നായുടെ കടിയേറ്റവർക്കേ വേദന മനസ്സിലാകൂവെന്ന്​ ഹൈകോടതി

കൊ​ച്ചി: തെ​രു​വു​നാ​യ്​​ക്ക​ളു​ടെ ക​ടി​യേ​റ്റ​വ​ർ​ക്കേ അ​തി​ന്‍റെ വേ​ദ​ന​യും ബു​ദ്ധി​മു​ട്ടും മ​ന​സ്സി​ലാ​വൂ​വെ​ന്ന്​ ഹൈ​കോ​ട​തി. ഇ​തു​മൂ​ലം അ​ടു​ത്ത ബ​ന്ധു​ക്ക​ൾ ന​ഷ്ട​മാ​യ​വ​രു​മു​ണ്ട്. മൃ​ഗ​ങ്ങ​ളു​ടെ അ​വ​കാ​ശ​ത്തേ​ക്കാ​ൾ വ​ലു​താ​ണ്​ മ​നു​ഷ്യാ​വ​കാ​ശം. പ്ര​ഭാ​ത ന​ട​ത്ത​ത്തി​ന്​ പോ​കു​ന്ന​വ​ർ പ​ട്ടി​ക​ടി​യേ​ൽ​ക്കാ​തെ തി​രി​ച്ചു​വ​രു​മെ​ന്ന്​ ഒ​രു ഉ​റ​പ്പു​മി​ല്ല. ചി​ല്ലു​കൊ​ട്ടാ​ര​ത്തി​ലി​രു​ന്ന്​ ആ​ർ​ക്കും എ​ന്തും പ​റ​യാം. ന​ട​പ്പാ​ക്കാ​ൻ ക​ഴി​യു​ന്ന പ​രി​ഹാ​ര മാ​ർ​ഗ​ങ്ങ​ളാ​ണ്​ സ​ർ​ക്കാ​റി​ൽ​നി​ന്ന​ട​ക്കം ഉ​ണ്ടാ​കേ​ണ്ട​ത്.

സം​സ്ഥാ​ന​ത്തെ തെ​രു​വു​നാ​യ്​ പ്ര​ശ്നം അ​തി​ഗു​രു​ത​ര​മാ​ണെ​ന്നും വ​ന്യ​ജീ​വി ആ​ക്ര​മ​ണ​ത്തെ​പ്പോ​ലെ തെ​രു​വു​നാ​യ്​ ആ​ക്ര​മ​ണ​ത്തെ​യും ദു​ര​ന്ത​നി​വാ​ര​ണ നി​യ​മ​ത്തി​ന്റെ പ​രി​ധി​യി​ൽ കൊ​ണ്ടു​വ​ര​ണ​മെ​ന്നും ജ​സ്റ്റി​സ്​ സി.​എ​സ്. ഡ​യ​സ്​ പ​റ​ഞ്ഞു. തെ​രു​വു​നാ​യ് ശ​ല്യം നി​യ​ന്ത്രി​ക്ക​ണ​മെ​ന്നാ​വ​ശ്യ​പ്പെ​ട്ട് തി​രു​വ​ന​ന്ത​പു​ര​ത്തെ നി​യ​മ​വി​ദ്യാ​ർ​ഥി​നി കീ​ർ​ത്ത​ന സ​രി​ൻ അ​ട​ക്കം സ​മ​ർ​പ്പി​ച്ച ഹ​ര​ജി​ക​ൾ പ​രി​ഗ​ണി​ക്ക​വെ​യാ​ണ്​ കോ​ട​തി രൂ​ക്ഷ​മാ​യി പ്ര​തി​ക​രി​ച്ച​ത്.

ക​ണ്ണൂ​രി​ൽ പ​ട്ടി​ക​ടി​യേ​റ്റ കു​ട്ടി പ്ര​തി​രോ​ധ​മ​രു​ന്ന് കു​ത്തി​വെ​ച്ചി​ട്ടും മ​രി​ച്ചു. ഗു​രു​ത​ര രോ​ഗം ബാ​ധി​ച്ച നാ​യ്​​ക്ക​ളെ ദ​യാ​വ​ധം ചെ​യ്യാ​നു​ള്ള തീ​രു​മാ​ന​മൊ​ന്നും പ്ര​ശ്ന​പ​രി​ഹാ​ര​മ​ല്ല. തെ​രു​വു​നാ​യ്ക്ക​ളു​ടെ സം​ര​ക്ഷ​ണം മൃ​ഗ​സ്നേ​ഹി​ക​ളെ ഏ​ൽ​പി​ക്കു​ന്ന​തി​നെ​ക്കു​റി​ച്ച്​ ആ​ലോ​ചി​ക്കേ​ണ്ട​താ​ണ്. അ​സോ​സി​യേ​ഷ​ൻ രൂ​പ​വ​ത്​​ക​രി​ക്കാ​ൻ കേ​സി​ൽ ക​ക്ഷി​ചേ​ർ​ന്ന മൃ​ഗ​സ്നേ​ഹി​ക​ളോ​ട് കോ​ട​തി നി​ർ​ദേ​ശി​ക്കു​ക​യും ചെ​യ്തു.

