കന്യാസ്​ത്രീക്ക് സ്ഥലവും മഠവും വാഗ്ദാനം ചെയ്ത വൈദികനെതിരെ കേസെടുത്തു

കൊച്ചി: ജലന്ധർ ബിഷപ് ഫ്രാങ്കോ മുളക്കലിനെതിരായ പീഡനക്കേസിൽ ഒത്തുതീർപ്പ് നീക്കം നടത്തിയ സി.എം.​െഎ സന്യാസി സമൂഹത്തിലെ മുതിർന്ന വൈദികനും മുൻ പ്രോവിൻഷ്യാലുമായ ഫാദര്‍ ജയിംസ് എര്‍ത്തയിലി​​​നെതിരെ കേസെടുത്തു. പാല ഒന്നാം ക്ലാസ് ജുഡിഷ്യൽ മജിസ്ട്രേറ്റിന്‍റെ നിർദേശ പ്രകാരം കുറവിലങ്ങാട് പൊലീസാണ് കേസെടുത്തത്. പാരിതോഷികം വാഗ്​ദാനം ചെയ്യൽ, മരണഭയം ഉളവാക്കുന്ന തരത്തിലെ ഭീഷണി, ഫോൺവഴി ഭീഷണി എന്നീ വകുപ്പുകൾ പ്രകാരമാണ്​ കേസ്​. 

അതിനിടെ, എര്‍ത്തയിലി​​​നെതിരെ സഭയും നടപടിയെടുത്തു. കുര്യനാട് ആശ്രമത്തിന്‍റെ ചുമതലയിൽ നിന്ന് ഫാ. ജയിംസ് എര്‍ത്തയിലി​​​നെ സി.എം.ഐ സഭ നീക്കി. ആശ്രമത്തിന്‍റെ പ്രിയോർ, സ്കൂളുകളുടെ മാനേജർ എന്നീ പദവികളിൽ നിന്ന് നീക്കപ്പെട്ട വൈദികനോട് ഫോൺ ശബ്​ദരേഖയെ കുറിച്ച് വിശദീകരണം ചോദിക്കാനും സഭ തീരുമാനിച്ചിട്ടുണ്ട്. സഭയുടെ കീഴിലുള്ള ഇടുക്കിയിലെ സ്ഥാപനത്തിലേക്കാണ് വൈദികനെ നീക്കിയത്. 

പരാതിക്കാരിയെ പിന്തുണക്കുന്ന കന്യാസ്​ത്രീയെ സ്വാധീനിക്കാൻ​ ശ്രമിക്കുന്ന ഫാ. ജയിംസ് എര്‍ത്തയിലി​​​ന്‍റെ ഫോൺ ശബ്​ദരേഖ അവരുടെ ബന്ധുക്കൾ ഞായറാഴ്ച പുറത്തുവിട്ടിരുന്നു. കാഞ്ഞിരപ്പള്ളിയിലോ റാന്നിയിലോ 10 ഏക്കർ സ്ഥലം വാങ്ങി മഠം നിർമിച്ചു നൽകാമെന്നതടക്കം 11 മിനിറ്റ്​ നീളുന്ന സംഭാഷണമാണ്​ പുറത്തു വന്നത്​. കേസിലെ മുഖ്യസാക്ഷിയായ കുറവിലങ്ങാട്​ മഠത്തിലെ സിസ്​റ്റർ അനുപമക്കാണ്​ വാഗ്​ദാനങ്ങൾ നൽകിയത്​. കേസ്​ ​ഒത്തുതീർക്കാൻ നീക്കങ്ങൾ നടക്കുന്നുവെന്ന്​ പൊതുസമൂഹത്തെ ബോധ്യപ്പെടുത്താനാണ്​​ മുതിർന്ന വൈദിക​​​​​​​െൻറ സംഭാഷണം പുറത്തുവിട്ടതെന്ന്​ അനുപമയു​െട ബന്ധുക്കൾ പറഞ്ഞത്. 

