യോഗ കേന്ദ്രത്തില്‍ ലൈംഗിക പീഡനവും; വെളിപ്പെടുത്തലുമായി മുന്‍ ഇന്‍സ്ട്രക്ടര്‍

കൊച്ചി: യുവതികളെ തടങ്കലിലാക്കി പീഢിപ്പിക്കുന്ന തൃപ്പൂണിത്തുറ കണ്ടനാ​െട്ട ശിവശക്തി യോഗാ കേന്ദ്രത്തിലെ ഭീകര​ത സംബന്ധിച്ച്​ മു​ൻ ജീവനക്കാര​​െൻറ വെളിപ്പെടുത്തലുകൾ. കേ​ന്ദ്രത്തിൽ നടക്കുന്ന ലൈംഗീക പീഡനമുൾപ്പെടെ താൻ നേരിൽ കണ്ട കാര്യങ്ങൾ വെളിപ്പെടുത്താൻ അവസരം നൽകണമെന്നാവശ്യപ്പെട്ട്​ ​ആലപ്പുഴ പെരുമ്പളം സ്വദേശി കൃഷ്ണകുമാർ ഹൈകോടതിയിൽ നൽകിയ ഹരജിയിലാണ്​ ഞെട്ടിപ്പിക്കുന്ന വിവരങ്ങൾ വെളിപ്പെടുത്തിയിട്ടുള്ളത്​. യോഗാകേന്ദ്രത്തില്‍ പീഡനത്തിനിരയായെന്ന് വെളിപ്പെടുത്തി ആദ്യം ​രംഗത്തു വന്ന തൃശൂര്‍ സ്വദേശിനിയായ ഡോ. ശ്വേതാ ഹരിദാസി​​െൻറ ഭർത്താവ്​ റി​​േൻറാ ​െഎസക്​ നൽകിയ ഹേബിയസ്​ കോർപസ്​ ഹരജിയിൽ കക്ഷി ചേരാനാണ്​ കൃഷ്​ണകുമാർ ഹരജി നൽകിയിരിക്കുന്നത്​.

യോഗാ കേന്ദ്രത്തിലെ മുന്‍ ഇന്‍സ്ട്രക്ടര്‍ ആയ താന്‍ േക​ന്ദ്രത്തിൽ നടന്ന പീഢനങ്ങൾങ്ങും ലൈംഗീക അതിക്രമങ്ങൾക്കും തീവ്രവാദ പ്രവര്‍ത്തനങ്ങള്‍ക്കും അസൻമാർഗിക നടപടികൾക്കും സാക്ഷിയാണെന്ന് ഹരജിയിൽ പറയുന്നു. മിശ്ര വിവാഹിതരാകുന്ന ഹിന്ദു യുവതികളേയും യുവാക്കളേയും പ്ര ദീപ്​ വിശ്വംഭരൻ എന്നയാളുടെ നേതൃത്വത്തിലുള്ള ഹിന്ദു ​െഹൽപ്​ലൈൻ എന്ന സംഘടന മുഖേനയാണ്​ കേന്ദ്രത്തിൽ എത്തിക്കുന്നത്​. ​േയാഗ കേന്ദ്രത്തി​​െൻറ വിവിധ ശാഖകളിൽ രാത്രിയും പകലും പെൺകുട്ടികളെ പീഢനത്തിനിരയാക്കുന്നു. തടങ്കൽ കേന്ദ്രങ്ങൾ ജയിലിന്​ സമാനമാണ്​. തടങ്കലിലാക്കിയ പെൺകുട്ടികളിൽ നിയന്ത്രിക്കാനാവാത്തവ​െര മയക്കുമരുന്നുകൾ കുത്തിവെക്കുകയും നേരിട്ട്​ നൽകുകയും ചെയ്യുന്നു. ചൂരലു കൊണ്ട്​ ക്രൂരമായി അടിക്കുന്നു​. നഗ്നചിത്രങ്ങൾ എടുത്ത് കമ്പ്യൂട്ടറിൽ സൂക്ഷിച്ച് ഭീഷണിപ്പെടുത്തുന്നു. ഇസ്​ലാം, ക്രൈസ്​തവ മതങ്ങളെ അവഹേളിക്കുന്ന രീതിയിലാണ് മനോജ്​ ഗുരുജിയും ഇൻസ്​ട്രക്​ടർ ശ്രുതിയും കൗൺസിലിങ്ങ് നടത്തുന്നത്. മറ്റ്​ മതസ്​ഥർക്കെതിരെ വൈരം കുത്തിവെക്കുകയാണ്​ ഇവർ ചെയ്യുന്നത്​. മനോജ് ഗുരുജിക്ക് തീവ്രവാദ സംഘടനകളുമായും സംസ്​ഥാന​ സർക്കാറിലെ ഉന്നതരുമായി ബന്ധമുണ്ട്. ഇവരുടെ പേര് വെളിപെടുത്തിയാൽ ത​​െൻറ ജീവൻ അപകടത്തിലാവും. 

