പാതി വില തട്ടിപ്പ്​: ജ. സി.എൻ. രാമചന്ദ്രൻ നായർക്കെതിരെ തെളിവില്ലെന്ന്​ സർക്കാർ ഹൈകോടതിയിൽ

കൊ​ച്ചി: പാ​തി​വി​ല ത​ട്ടി​പ്പ് കേ​സി​ൽ പ്ര​തി​ചേ​ർ​ക്ക​പ്പെ​ട്ട റി​ട്ട. ഹൈ​കോ​ട​തി ജ​ഡ്​​ജി ജ​സ്റ്റി​സ് സി.​എ​ൻ. രാ​മ​ച​ന്ദ്ര​ൻ നാ​യ​ർ​ക്ക്​ ആ​രോ​പ​ണ​വി​ധേ​യ​മാ​യ​ സ്ഥാ​പ​ന​ത്തി​ന്‍റെ ദൈ​നം​ദി​ന പ്ര​വ​ർ​ത്ത​ന​ങ്ങ​ളി​ലോ സാ​മ്പ​ത്തി​ക ഇ​ട​പാ​ടു​ക​ളി​ലോ പ​ങ്കി​ല്ലെ​ന്ന്​ സ​ർ​ക്കാ​ർ ഹൈ​കോ​ട​തി​യി​ൽ. നാ​ഷ​ന​ൽ എ​ൻ.​ജി.​ഒ കോ​ൺ​ഫെ​ഡ​റേ​ഷ​നു​മാ​യി ബ​ന്ധ​പ്പെ​ട്ട ത​ട്ടി​പ്പി​ൽ ഇ​ദ്ദേ​ഹം ഉ​ൾ​പ്പെ​ട്ട​തി​ന്​​ തെ​ളി​വി​ല്ലെ​ന്നും ഈ​യ​ടി​സ്ഥാ​ന​ത്തി​ൽ നി​യ​മ​പ​ര​മാ​യ തു​ട​ർ ന​ട​പ​ടി സ്വീ​ക​രി​ക്കു​മെ​ന്നും പ്രോ​സി​ക്യൂ​ഷ​ൻ ഡ​യ​റ​ക്ട​ർ ജ​ന​റ​ൽ വ്യ​ക്ത​മാ​ക്കി.

ജ​സ്റ്റി​സ് സി.​എ​ൻ. രാ​മ​ച​ന്ദ്ര​ൻ നാ​യ​രെ പ്ര​തി​യാ​ക്കി​യ​ത് ചോ​ദ്യം ചെ​യ്ത് ന​ൽ​കി​യ ഹ​ര​ജി​യി​ലാ​ണ്​ സ​ർ​ക്കാ​റി​ന്‍റെ വി​ശ​ദീ​ക​ര​ണം. ഇ​ത്​ രേ​ഖ​പ്പെ​ടു​ത്തി​യ ജ​സ്റ്റി​സ് എ. ​മു​ഹ​മ്മ​ദ് മു​ഷ്താ​ഖ്, ജ​സ്റ്റി​സ് പി. ​കൃ​ഷ്ണ​കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ ഹ​ര​ജി തീ​ർ​പ്പാ​ക്കി. എ​ൻ.​ജി.​ഒ കോ​ൺ​ഫെ​ഡ​റേ​ഷ​നി​ൽ​നി​ന്നോ ഇ​തു​മാ​യി ബ​ന്ധ​പ്പെ​ട്ട മ​റ്റേ​തെ​ങ്കി​ലും സ്ഥാ​പ​ന​ത്തി​ൽ​നി​ന്നോ ജ. ​രാ​മ​ച​ന്ദ്ര​ൻ നാ​യ​ർ പ്ര​തി​ഫ​ലം സ്വീ​ക​രി​ച്ചി​ട്ടി​ല്ല. സി.​എ​സ്.​ആ​ർ ഫ​ണ്ട് തി​രി​മ​റി​യു​മാ​യി ബ​ന്ധ​പ്പെ​ട്ട അ​ന്വേ​ഷ​ണം പ്രാ​ഥ​മി​ക ഘ​ട്ട​ത്തി​ലാ​ണെ​ന്നും സ​ർ​ക്കാ​ർ വി​ശ​ദീ​ക​രി​ച്ചു.

എ​ൻ.​ജി.​ഒ കോ​ൺ​ഫെ​ഡ​റേ​ഷ​ന്റെ ഉ​പ​ദേ​ശ​ക​നാ​യി ജ. ​രാ​മ​ച​ന്ദ്ര​ൻ നാ​യ​ർ പ്ര​വ​ർ​ത്തി​ച്ചി​ട്ടു​ണ്ട്. ഇ​തി​ന്റെ പേ​രി​ൽ മ​ല​പ്പു​റം സ്വ​ദേ​ശി ന​ൽ​കി​യ പ​രാ​തി​യി​ലാ​ണ് മു​ന്നാ​ക്ക സ​മു​ദാ​യ ക്ഷേ​മ ക​മീ​ഷ​ൻ, മു​ന​മ്പം ജു​ഡീ​ഷ്യ​ൽ ക​മീ​ഷ​ൻ അ​ധ്യ​ക്ഷ​നും മു​ൻ ആ​ക്ടി​ങ്​​ ചീ​ഫ്​ ജ​സ്റ്റി​സു​മാ​യ രാ​മ​ച​ന്ദ്ര​ൻ നാ​യ​രെ മൂ​ന്നാം പ്ര​തി​യാ​ക്കി പെ​രി​ന്ത​ൽ​മ​ണ്ണ പൊ​ലീ​സ് കേ​സെ​ടു​ത്ത​ത്. ഇ​തി​നെ​തി​രെ അ​ഭി​ഭാ​ഷ​ക​നാ​യ സൈ​ജോ ഹ​സ​നാ​ണ് ഹൈ​കോ​ട​തി​യി​ൽ പൊ​തു​താ​ൽ​പ​ര്യ ഹ​ര​ജി ന​ൽ​കി​യ​ത്.