ജയിലിലെ ഫോൺവിളി ശ്ര​ദ്ധ​യി​ൽ​പെ​ട്ടി​ട്ടില്ലെന്ന്​: സഭയിൽ മുഖ്യമന്ത്രിയുടെ ഒളിച്ചുകളി

തി​രു​വ​ന​ന്ത​പു​രം: വി​യ്യൂ​ർ സെ​ൻ​ട്ര​ൽ ജ​യി​ലി​ലെ ത​ട​വു​കാ​രു​ടെ ഫോ​ൺ​വി​ളി​യു​മാ​യി ബ​ന്ധ​പ്പെ​ട്ടു​ള്ള ചോ​ദ്യ​ത്തി​ൽ നി​യ​മ​സ​ഭ​യി​ൽ ഒ​ളി​ച്ചു​ക​ളി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഫോ​ൺ​വി​ളി​യു​മാ​യി ബ​ന്ധ​പ്പെ​ട്ട് എ​ൽ​ദോ​സ് പി. ​കു​ന്ന​പ്പള്ളി, കെ.​കെ. ര​മ, സി.​ആ​ർ. മ​ഹേ​ഷ്, ഐ.​സി. ബാ​ല​കൃ​ഷ്ണ​ൻ എ​ന്നി​വ​ർ ഉ​ന്ന​യി​ച്ച ചോ​ദ്യ​ത്തി​ൽ ഭ​ര​ണ​പ​ക്ഷ രാ​ഷ്​​ട്രീ​യ പാ​ർ​ട്ടി​ക​ളു​മാ​യി ആ​ഭി​മു​ഖ്യം പു​ല​ർ​ത്തു​ന്ന ത​ട​വു​കാ​ർ​ക്ക് മൊ​ബൈ​ൽ​ഫോ​ൺ അ​ട​ക്ക​മു​ള്ള സൗ​ക​ര്യം ല​ഭി​ക്കു​ന്ന​താ​യു​ള്ള ആ​ക്ഷേ​പം ശ്ര​ദ്ധ​യി​ൽ​പെ​ട്ടി​ട്ടി​ല്ലെ​ന്ന മ​റു​പ​ടി​യാ​ണ് മു​ഖ്യ​മ​ന്ത്രി ന​ൽ​കി​യ​ത്.

എ​ന്നാ​ൽ ത​ട​വു​കാ​രി​ൽ ചി​ല​ർ 'ജ​യി​ലി​നു​ള്ളി​ൽ പാ​ലി​ക്കേ​ണ്ട ച​ട്ട​ങ്ങ​ൾ' ലം​ഘി​ച്ച​തിെ​ന തു​ട​ർ​ന്ന് ജ​യി​ൽ സൂ​പ്ര​ണ്ടി​നെ അ​ന്വേ​ഷ​ണ​വി​ധേ​യ​മാ​യി സ​സ്പെ​ൻ​ഡ് ചെ​യ്തെ​ന്നും ഡെ​പ്യൂ​ട്ടി പ്രി​സ​ൺ ഓ​ഫി​സ​ർ, ജോ​യ​ൻ​റ് സൂ​പ്ര​ണ്ട് എ​ന്നി​വ​രെ സ്ഥ​ലം മാ​റ്റി​യെ​ന്നും മു​ഖ്യ​മ​ന്ത്രി അ​റി​യി​ച്ചു.

ടി.​പി കൊ​ല​ക്കേ​സ് പ്ര​തി കൊ​ടി സു​നി​യും ഫ്ലാ​റ്റ് കൊ​ല​ക്കേ​സ് പ്ര​തി റ​ഷീ​ദും വി​യ്യൂ​ർ സെ​ൻ​ട്ര​ൽ ജ​യി​ലി​ൽ ഉ​ദ്യോ​ഗ​സ്ഥ​രു​ടെ സ​ഹാ​യ​ത്തോ​ടെ ആ​യി​ര​ത്തി​ല​ധി​കം ത​വ​ണ പു​റ​ത്തേ​ക്ക് വി​ളി​ച്ച​താ​യി ഉ​ത്ത​ര​മേ​ഖ​ല ഡി.​ജി.​പി ക​ണ്ടെ​ത്തി​യി​രു​ന്നു. ഇ​തിെൻറ അ​ടി​സ്ഥാ​ന​ത്തി​ലാ​ണ് സൂ​പ്ര​ണ്ട് അ​ട​ക്ക​മു​ള്ള​വ​ർ​ക്കെ​തി​രെ ന​ട​പ​ടി​യെ​ടു​ത്ത​ത്. പ​ക്ഷേ ഇ​ത് 'അം​ഗീ​ക​രി​ക്കാ​ൻ' മു​ഖ്യ​മ​ന്ത്രി ത​യാ​റാ​യി​ല്ല.

ചോ​ദ്യ​ത്തി​ൽ പ​ല​ത​വ​ണ ഫോ​ൺ​വി​ളി​യു​മാ​യി ബ​ന്ധ​പ്പെ​ട്ട പ​രാ​മ​ർ​ശ​മു​ണ്ടാ​യി​രു​ന്നെ​ങ്കി​ലും ഉ​ത്ത​ര​ത്തി​ൽ ഒ​രു​ത​വ​ണ​പോ​ലും ഫോ​ൺ​വി​ളി​യു​മാ​യി ബ​ന്ധ​പ്പെ​ട്ടാ​ണ് ന​ട​പ​ടി​യെ​ന്ന് പ​റ​യാ​ൻ മു​ഖ്യ​മ​ന്ത്രി ത​യാ​റാ​യി​ല്ല. ഫോ​ൺ​വി​ളി​യു​മാ​യി ബ​ന്ധ​പ്പെ​ട്ട് ഉ​ത്ത​ര​മേ​ഖ​ല ജ​യി​ൽ ഡി.​ഐ.​ജി വ​കു​പ്പു​ത​ല അ​ന്വേ​ഷ​ണം ന​ട​ത്തി​യി​രു​ന്നോ എ​ന്ന ചോ​ദ്യ​ത്തി​ന് ജ​യി​ലി​ലെ അ​ച്ച​ട​ക്ക​ലം​ഘ​ന​വും അ​തി​ൽ ഉ​ദ്യോ​ഗ​സ്ഥ​രു​ടെ പ​ങ്കും സം​ബ​ന്ധി​ച്ച് അ​ന്വേ​ഷ​ണം ന​ട​ത്തി​യി​രു​ന്നു​വെ​ന്ന മ​റു​പ​ടി​യാ​ണ് മു​ഖ്യ​മ​ന്ത്രി ന​ൽ​കി​യ​ത്.