നി​ങ്ങ​ൾ​ക്ക്​ പ​ട്ടി​ക​ടി​യേ​റ്റി​ട്ടു​​​ണ്ടോ​യെ​ന്നും ഇ​തേ ക​ക്ഷി​യു​ടെ അ​ഭി​ഭാ​ഷ​ക​നോ​ട്​ കോ​ട​തി ചോ​ദി​ച്ചു. തെ​രു​വു​നാ​യ്ക്ക​ൾ ക​ടി​ച്ചാ​ൽ ത​ദ്ദേ​ശ​സ്ഥാ​പ​ന സെ​ക്ര​ട്ട​റി​യാ​കും ഉ​ത്ത​ര​വാ​ദി. മ​നു​ഷ്യ​ൻ മൃ​ഗ​ങ്ങ​ളെ ക​ടി​ച്ചാ​ൽ മാ​ത്ര​മ​ല്ല, മൃ​ഗ​ങ്ങ​ൾ ക​ടി​ച്ചാ​ലും കേ​സെ​ടു​ക്ക​ണം. തെ​രു​വു​നാ​യ്​ ക​ടി​ച്ചാ​ൽ എ​ഫ്.​ഐ.​ആ​ർ എ​ടു​ക്കാ​ൻ നി​ർ​ദേ​ശി​ക്കും. സം​സ്ഥാ​ന പൊ​ലീ​സ് മേ​ധാ​വി​യെ ക​ക്ഷി​ചേ​ർ​ക്കാ​നും കോ​ട​തി ആ​വ​ശ്യ​പ്പെ​ട്ടു.

നാ​യ്​​ക്ക​ളു​ടെ എ​ണ്ണം സം​സ്ഥാ​ന​ത്ത്​ പെ​രു​കു​ക​യാ​ണ്. 50 ല​ക്ഷം തെ​രു​വു​നാ​യ്​​ക്ക​ളെ​ങ്കി​ലും ഉ​ണ്ടാ​കും. ആ​റു​മാ​സ​ത്തി​ന​കം ഒ​രു​ല​ക്ഷ​ത്തോ​ളം പേ​രെ​യെ​ങ്കി​ലും ഇ​വ ക​ടി​ച്ചി​ട്ടു​ണ്ട്. 16 പേ​രെ​ങ്കി​ലും മ​രി​ച്ചു. എ​ന്നാ​ൽ, ര​ണ്ട് മു​ത​ൽ മൂ​ന്ന് ല​ക്ഷം തെ​രു​വു​നാ​യ്​​ക്ക​ൾ മാ​ത്ര​മേ സം​സ്ഥാ​ന​ത്തു​ള്ളൂ​വെ​ന്ന് സ​ർ​ക്കാ​റി​ന്​ വേ​ണ്ടി അ​ഡീ​ഷ​ന​ൽ അ​ഡ്വ​ക്ക​റ്റ് ജ​ന​റ​ൽ അ​റി​യി​ച്ചു. ക​ണ​ക്ക് ശ​രി​യാ​ണെ​ന്ന് ക​രു​തു​ന്നി​ല്ലെ​ന്ന്​ കോ​ട​തി​യും പ​റ​ഞ്ഞു.

തെ​രു​വു​നാ​യ്​ ആ​ക്ര​മ​ണ​ത്തി​ന് ഇ​ര​യാ​കു​ന്ന​വ​ർ​ക്ക് ന​ഷ്ട​പ​രി​ഹാ​രം ന​ൽ​കു​ന്ന​തി​നു​ള്ള അ​പേ​ക്ഷ​ക​ൾ പ​രി​ഗ​ണി​ച്ച് തീ​രു​മാ​ന​മെ​ടു​ക്കാ​നു​ള്ള ചു​മ​ത​ല ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി​ക്ക്​ ന​ൽ​കാ​നും ജ​സ്റ്റി​സ് സി​രി​ജ​ഗ​ൻ ക​മ്മി​റ്റി​യു​ടെ പ്ര​വ​ർ​ത്ത​നം അ​വ​സാ​നി​പ്പി​ക്കാ​നു​മു​ള്ള തീ​രു​മാ​നം കോ​ട​തി അം​ഗീ​ക​രി​ച്ചു. ന​ഷ്ട​പ​രി​ഹാ​രം തേ​ടി സി​രി​ജ​ഗ​ൻ ക​മ്മി​റ്റി​ക്ക്​ ന​ൽ​കി​യ അ​പേ​ക്ഷ​ക​ളി​ൽ 1000 എ​ണ്ണ​ത്തി​ൽ മാ​ത്ര​മാ​ണ്​ തീ​രു​മാ​ന​മെ​ടു​ത്ത​ത്.

സി​രി​ജ​ഗ​ൻ ക​മ്മി​റ്റി സ്വീ​ക​രി​ച്ച മാ​ന​ദ​ണ്ഡ​ങ്ങ​ൾ പ്ര​കാ​രം ന​ഷ്ട​പ​രി​ഹാ​ര​ത്തി​ന്റെ കാ​ര്യ​ത്തി​ൽ പു​തി​യ ക​മ്മി​റ്റി​യും തീ​രു​മാ​ന​മെ​ടു​ക്ക​ണം. ഈ ​വ​ർ​ഷം ഇ​തു​വ​രെ തെ​രു​വു​നാ​യ്​​ക്ക​ൾ എ​ത്ര​പേ​രെ ക​ടി​ച്ചു, എ​ത്ര​പേ​ർ മ​രി​ച്ചു, സം​സ്ഥാ​ന​ത്ത് എ​ത്ര തെ​രു​വു​നാ​യ്​​ക്ക​ളു​ണ്ട്, എ​ത്ര ഷെ​ൽ​ട്ട​ർ റൂ​മു​ക​ൾ നി​ർ​മി​ച്ചു തു​ട​ങ്ങി​യ വി​വ​ര​ങ്ങ​ൾ പ​ത്തു​ദി​വ​സ​ത്തി​ന​കം അ​റി​യി​ക്കാ​ൻ നി​ർ​ദേ​ശി​ച്ച കോ​ട​തി, ഹ​ര​ജി ആ​ഗ​സ്റ്റ്​ 11ന്​ ​വീ​ണ്ടും പ​രി​ഗ​ണി​ക്കാ​ൻ മാ​റ്റി.