പൊലീസിനു​ നേരെ ഗുണ്ട ആക്രമണം: ഒരു പ്രതിക്കായി തിരച്ചിൽ തുടരുന്നു

തൃ​ശൂ​ർ: മ​ണ്ണു​ത്തി ​പൊ​ലീ​സ്​ സ്​​റ്റേ​ഷ​ൻ പ​രി​ധി​യി​ലെ ന​​ല്ല​ങ്ക​ര​യി​ൽ പൊ​ലീ​സി​നെ ആ​ക്ര​മി​ക്കു​ക​യും മൂ​ന്ന്​ പൊ​ലീ​സ്​ ജീ​പ്പു​ക​ൾ ത​ക​ർ​ക്കു​ക​യും​ചെ​യ്ത സം​ഭ​വ​ത്തി​ൽ പി​ടി​യി​ലാ​കാ​നു​ള്ള പ്ര​തി​ക്കാ​യി പൊ​ലീ​സ്​ അ​ന്വേ​ഷ​ണം ഊ​ർ​ജി​ത​മാ​ക്കി. ശി​വ എ​ന്ന​യാ​ളെ​യാ​ണ് ഇ​നി പി​ടി​കൂ​ടാ​നു​ള്ള​ത്. ജൂ​ൺ 28ന്​ ​പു​ല​ർ​ച്ച​യാ​ണ് സം​ഭ​വം ന​ട​ന്ന​ത്. ആ​സ​മ​യം​ത​ന്നെ ആ​റ്​ പ്ര​തി​ക​​​ളെ പി​ടി​കൂ​ടി​യി​രു​ന്നു. പി​ടി​കൂ​ടാ​ൻ ശ്ര​മി​ക്കു​ന്ന​തി​നി​ടെ സാ​ര​മാ​യി പ​രി​ക്കേ​റ്റ ഇ​വ​ർ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു. ഇ​തി​ൽ നാ​ലു​പേ​രെ റി​മാ​ൻ​ഡ്​ ചെ​യ്ത്​ ജ​യി​ലി​ലേ​ക്ക്​ മാ​റ്റി. ര​ണ്ടു​​പേ​ർ ഇ​പ്പോ​ഴും ചി​കി​ത്സ​യി​ലാ​ണ്. ഗു​ണ്ട​ക​ളു​ടെ ആ​​ക്ര​മ​ണ​ത്തി​ൽ പ​രി​ക്കേ​റ്റ നാ​ല്​ പൊ​ലീ​സ്​ ഉ​ദ്യോ​ഗ​സ്ഥ​രി​ൽ ഒ​രാ​ൾ​ക്ക് താ​ടി​യെ​ല്ലി​ന് പ​രി​ക്കു​ണ്ട്. ഇ​യാ​ൾ​ക്കും തു​ട​ർ​ചി​കി​ത്സ ആ​വ​ശ്യ​മാ​ണ്.

28ന് ​ജ​ന്മ​ദി​നാ​ഘോ​ഷ പാ​ർ​ട്ടി​ക്കി​ടെ​യാ​ണ്​ സം​ഘ​ർ​ഷ​മു​ണ്ടാ​യ​ത്. പാ​ർ​ട്ടി​ക്കെ​ത്തി​യ​വ​ർ ത​മ്മി​ൽ സം​ഘ​ട്ട​ന​മു​ണ്ടാ​യ​തോ​ടെ ഇ​തി​ൽ ​സ​ഹോ​ദ​ര​ങ്ങ​ളു​ടെ മാ​താ​വ് പൊ​ലീ​സി​നെ അ​റി​യി​ച്ചു. പൊ​ലീ​സെ​ത്തി ര​ണ്ടു പേ​രെ പി​ടി​കൂ​ടി കൊ​ണ്ടു​പോ​കാ​ൻ ശ്ര​മി​ക്ക​വേ​യാ​ണ് ആ​ക്ര​മ​ണ​മു​ണ്ടാ​വു​ക​യും ജീ​പ്പു​ക​ൾ ത​ക​ർ​ക്കു​ക​യും ചെ​യ്ത​ത്.

സം​ഭ​വ​ത്തി​ൽ ഒ​ല്ലൂ​ക്ക​ര സ്വ​ദേ​ശി​ക​ളാ​യ കാ​ട്ടു​പ​റ​മ്പി​ൽ മു​ഹ​മ്മ​ദ് അ​ൽ​ത്താ​ഫ് (34), സ​ഹോ​ദ​ര​ൻ കാ​ട്ടു​പ​റ​മ്പി​ൽ അ​ൽ​അ​ഹ​ദി​ൽ (18), നെ​ല്ലി​ക്കു​ന്ന് സ്വ​ദേ​ശി​യാ​യ പു​ത്തൂ​ർ ത​റ​യി​ൽ വീ​ട്ടി​ൽ ഇ​വി​ൻ ആ​ൻ​റ​ണി (24), മൂ​ർ​ക്ക​നി​ക്ക​ര സ്വ​ദേ​ശി​യാ​യ പ​ടി​ഞ്ഞാ​റേ വീ​ട്ടി​ൽ ബ്ര​ഹ്മ​ജി​ത്ത് (22), നെ​ല്ലി​ക്കു​ന്ന് സ്വ​ദേ​ശി​യാ​യ പു​ത്തൂ​ർ ത​റ​യി​ൽ വീ​ട്ടി​ൽ ആ​ഷ്മി​ർ ആ​ൻ​റ​ണി (24), ചെ​മ്പൂ​ക്കാ​വ് സ്വ​ദേ​ശി​യാ​യ മ​റി​യ ഭ​വ​നി​ലെ ഷാ​ർ​ബ​ൽ (19) എ​ന്നി​വ​രാ​ണ്​ അ​റ​സ്റ്റി​ലാ​യ​ത്.