ഫാ. ജോൺ പനന്തോട്ടത്തിൽ മെൽബൺ സിറോ മലബാർ രൂപത മെത്രാൻ

കൊച്ചി: ആസ്ട്രേലിയയിലെ മെൽബൺ ആസ്ഥാനമായ സെന്‍റ് തോമസ് സിറോ മലബാർ രൂപതയുടെ രണ്ടാമത്തെ മെത്രാനായി ഫാ. ജോൺ പനന്തോട്ടത്തിലിനെ ഫ്രാൻസിസ് മാർപാപ്പ നിയമിച്ചു.

ഇതുസംബന്ധിച്ച ഔദ്യോഗിക അറിയിപ്പ് വത്തിക്കാനിലും സിറോ മലബാർ സഭ ആസ്ഥാനമായ കാക്കനാട് മൗണ്ട് സെന്‍റ് തോമസിലും മെൽബൺ രൂപത കേന്ദ്രത്തിലും പ്രസിദ്ധപ്പെടുത്തി. കർദിനാൾ മാർ ജോർജ് ആലഞ്ചേരി പ്രഖ്യാപനം നടത്തിയത്.

കർദിനാൾ ആലഞ്ചേരിയും മെത്രാൻ മാർ ബോസ്കോ പുത്തൂരും നിയുക്ത മെത്രാനെ സ്ഥാനചിഹ്നങ്ങൾ അണിയിച്ചു.