പ്രളയക്കെടുതി തീരാതെ കേരളം

കേരളത്തെ മുക്കിയ പ്രളയത്തിന്​ 100 ദിവസം പിന്നിടുകയാണ്​. പ്രളയത്തിന്​ ഉത്തരവാദികളെ തേടിയുള്ള ചർച്ചകൾക്ക്​ ഇനി യും അവസാനമായിട്ടില്ല. മനുഷ്യ നിർമിതമെന്ന്​ പ്രതിപക്ഷവും കാലാവസ്​ഥാ ചതിച്ചുവെന്ന്​ ഭരണപക്ഷവും തർക്കിക്കുന്നു. കാലാവസ്​ഥാ വ്യതിയാനമാണ്​ പ്രളയത്തിനിട​െവച്ചതെന്നാണ്​ കാലാവസ്​ഥാ നീരീക്ഷണ കേന്ദ്രത്തി​​​െൻറ വിശദീകരണം.

എന്തായാലും 483 ജീവനുകൾ എടുത്ത പ്രളയം മനുഷ്യ മനസിലെ നൻമയുടെ ഉറവകൾ വറ്റിയിട്ടില്ലെന്ന്​ കാണിച്ചു തന്ന സംഭവമായിരുന്നു. രാഷ്​ട്രീയവും ജാതിയും മതവും വർഗീയതയും പറഞ്ഞ്​ പരസ്​പരം ചെളിവാരിയെറിയുന്നതിനിടെ സ്വയം മനസിലാക്കാൻ പ്രകൃതി നൽകിയ ശിക്ഷ.

എല്ലാവരും ഒറ്റക്കെട്ടായി നിന്ന്​ കേരളത്തെ പ്രളയത്തിൽ നിന്ന്​ കരകേറ്റി. ​പ്രളയത്തി​​​െൻറ മുറിവുകൾ മാഞ്ഞുവെന്നല്ല അതിനർഥം എങ്കിലും ജാതിക്കും മതത്തിനും പണത്തിലും പദവിക്കും അതീതമായി മനുഷ്യർ എന്ന വികാരം മുന്നിട്ടു നിന്ന അവസരമായിരുന്നു അത്​.

2018 ജൂലൈ മുതലാണ്​ പ്രളയത്തി​​​െൻറ ആരംഭം. ജൂലൈ -ആഗസ്​ത്​ മാസങ്ങളിൽ സംസ്​ഥാനത്തുടനീളം ശക്​തമായ മഴ പെയ്​തു. പലയിടങ്ങളിലും ഉരുൾപ്പൊട്ടലും വെള്ളപ്പൊക്കവുമുണ്ടായി. ആദ്യം അണക്കെട്ടുകൾ തുറക്കാൻ മടിച്ചെങ്കിലും പിന്നീട്​ നിറഞ്ഞൊഴുകാൻ തുടങ്ങിയതോടെ ഡാമുകൾ തുറന്നുവിട്ടു. സംസ്​ഥാനത്തെ 35 അണക്കെട്ടുകൾ തുറന്നു. ഇടുക്കിയിൽ രണ്ടു ഷട്ടർ തുറക്കുമെന്ന്​ പറഞ്ഞെങ്കിലും പിന്നീട്​ അഞ്ചെണ്ണവും ഒരുമിച്ചു തുറക്കേണ്ട സാഹചര്യമുണ്ടായി. സംസ്​ഥാനത്തൊട്ടാകെ 14 ലക്ഷത്തിലേറെ പേർ ദുരിതാശ്വാസ ക്യാമ്പുകളിൽ അഭയം തേടി.

നിരവധി പേർ വിവിധയിടങ്ങളിൽ ഒറ്റപ്പെട്ടു. കരസേന, വ്യോമസേന, നാവിക സേന തുടങ്ങിയ കേന്ദ്ര സേനകൾ, അഗ്​നിശമന സേന, പൊലീസ്​, ദുരന്ത പ്രതികരണ സേന, മത്​സ്യത്തൊഴിലാളികൾ, നാട്ടുകാർ എന്നിവർ രക്ഷാപ്രവർത്തനത്തിനിറങ്ങി. മത്​സ്യത്തൊഴിലാളികളുടെ അവസരോചിതമായ ഇടപെടലിലൂടെ ലക്ഷക്കണക്കിന്​ പേർക്ക്​ ജീവൻ തിരിച്ചു കിട്ടി. വെള്ളമിറങ്ങിയ ശേഷം കേരളത്തി​​​െൻറ ​ൈസന്യമെന്ന അഭിമാനത്തോടെയാണ്​ മത്​സ്യത്തൊഴിലാളികൾ മടങ്ങിയത്​.

31,000 കോടിയു​െട നഷ്​ടമാണ്​ കേരളത്തിനുണ്ടായതെന്നാണ്​ യു.എന്നി​​​െൻറ പഠനം. അതിലേറെ നഷ്​ടമുണ്ടായെന്നാണ്​ സർക്കാർ കണക്ക്​. കേരളീയരുടെ സഹായ മനഃസ്​ഥിതിക്കൊപ്പം രാജ്യത്തി​​​െൻറ വിവിധ ഭാഗങ്ങളിൽ നിന്നും വിദേശരാജ്യങ്ങളിൽ നിന്നും സഹായങ്ങളും കേരളത്തിലെത്തി. അതിനിടെ വിദേശ രാജ്യങ്ങളു​െട സഹായം സ്വീകരിക്കരുതെന്ന കേന്ദ്ര നിലപാട്​ വിവാദങ്ങൾക്കും ഇട​െവച്ചു. കേരളത്തി​​​െൻറ പുനർനിർമാണത്തിനായി വിദേശ രാജ്യങ്ങൾ സന്ദർശിച്ച്​ ഫണ്ട്​ ശേഖരിക്കാനുള്ള മന്ത്രിമാരു​െട ശ്രമത്തെ കേന്ദ്രം എതിർക്കുകയും കേരളം ആവശ്യപ്പെട്ട ധനസഹായം പോയിട്ട്​ പ്രഖ്യാപിച്ച തുക പോലും നൽകാതിരിക്കുകയും ചെയ്​തത്​ വിവാദമായി.

കേരള പുനർ നിർമാണത്തിനായി സർക്കാർ ഉദ്യോഗസ്​ഥരിൽ നിന്ന്​ ഒരു മാസത്തെ ശമ്പളം നിർബന്ധമായി വാങ്ങാൻ ശ്രമിച്ച സർക്കാർ നടപടിയും വിമർശനത്തിന്​ ഇടവരുത്തി.

അതേസമയം, പ്രളയത്തിൽ പല വീടുകളും നശിക്കുകയും പുനർ നിർമാണം സാധ്യമാകാതിരിക്കുകയും ചെയ്​തയതാടെ നിരവധി പേർ ഇപ്പോഴും ദുരിതാശ്വാസ ക്യാമ്പുകളിൽ തന്നെ കഴിയുകയാണ്​.