത്​ലീഗ്​ നടത്തിയ ആരോപണങ്ങൾക്ക്​ മറുപടിയുമായി കെ.ടി ജലീൽ രംഗത്തെത്തിയിരുന്നു. ആരോപണങ്ങൾ അടിസ്ഥാനരഹിതമാണെന്നായിരുന്നു ജലീലി​​​െൻറ മറുപടി. ന്യൂനപക്ഷ ധനകാര്യ വികസന കോർപ്പറേഷനിലെ വായ്​പകൾ തിരിച്ച്​ പിടിക്കാൻ തുടങ്ങിയതാണ്​ ഇപ്പോഴത്തെ പ്രശ്​നങ്ങൾക്ക്​ കാരണമെന്നും ജലീൽ വ്യക്​തമാക്കിയിരുന്നു. ഇതിന്​ പിന്നാലെയാണ്​ ജലീലിനെ പിന്തുണച്ച്​ ഇ.പി ജയരാജൻ രംഗത്തെത്തുന്നത്​.