ആളുമാറി യുവാവിനെ തട്ടിക്കൊണ്ടുപോയ കേസ്: നാലംഗ ക്വട്ടേഷൻ സംഘം അറസ്റ്റിൽ

കോ​ഴി​ക്കോ​ട്: ആ​ളു​മാ​റി യു​വാ​വി​നെ ത​ട്ടി​ക്കൊ​ണ്ടു​പോ​യി മ​ർ​ദി​ച്ച​വ​ശ​നാ​ക്കി റോ​ഡ​രി​കി​ൽ ഉ​പേ​ക്ഷി​ച്ച കേ​സി​ൽ ക്വ​ട്ടേ​ഷ​ൻ സം​ഘം അ​റ​സ്റ്റി​ൽ. ന​ല്ല​ളം ഉ​ണ്ണി​ശ്ശേ​രി​ക്കു​ന്ന് ആ​ന റോ​ഡ് ഇ​ല്ലി​ക്ക​ൽ ഷാ​ഹു​ൽ ഹ​മീ​ദ് (42), ക​ല്ലാ​യി ആ​ന​മാ​ട് ച​ക്കും​ക​ട​വ് റ​ഹി​യാ​ന​ത്ത് മ​ൻ​സി​ൽ സ​ക്കീ​ർ (52), കി​ണാ​ശ്ശേ​രി കു​ള​ങ്ങ​ര​പീ​ടി​ക താ​ന്നി​ക്കാ​ട്ട് മീ​ത്ത​ൽ​പ​റ​മ്പ് റാ​ഷി​ദ് (47), പ​ന്തീ​രാ​ങ്കാ​വ് പു​ത്തൂ​ർ​മ​ഠം പു​റ​ത്തൊ​ളി​ക്ക​ൻ​പ​റ​മ്പ് ഷ​മീ​ർ (37) എ​ന്നി​വ​രെ​യാ​ണ് ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ കെ.​ഇ. ബൈ​ജു​വി​ന്റെ കീ​ഴി​ലെ സ്പെ​ഷ​ൽ ആ​ക്ഷ​ൻ ഗ്രൂ​പ്പും ഫ​റോ​ക്ക് അ​സി. ക​മീ​ഷ​ണ​ർ എ.​എം. സി​ദ്ദീ​ഖി​ന്റെ നേ​തൃ​ത്വ​ത്തി​ൽ ന​ല്ല​ളം ഇ​ൻ​സ്പെ​ക്ട​ർ കെ.​എ. ബോ​സും സം​ഘ​വും ചേ​ർ​ന്ന് അ​റ​സ്റ്റ്ചെ​യ്ത​ത്. ഷാ​ഹു​ൽ ഹ​മീ​ദ് ന​ല്ല​ളം ദേ​വ​ദാ​സ് സ്കൂ​ളി​ന​ടു​ത്തും സ​ക്കീ​ർ മാ​ത്ത​റ ഇ​രി​ങ്ങ​ല്ലൂ​ർ വ​ട​ക്കാ​ഞ്ചേ​രി പ​റ​മ്പി​ലും ഷ​മീ​ർ ഒ​ള​വ​ണ്ണ വ​ന്ദ​ന ബ​സ് സ്റ്റോ​പ്പി​ന​ടു​ത്തും വാ​ട​ക​ക്ക് താ​മ​സി​ക്കു​ക​യാ​ണ്.

അ​ഞ്ചു​പേ​ർ വാ​ഹ​നാ​പ​ക​ട​ത്തി​ൽ മ​രി​ച്ച ക​രി​പ്പൂ​ർ സ്വ​ർ​ണ​ക്ക​ട​ത്ത് കേ​സി​ലെ ചെ​ർ​പ്പു​ള​ശ്ശേ​രി സം​ഘ​ത്തി​ലെ മു​ഖ്യ​പ്ര​തി ച​ര​ൽ ഫൈ​സ​ലി​ന്റെ സം​ഘാം​ഗം ആ​സി​ഫ് മാ​സ​ങ്ങ​ൾ​ക്കു മു​മ്പ് ഗ​ൾ​ഫി​ൽ​നി​ന്ന് ക​ട​ത്തി​യ സ്വ​ർ​ണം ‘ഉ​ട​മ’​ക്ക് ന​ൽ​കാ​തെ മു​ങ്ങി​യി​രു​ന്നു. ഇ​തു​മാ​യി ബ​ന്ധ​പ്പെ​ട്ട് അ​ദ്ദേ​ഹ​ത്തി​ന്റെ സ​ഹോ​ദ​രീ​ഭ​ർ​ത്താ​വി​നെ ഗ​ൾ​ഫി​ൽ​നി​ന്ന് പി​ടി​കൂ​ടി മ​ർ​ദി​ക്കു​ക​യും ഭീ​ഷ​ണി​പ്പെ​ടു​ത്തി ആ​സി​ഫി​നെ വി​ളി​ച്ചു​വ​രു​ത്താ​ൻ ആ​വ​ശ്യ​പ്പെ​ടു​ക​യും ചെ​യ്തി​രു​ന്നു.

