ഡ്രൈ​വി​ങ്​ ടെ​സ്റ്റ് പ​രി​ഷ്കാ​രം ഭാ​ഗി​ക​മാ​യി റ​ദ്ദാ​ക്കി ഹൈ​കോ​ട​തി

കൊ​ച്ചി: ഡ്രൈ​വി​ങ്​ ടെ​സ്റ്റ്​ ക​ർ​ശ​ന​മാ​ക്കി സ​ർ​ക്കാ​ർ കൊ​ണ്ടു​വ​ന്ന പ​രി​ഷ്കാ​ര​ങ്ങ​ൾ ഹൈ​കോ​ട​തി ഭാ​ഗി​ക​മാ​യി റ​ദ്ദാ​ക്കി. ഓ​ട്ടോ​മാ​റ്റി​ക് ഗി​യ​ർ, വൈ​ദ്യു​തി വാ​ഹ​ന​ങ്ങ​ള​ട​ക്കം ഡ്രൈ​വി​ങ്​ ടെ​സ്റ്റി​ന് ഉ​പ​യോ​ഗി​ക്കാ​നാ​വി​ല്ല, 18 വ​ർ​ഷ​ത്തി​ലേ​റെ പ​ഴ​ക്ക​മു​ള്ള വാ​ഹ​ന​ങ്ങ​ൾ ടെ​സ്റ്റി​ന് ഉ​പ​യോ​ഗി​ക്കാ​നാ​വി​ല്ല എ​ന്ന​ത​ട​ക്കം നി​ർ​ദേ​ശ​ങ്ങ​ളാ​ണ് ജ​സ്റ്റി​സ് എ​ൻ. ന​ഗ​രേ​ഷ് റ​ദ്ദാ​ക്കി​യ​ത്.

ഡ്രൈ​വി​ങ്​ സ്കൂ​ളു​ക​ൾ പ്ര​വ​ർ​ത്തി​ക്കു​ന്ന​ത് കേ​ന്ദ്ര മോ​ട്ടോ​ർ വാ​ഹ​ന നി​യ​മ​ത്തി​ന്റെ​യും ച​ട്ട​ത്തി​ന്റെ​യും അ​ടി​സ്ഥാ​ന​ത്തി​ലാ​ണെ​ന്നും ഇ​തി​ന് വി​രു​ദ്ധ​മാ​യി സം​സ്ഥാ​ന സ​ർ​ക്കാ​റോ ഗ​താ​ഗ​ത ക​മീ​ഷ​ണ​റോ പു​റ​പ്പെ​ടു​വി​ക്കു​ന്ന ഉ​ത്ത​ര​വു​ക​ൾ നി​ല​നി​ൽ​ക്കി​ല്ലെ​ന്നും വി​ല​യി​രു​ത്തി​യാ​ണ് ഉ​ത്ത​ര​വ്.

അ​തേ​സ​മ​യം, കേ​ന്ദ്ര നി​യ​മ​ത്തി​ന് വി​രു​ദ്ധ​മ​ല്ലാ​ത്ത നി​ർ​ദേ​ശ​ങ്ങ​ൾ കോ​ട​തി ശ​രി​വെ​ക്കു​ക​യും ചെ​യ്തു. ഡ്രൈ​വി​ങ്​ ലൈ​സ​ൻ​സ് ടെ​സ്റ്റ് കാ​ര്യ​ക്ഷ​മ​മാ​ക്കു​ന്ന​തി​ന്റെ പേ​രി​ൽ സം​സ്ഥാ​ന സ​ർ​ക്കാ​ർ 2024 ഫെ​ബ്രു​വ​രി 21ന് ​പു​റ​പ്പെ​ടു​വി​ച്ച സ​ർ​ക്കു​ല​ർ ചോ​ദ്യം​ചെ​യ്ത് ഡ്രൈ​വി​ങ്​ സ്കൂ​ൾ ഉ​ട​മ​ക​ൾ ന​ൽ​കി​യ ഹ​ര​ജി​ക​ളാ​ണ് കോ​ട​തി പ​രി​ഗ​ണി​ച്ച​ത്.

ആ​ദ്യം 15 വ​ർ​ഷ​ത്തി​ലേ​റെ പ​ഴ​ക്ക​മു​ള​ള വാ​ഹ​ന​ങ്ങ​ൾ ഉ​പ​യോ​ഗി​ക്കാ​നാ​കി​ല്ല എ​ന്നാ​യി​രു​ന്നു സ​ർ​ക്കാ​ർ നി​ർ​ദേ​ശം. ഇ​തി​ൽ ഭേ​ദ​ഗ​തി​വ​രു​ത്തി​യാ​ണ് 18 വ​ർ​ഷ​മാ​യി ഉ​യ​ർ​ത്തി​യ​ത്.