സ്ത്രീകളെ തടങ്കലില്‍ വെക്കാന്‍ 10000 മുതല്‍ ലക്ഷങ്ങള്‍ വരെയാണ് യോഗാകേന്ദ്രം ഈടാക്കുന്നത്. ഈ സ്ത്രീകളെ വിവാഹം ചെയ്യണമെങ്കില്‍ ഇതര മതസ്ഥര്‍ ഹിന്ദു മതം സ്വീകരിക്കണമെന്ന്​ നിർബന്ധിക്കുന്നു. സ്വന്തമായി ബ്ലാക്ക് കാറ്റുകളും ഗുണ്ടകളുമുള്ള സമാന്തര നിയമ സംവിധാനമാണ് ഇവിടെയുള്ളത്​. ഇതര മതസ്ഥരുമായുള്ള ബന്ധത്തില്‍ നിന്ന് ഒഴിയാന്‍ തയ്യാറല്ലാത്തവരെ സ്വന്തം ജീവനക്കാരെ ഉപയോഗിച്ച് കുടുക്കാന്‍ ശ്രമിക്കും. മനോജ് ഗുരുജിയുടെ ലൈംഗികാതിക്രമം അടക്കമുള്ള നിയമവിരുദ്ധ പ്രവര്‍ത്തനങ്ങള്‍ അംഗീകരിക്കാന്‍ ആവാത്തതിനാലാണ് മറ്റു ചിലർക്കൊപ്പം താൻ മൂന്നു വര്‍ഷം മുമ്പ് സ്ഥാപനം വിട്ടത്.

മനോജി​​െൻറ അവിഹിത ബന്ധങ്ങളിൽ മനം മടുത്ത ഭാര്യ അയാളുടെ ​േഫാൺ സംഭാഷണങ്ങൾ ചോർത്തി പകർപ്പ്​ ത​ങ്ങളെ ഏൽപ്പിച്ചിട്ടുണ്ട്​. ഇതിന് ഭാര്യയേയും അവരുടെ സഹോദരനേയും ആക്രമിച്ചു. ഇൗ ​േഫാൺ കോളുകൾ​ ചോരാതിരിക്കാൻ മ​േനാജും ശ്രുതിയും ചേർന്ന്​ ഹിൽപാലസ്​ സി.​െഎയുടെ സഹായത്തോടെ തങ്ങളെ വ്യാജ ​േകസുകളിൽ ഉൾപ്പെടുത്താൻ ശ്രമിക്കുകയാണ്​. തങ്ങളുടെ ​മൊബൈൽ ഫോണുകളും സിം കാർഡുകളും പൊലീസ്​ പിടിച്ചെടുത്ത്​ തൃപ്പൂണിത്തുറ പൊലീസ്​ ​സ്​റ്റേഷനിൽ സൂക്ഷിച്ചിരിക്കുകയാണ്​. യോഗ കേന്ദ്രത്തിലെ അന്തേവാസികളെ കുറിച്ചും തടങ്കലിലായ പെണ്‍കുട്ടികളെ കുറിച്ചും ലൈംഗിക ചുവയോടെ മനോജ് ഗുരു സംസാരിക്കുന്നതി​​െൻറ വിവരങ്ങള്‍ തൃപ്പൂണിത്തുറ എസ്‌.ഐക്ക് കൈമാറിയിട്ടുണ്ട്.

നിര്‍ബന്ധിത മതപരിവര്‍ത്തനം നടത്തിയും ആളുകളെ തടങ്കലില്‍ വെച്ചും നിയമവിരുദ്ധമായി സ്വന്തമാക്കിയ പണം വയനാട്ടില്‍ ഭൂമി ഇടപാട് അടക്കം വിവിധ കാര്യങ്ങള്‍ക്കായി ഉപയോഗിച്ചിട്ടുണ്ട്. കൂടാതെ തൃപ്പൂണിത്തുറ അടക്കം വിവിധ പ്രദേശങ്ങളില്‍ പലിശക്കും കൊടുക്കുന്നു. ഈ വിവരങ്ങളെല്ലാം അന്വേഷണ ഉദ്യോഗസ്ഥര്‍ക്ക് നല്‍കാന്‍ തയാറാണ്. എന്നാൽ, കോടതിയുടെ നിര്‍ദേശമില്ലാതെ പോലിസ് ഈ മൊഴി രേഖപ്പെടുത്തില്ല. മനോജ് ഗുരുജിയുടെയും സംഘത്തി​​െൻറയും പ്രവര്‍ത്തനം മൂലം ജീവന് ഭീഷണിയുണ്ടെന്നും പൊലീസും യോഗ കേന്ദ്രവും തമ്മിലുള്ള വഴിവിട്ട അടുപ്പമുൾപ്പെടെ ഒ​േട്ടറെ കാര്യങ്ങൾ കോടതിയെ അറിയിക്കാനുണ്ടെന്നും ഹരജിക്കാരനെ കേസിൽ കക്ഷി ചേർക്കണമെന്നുമാണ്​ ആവശ്യം.  മനോജ്​ ഗുരുജിയുടെ പുതിയ യോഗാ കേന്ദ്രം ഹിൽപാലസ്​ സി.​െഎ ഉദ്​ഘാടനം ചെയ്യുന്നതി​​െൻറ ചിത്രവും ഹരജിക്കൊപ്പം കോടതിയില്‍ സമര്‍പ്പിച്ചിട്ടുണ്ട്.

കൃഷ്ണകുമാര്‍ നൽകിയ ഹരജി