ഫോണിൽ ‘‘അവർ എന്തും ചെയ്യാനുള്ള ഒരുക്കത്തിലാണെന്ന്​ അറിയാമ​േ​ല്ലാ’’യെന്ന്​ പറയുന്ന വൈദികൻ, ‘‘വീട്ടിലേക്ക്​ തിരിച്ചുപോയാൽ സ്വീകരിക്കുമെന്നൊക്കെ അവർ ​പറയുന്നത്​ ശരിയായിരിക്കാം. എല്ലാവർക്കും അങ്ങനെയായിരിക്കില്ല. ഞാൻ നേ​ര​േത്ത ഒരു നിർദേശം പറഞ്ഞിരുന്നില്ലേ, കുറച്ച്​ സ്ഥലം വാങ്ങി പുതിയൊരു മഠം നിർമിച്ച്​ സുരക്ഷിതമായി അങ്ങോട്ട്​​ മാറാം. നിങ്ങൾ ഉറച്ചുനിന്നാൽ ഇതിനു​ കഴിയില്ല. നന്നായി ചിന്തിച്ചുവേണം നീങ്ങാൻ.

നിങ്ങളുടെ സന്യാസിനി സഭയു​െട ഭാഗമായി ആ​ന്ധ്രയിലേക്കോ ഒഡിഷയിലേക്കോ പോയാൽ വീണ്ടും ഭീഷണിവരാൻ സാധ്യതയുണ്ട്​. ​വേറെ എവിടെയെങ്കിലും  പോയാൽ പ്രശ്​നമില്ല. നിങ്ങൾ അങ്ങനെ ചിന്തിക്കണമെന്നാണ്​ പറയുന്നത്​. നിങ്ങൾ പോസ്​റ്റിവായി ചിന്തിച്ചാൽ ഞാൻ എനിക്കാവുന്ന സഹായം ചെയ്യാം. ചില നല്ല മനുഷ്യർ സ്ഥലം അടക്കം നൽകാമെന്ന്​ പറഞ്ഞിട്ടുണ്ട്​. എന്നോട്​ ആരും പറഞ്ഞിട്ടില്ല. എന്നെ ആരും വിളിച്ചിട്ടുമില്ല. ചിലർ പറയുന്നത്​ കേട്ടു​. ബിഷപ്പുമാരുടെ സഹായവും ലഭിക്കും. സുരക്ഷിതമായി കഴിയാം. നാളെ നടക്കുമെന്നല്ല, അതി​േൻറതായ സമയമുണ്ടല്ലോ. സ്വത​ന്ത്രമായി വേറെ നല്ലൊരു നല്ലൊരു കെട്ടിടം സ്ഥാപിച്ച്​ മുന്നോട്ടു പോകാനാകും.

എതെങ്കിലും തരത്തിൽ ​പിൻമാറിയാൽ ഇതൊക്കെ നടക്കും. വെറുതെ വിടാനല്ല. ഒരു അരിശം വന്നപ്പോൾ കിണറ്റിൽചാടി, അവിടെ കിടന്ന്​ എഴുതവണ​ അരിശ​െപ്പട്ടിട്ടും തിരിച്ച്​ കയറാനാകില്ലെന്നല്ലേ പഴഞ്ചൊല്ല്​’’ -എന്നും ഒാർമിപ്പിക്കുന്നുണ്ട്​. എന്നാൽ, കേസ്​ പിൻവലിക്കില്ലെന്നും ശക്തമായിട്ട്​​ നിൽക്കുകയാണെന്നുമായിരുന്നു കന്യാസ്​ത്രീയുടെ പ്രതികരണം. ഒരാളു​െട ജീവിത​ംെവച്ച്​ കളിക്കില്ലെന്നും ഇവർ പറയുന്നു.

അതേസമയം, വാഗ്ദാനങ്ങളുമായി കന്യാസ്ത്രീയെ വിളിച്ചത് സ്വന്തം നിലക്കാണെന്നും ആരും പറഞ്ഞിട്ടല്ലെന്നും  സി.എം.ഐ സഭയിലെ മുൻ പ്രോവിൻഷ്യാലും രാഷ്​ട്ര ദീപികയുടെ മുൻ ചെയർമാനുമായ ഫാ. ജയിംസ് ഏർത്തയില്‍ അറിയിച്ചു.വാഗ്ദാനങ്ങളിൽ വീഴില്ലെന്നും കന്യാസ്ത്രീ മടങ്ങി വരേണ്ട ഗതികേടുണ്ടായാൽ സംരക്ഷിക്കുമെന്നും സിസ്​റ്റർ അനുപമയുടെ പിതാവ് വർഗീസും മാധ്യമങ്ങ​േളാട്​ പറഞ്ഞു. ശബ്​ദരേഖ തെളിവായി പൊലീസിന്​ കൈമാറിയിട്ടുണ്ട്.