രജിസ്​ട്രാർ ഒാഫിസിലെ ബെഞ്ച്​ തകർന്നുവീണ് പരിക്കേറ്റയാൾ മരിച്ചു

ചക്കരക്കല്ല്​: കാടാച്ചിറ രജിസ്​ട്രാർ ഒാഫിസിലെ ബെഞ്ച്​ തകർന്നുവീണ് ഗുരുതര പരിക്കേറ്റയാൾ മരിച്ചു. കാപ്പാട് സി.പി സ്​റ്റോറിന് സമീപം മണലിൽ ഹൗസിൽ വത്സരാജനാണ്​ (55) മരിച്ചത്. എപ്രിൽ 18നായിരുന്നു സംഭവം. കുടുംബസ്വത്ത്​ ഭാഗംവെക്കുന്നതിനായി രേഖകൾ ഓഫിസിൽ ഏൽപിച്ച് വരാന്തയിലുള്ള ബെഞ്ചിൽ ഇരുന്നയുടൻ ബെഞ്ച്​ തകർന്ന്​ മുറ്റത്തേക്ക് വീഴുകയായിരുന്നു.

വീഴ്ചയിൽ നട്ടെല്ലിന് ഗുരുതര പരിക്കേറ്റ വത്സരാജ​​​െൻറ കൂടെയുണ്ടായിരുന്ന ബന്ധുക്കൾ ഇയാളെ ഉടനെ കണ്ണൂരിലെ സ്വകാര്യ ആശുപത്രിയിൽ പ്രാഥമിക ചികിത്സ നൽകി. മംഗളൂരുവിലെ കെ.എം.സി ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിക്കുകയായിരുന്നു. നട്ടെല്ലി​​​െൻറ തകർച്ചയോടൊപ്പം നാഡികളും തകർന്നനിലയിലായിരുന്നു. 

ചികിത്സയിൽ പുരോഗതിയില്ലാത്തതിനാൽ ഒരാഴ്ചമുമ്പാണ്​ പരിയാരം മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചത്. എന്നാൽ, വ്യാഴാഴ്ചയോടെ മരണം സംഭവിക്കുകയായിരുന്നു. നിർധന കുടുംബാംഗമായ വത്സരാജൻ തയ്യൽതൊഴിലാളിയാണ്. ചികിത്സക്കാവശ്യമായ ​െചലവ് കണ്ടെത്താൻ ഏറെ പ്രയാസപ്പെടേണ്ടിവന്നെന്ന് ബന്ധുക്കൾ പറഞ്ഞു. കാലപ്പഴക്കംചെന്ന ബെഞ്ച് മുമ്പും തകർന്നുവീണിരുന്നു. അധികൃതരുടെ ശ്രദ്ധയിൽപെട്ടിട്ടും ആവശ്യമായ നടപടികളെടുത്തി​െല്ലന്ന് നാട്ടുകാർ പറഞ്ഞു. ഭാര്യ: സാവിത്രി. മക്കൾ: സായൂജ്, സാന്ദ്ര.