തു​ട​ർ​ന്ന് സ​ഹോ​ദ​രീ​ഭ​ർ​ത്താ​വി​നെ ക​രി​പ്പൂ​രി​ൽ എ​ത്തി​ച്ച് ചെ​ർ​പ്പു​ള​ശ്ശേ​രി​യി​ലെ വീ​ട്ടി​ലേ​ക്ക് പോ​കാ​ൻ വാ​ഹ​ന​വു​മാ​യി വ​രാ​ൻ പ​റ​യു​ക​യും ചെ​യ്തു.

സ​ഹോ​ദ​രീ​ഭ​ർ​ത്താ​വി​നെ ആ​സി​ഫ് കൂ​ട്ടാ​ൻ വ​രു​ന്ന സ​മ​യം അ​യാ​ളെ ത​ട്ടി​ക്കൊ​ണ്ടു​പോ​യി ന​ഷ്ട​പ്പെ​ട്ട സ്വ​ർ​ണം വീ​ണ്ടെ​ടു​ക്കാ​നാ​യി​രു​ന്നു പ​ദ്ധ​തി. ഇ​തി​നാ​യി കോ​ഴി​ക്കോ​ട്ടെ ഗു​ണ്ടാ​സം​ഘ​ത്തി​ന് ക്വ​ട്ടേ​ഷ​ൻ ന​ൽ​കു​ക​യാ​യി​രു​ന്നു. എ​ന്നാ​ൽ, ആ​സി​ഫി​ന്റെ കൂ​ടെ ച​ര​ൽ ഫൈ​സ​ലും മു​നീ​റും വ​രു​ക​യും ആ​സി​ഫാ​ണെ​ന്ന് ക​രു​തി മു​നീ​റി​നെ സം​ഘം അ​വ​രു​ടെ കാ​റി​ൽ ക​യ​റ്റു​ക​യും ചെ​യ്തു. ആ​ക്ര​മി​സം​ഘ​ത്തെ ഇ​ടി​ച്ചു​തെ​റി​പ്പി​ച്ച് ര​ക്ഷ​പ്പെ​ടാ​ൻ ശ്ര​മി​ച്ച ഫൈ​സ​ലി​ന്റെ കാ​റി​ന്റെ മു​ന്നി​ലെ ഗ്ലാ​സി​ലേ​ക്ക് വ​ലി​യ ക​ല്ലി​ട്ട് ത​ക​ർ​ക്കാ​ൻ ശ്ര​മി​ച്ചെ​ങ്കി​ലും കാ​റെ​ടു​ത്ത് ഫൈ​സ​ലും ആ​സി​ഫും ര​ക്ഷ​പ്പെ​ടു​ക​യും ചെ​യ്തു.

മു​നീ​റി​നെ കാ​റി​ൽ​വെ​ച്ച് മ​ർ​ദി​ച്ച​ശേ​ഷം ഫോ​ട്ടോ​യെ​ടു​ത്ത് സ്വ​ർ​ണം ന​ഷ്ട​പ്പെ​ട്ട മ​ല​പ്പു​റം സ്വ​ദേ​ശി​ക്ക് അ​യ​ച്ചു​കൊ​ടു​ത്ത​പ്പോ​ഴാ​ണ് പി​ടി​കൂ​ടി​യ ആ​ൾ മാ​റി​യ വി​വ​രം ഗു​ണ്ടാ​സം​ഘം അ​റി​യു​ന്ന​ത്. തു​ട​ർ​ന്ന് മു​നീ​റി​നെ ആ​ളൊ​ഴി​ഞ്ഞ വ​ഴി​യി​ൽ ഉ​പേ​ക്ഷി​ക്കു​ക​യാ​യി​രു​ന്നു.

മു​നീ​റി​ന്റെ പ​രാ​തി​യി​ലാ​ണ് ന​ല്ല​ളം പൊ​ലീ​സ് കേ​സെ​ടു​ത്ത​ത്. ജി​ല്ല പൊ​ലീ​സ് മേ​ധാ​വി രാ​ജ്പാ​ൽ മീ​ണ​യു​ടെ നി​ർ​ദേ​ശ​പ്ര​കാ​രം സ്പെ​ഷ​ൽ ആ​ക്ഷ​ൻ ഗ്രൂ​പ് അ​ന്വേ​ഷ​ണ​ത്തി​ൽ ചേ​ർ​ന്ന് യാ​ത്ര​ക്കാ​ർ മൊ​ബൈ​ൽ ഫോ​ണി​ൽ പ​ക​ർ​ത്തി​യ​തും സം​ഭ​വ​സ്ഥ​ല​ങ്ങ​ളി​ലെ സി.​സി.​ടി.​വി ദൃ​ശ്യ​ങ്ങ​ളും പ​രി​ശോ​ധി​ച്ച​തോ​ടെ​യാ​ണ് പ്ര​തി​ക​ളെ​ക്കു​റി​ച്ച് സൂ​ച​ന ല​ഭി​ച്ച​ത്.