കന്യാസ്​ത്രീയുടെ ചിത്രം പ്രചരിപ്പിച്ചത്​ നാണ​ം കെടുത്താനെന്ന്​​ സഹോദരൻ

കോട്ടയം: ജലന്ധർ ബിഷപ്പ്​ ഫ്രാ​േങ്കാ മുളക്കലിനെതിരെ പീഡനപരാതി ഉന്നയിച്ച കന്യാസ്​​ത്രീയുടെ ചിത്രം പ്രചരിപ്പിച്ച​ത്​ നാണം കെടുത്താനെന്ന്​​ സഹോദരൻ. കന്യാസ്​ത്രീയെ കുറ്റപ്പെടുത്തിയുള്ള മിഷനറീസ്​ ഒാഫ്​ ജീസസ്​ സന്യാസിനി സമൂഹത്തി​​​​​​​െൻറ അന്വേഷണ കമീഷൻ റിപ്പോർട്ട്​ പ്രസിദ്ധീകരിച്ചതിന്​ പിന്നാലെയാണ്​ സഹോദര​​​​​​​െൻറ പ്രതികരണം.

ത​​​​​​​െൻറ സഹോദരിയെ വീണ്ടും അപമാനിക്കാനുള്ള ശ്രമങ്ങളാണ്​ മിഷണറീസ്​ ഒാഫ്​ ജീസസ്​ നടത്തുന്നത്​. ബിഷപ്പിനെതിരായ പരാതി​ അന്വേഷിക്കാൻ വത്തിക്കാൻ സമിതിയെ രൂപീകരിച്ചെന്നത്​ തെറ്റായ വാർത്തയാണെന്ന്​​ വിശ്വസിക്കുന്നു​.

നടപടിയെടുക്കാൻ സാധാരണഗതിയിൽ 2-3 ദിവസം വേണം. മാർപാപ്പക്കു മുന്നിൽ വിഷയം എത്തിക്കുകയാണ്​ വേണ്ടതെങ്കിൽ അതവർക്ക്​ ഇന്ന്​ തന്നെ ചെയ്യാവുന്നതാണ്​. അവരങ്ങനെ ചെയ്​തിരുന്നുവെങ്കിൽ കേസുമായി ബന്ധപ്പെട്ടവരെ വത്തിക്കാൻ വിവരമറിയിക്കുമായിരുന്നു. ഇതുവരെ അത്തരത്തിലൊരു കത്ത്​ വത്തിക്കാനിൽ നിന്ന്​ കിട്ടിയിട്ടില്ല. ഇൗയൊരു സാഹചര്യത്തിൽ ഇത്​ തെറ്റായ വാർത്തയാണെന്നാണ്​ വിശ്വാസമെന്നും പുരോഹിതൻ കൂടിയായ കന്യാസ്​ത്രീയുടെ സഹോദരൻ പറഞ്ഞു.

കന്യാസ്​ത്രീയു​െട ചിത്രം പ്രചരിപ്പിച്ചവർക്കെതിരെ വനിത കമീഷൻ കേസെടുത്തു
കോട്ടയം: ജലന്ധർ ബിഷപ്പ്​ ഫ്രാ​േങ്കാ മുളയ്​ക്കലിനെതിരെ പരാതി നൽകിയ കന്യാസ്​ത്രീയു​െട ചിത്രം പ്രചരിപ്പിച്ചവർക്കെതിരെ വനിത കമീഷൻ സ്വമേധയാ കേസെടുത്തു. കമീഷൻ അധ്യക്ഷ എം.സി.ജോസഫൈ​​​​​​െൻറ നിർദേശപ്രകാരമാണ്​ നടപടി. മിഷണറീസ് ഓഫ് ജീസസ് സന്ന്യാസി സഭയാണ്​ കഴിഞ്ഞദിവസം കന്യാസ്ത്രീയുടെ ഫോട്ടോ പുറത്തുവിട്ടത്​. സംഭവത്തിൽ നേ​രത്തെ പൊലീസും കേസെടുത്തിരുന്നു.

സഭാ നടപടി പൊലീസ്​ റിപ്പോർട്ടിനു​ ശേഷം -സി.ബി.സി.​െഎ
ന്യൂഡൽഹി: ജലന്ധർ ബിഷപ്​​ പീഡിപ്പിച്ചെന്ന കന്യാസ്​ത്രീയുടെ പരാതിയിൽ വിശദീകരണവുമായി കാത്തലിക്​ ബിഷപ്​സ്​ കോൺഫറൻസ്​ ഒാഫ്​ ഇന്ത്യ (സി.ബി.സി.​െഎ) എന്തു കൊണ്ടാണ്​ സി.ബി.സി.​െഎ മൗനം പാലിക്കുന്നതെന്ന്​ പലരും ചോദിക്കുന്നു. എന്നാൽ, മൗനം ആരുടെയും പക്ഷം ചേർന്നുള്ളതല്ല.

പൊലീസ്​ അന്വേഷണം നടത്തി റിപ്പോർട്ട്​ സമർപ്പിക്കുന്ന മുറക്ക്​ ഉത്തരവാദപ്പെട്ട സഭ അധികാരികൾ ഉചിതമായ തീരുമാനം എടുക്കും. സത്യം പുറത്തുവരാനും സഭ നേരിടുന്ന ബുദ്ധിമുട്ടുകളെ മറികടക്കാനും എല്ലാ വിശ്വാസികളും പ്രാർഥിക്കണ​മെന്നും സി.ബി.സി​.​െഎ പുറത്തിറക്കിയ വിശദീകരണകുറിപ്പിൽ ആവശ്യപ്പെടുന്നു.

ഫ്രാ​േങ്കാ മുളയ്​ക്കലിനെതിരെ നേര​േത്ത നടപടി സ്വീകരിക്കണമായിരുന്നു -സി.എസ്.ഐ സഭ
കോട്ടയം: ജലന്ധർ ബിഷപ് ഫ്രാ​േങ്കാ മുളയ്​ക്കലിനെതിരെ നേര​േത്ത നടപടി വേണമായിരുന്നുവെന്ന്​ സി.എസ്.ഐ സഭ മോഡറേറ്റർ ബിഷപ് തോമസ് കെ. ഉമ്മൻ. ബിഷപ്പിനെതിരായ നിയമ നടപടി വൈകരുതായിരുന്നു. പ്രാഥമിക അന്വേഷണത്തിന് ശേഷം നടപടി സ്വീകരിക്കുകയായിരുന്നു വേണ്ടിയിരുന്നത്​. അറസ്​റ്റ്​ ചെയ്യണമെങ്കിൽ ചെയ്യണം. നിയമത്തിന് ആരും അതീതരല്ല. നിയമ നടപടികൾ വൈകിയത് കാര്യങ്ങൾ വഷളാക്കിയെന്നും ബിഷപ്​ മാധ്യമങ്ങ​ളോട്​ പറഞ്ഞു.