തിരുവനന്തപുരത്തെ കെ.എസ്​.ആർ.ടി വർക്ക്​ഷോപ്പിൽ തീപ്പിടുത്തം

തിരുവനന്തപുരം: പാപ്പനംകോട്​ കെ.എസ്​.ആർ.ടി സെൻട്രൽ വർക്ക്​ഷോപ്പിൽ തീപ്പിടുത്തം. ഉച്ചക്ക്​ ഒന്ന​രയോടെ ട്യൂബുകൾ കൂട്ടിയിട്ട സ്ഥലത്താണ്​ തീപിടുത്തമുണ്ടായത്​​. ഇവിടെ നിന്ന്​ തീ ആളിക്കത്തി അടുത്തുള്ള മരങ്ങളിലേക്കും പടർന്നു. ജനങ്ങൾ പരിഭ്രാന്തരായെങ്കിലും അഗ്നിശമന സേനയെത്തി തീ പൂർണ്ണമായും നിയന്ത്രവിധേയമാക്കിയിട്ടുണ്ട്​. 

ടയറുകൾ കൂട്ടിയിട്ടതി​​​​​െൻറ സമീപത്തു നിന്നും പഴയ ഇരുമ്പുകൾ വെൽഡ്​ ചെയ്യുന്ന പണി നടക്കുന്നുണ്ടായിരുന്നു. ഇതിൽ നിന്നുമാണ്​ തീപടർന്നതെന്നും​ സൂചനയുണ്ട്​.

കത്തിയ ട്യൂബുകളിൽ നിന്നും തീപ്പൊരിയുണ്ടാകാൻ സാധ്യതയുള്ളതിനാൽ പ്രത്യേക കെമിക്കൽ ഉപയോഗിച്ച വെള്ളം ചീറ്റിയാണ്​ അഗ്നിശമന വിഭാഗം തീകെടുത്തിയത്​​. വർക്ക്​​േഷാപ്പിനടുത്ത്​ 280 കെ.വി ട്രാൻസ്​ഫോമർ സ്ഥിതിചെയ്യുന്നുണ്ട്​. ഇത്​ വലിയ ആശങ്ക സൃഷ്​ടിച്ചിരുന്നു.