ങ്ങള്​ കേറിക്കോളീ ഉമ്മാ, ജൈ​സലി​െൻറ മുതുകിൽ ചവിട്ടി അവർ കയറിയത്​ ജീവിതത്തിലേക്ക്​

താനൂർ: മുട്ടിന്​ മുകളിൽ വെള്ളത്തിൽ മുട്ടുകുത്തി കിടന്ന്​ പ്രളയത്തിൽ കുടുങ്ങിയവരെ ഫൈബർ ബോട്ടിലേക്ക്​ കയറ്റാൻ മുതുക്​ ചവിട്ടുപടിയാക്കി ജൈസൽ നടത്തിയ രക്ഷപ്രവർത്തനം ഒന്നു മതി, മത്സ്യത്തൊഴിലാളികളുടെ സേവനം അളക്കാൻ. ആയിരങ്ങളെ ജീവിതത്തിലേക്ക്​ കൈപിടിച്ച മത്സ്യത്തൊഴിലാളികളുടെ പ്രതിനിധിയാണ്​ താനൂർ കടപ്പുറത്തെ ഇൗ മനുഷ്യൻ. ​ഉയരം കൂടിയ ബോട്ടിലേക്ക്​ സ്​ത്രീകളെയും കുട്ടികളെയും കയറ്റാനാണ്​ ജൈസൽ മുതുക്​ ചവിട്ടുപടിയാക്കി കിടന്നത്​. 

ഇൗ രക്ഷപ്രവർത്തനത്തി​​​െൻറ വിഡിയോ സാമൂഹിക മാധ്യമങ്ങളിൽ വന്നതോടെ പ്രളയക്കെടുതിയിൽ കണ്ണീരൊപ്പാൻ ​കിട്ടിയതെല്ലാം എടുത്ത്​ വെള്ളത്തിലിറങ്ങിയ അനേകം മനുഷ്യരുടെ മികച്ച മാതൃകയാണ്​ ലോകം കണ്ടത്​. താനൂർ ചാപ്പപടി സ്വദേശി കെ.പി. ജൈസലാണ് ​ഒറ്റ ദൃശ്യംകൊണ്ട്​ ലോകത്തി​​​െൻറ അഭിനന്ദന പ്രവാഹങ്ങളുടെ പ്രളയത്തിൽ മുങ്ങിയത്​​.

വെള്ളിയാഴ്​ച വേങ്ങര മുതലമാടിൽ ജൈസലും സംഘവും രക്ഷപ്രവർത്തനം നടത്തുന്നതി​​​െൻറ ദൃശ്യമാണ്​ മണിക്കൂറുകൾക്കുള്ളിൽ വൈറലായത്​. എന്നാൽ, ഇതൊന്നുമറിയാതെ ജൈ​സലിപ്പോൾ തൃ​ശൂർ മാളയിൽ രക്ഷപ്രവർത്തനത്തി​​​െൻറ തിരക്കിലാണ്​. വേങ്ങരയിലെ രക്ഷദൗത്യം കഴിഞ്ഞ്​ ശനിയാഴ്​ച ഉച്ചമുതലാണ്​ ഇവർ മാളയിലെത്തിയത്​. ട്രോമാകെയർ വളൻറിയർ കൂടിയായ ജൈ​സൽ ഫുട്​ബാൾ താരം കൂടിയാണ്. തീരമേഖലയിൽ എന്ത് അപകടം സംഭവിച്ചാലും രക്ഷപ്രവർത്തനത്തിന്​ മുന്നിൽ ജൈ​സലുണ്ടാവാറുണ്ട്​.