ഗണേഷ്​കുമാർ പ്രതിയായ മർദനക്കേസ്: പരാതി പിൻവലിപ്പിക്കാൻ സമ്മർദം

അഞ്ചൽ: കെ.ബി. ഗണേഷ്​കുമാർ എം.എൽ.എ യുവാവിനെയും മാതാവി​െനയും മർദിക്കുകയും അസഭ്യം പറയുകയും ചെയ്ത സംഭവത്തിൽ പരാതി പിൻവലിപ്പിക്കാൻ സമ്മർദശ്രമം. അഞ്ചൽ അഗസ്ത്യക്കോട് സ്വദേശിയായ വീട്ടമ്മ അഞ്ചൽ പൊലീസിലും പുനലൂർ ഡിവൈ.എസ്.പിക്കും നൽകിയ പരാതി പിൻവലിപ്പിക്കാനാണ്​ ഉൗർജിത നീക്കം നടക്കുന്നത്​.

എൻ.എസ്.എസ് കരയോഗം വഴിയും വനിതാസംഘം വഴിയുമാണ് വീട്ടമ്മക്കു​മേൽ ആദ്യം സമ്മർദം ഉണ്ടായത്. എന്നാൽ, ഇതിന് വഴങ്ങാതെ വീട്ടമ്മയും മകനും നിലപാടിൽ ഉറച്ചുനിൽക്കുകയും മജിസ്ട്രേറ്റിന് മുന്നിലെത്തി രഹസ്യമൊഴി നൽകുകയും ചെയ്​തു. വനിതാ കമീഷനിലും പരാതി നൽകി. ഇതോടെ എം.എൽ.എയുടെ നില കൂടുതൽ പരുങ്ങലിലായി. ഈ സാഹചര്യത്തിലാണ്​ പരാതി പിൻവലിപ്പിക്കാൻ ശക്​തമായ സമ്മർദം ഗണേഷ്​കുമാറിനെ അനുകൂലിക്കുന്ന ഉന്നതരുടെ ഭാഗത്ത് നിന്ന്​ ഉണ്ടായത്​.

ഈ ദൗത്യവുമായി കഴിഞ്ഞദിവസങ്ങളിൽ അടുത്ത ചില ബന്ധുക്കൾ വീട്ടമ്മയെ വീട്ടിലെത്തി നേരിട്ടും ഫോണിലൂടെയും സംസാരിച്ചു. കൂടാതെ വിദേശത്തുള്ള ഭർത്താവിനെയും ബന്ധുക്കളിൽ ചിലരെയും ബന്ധപ്പെട്ട് സമ്മർദം ചെലുത്തുന്നുണ്ട്​. മക്കളുടെ ഭാവിയോർത്ത് പരാതിയിൽ നിന്ന്​ പിന്മാറണമെന്നും കേസി​​​െൻറ നൂലാമാലകളിൽ​െപട്ട് ഭാവി തകർക്കരുതെന്നുമാണ് ഉപദേശരൂപേണയുള്ള സമ്മർദം. ഇതോടൊപ്പം എൻ.എസ്​.എസ്​ നേതൃത്വത്തി​​​െൻറ ഇടപെടലും ഉള്ളതായാണ്​ സൂചന.

ഗണേഷുമായി അടുപ്പമുള്ള ചില ക്രിസ്ത്യൻ സഭാ മേലധ്യക്ഷന്മാരുടെ സമ്മർദവും ഈ വിഷയത്തിലുണ്ടായിട്ടുണ്ട്. കേസ് ഒത്തുതീർക്കാൻ 25 ലക്ഷം രൂപ നൽകാമെന്നും മാപ്പുപറയിക്കാമെന്നുമുള്ള വാഗ്ദാനമാണ്​ ചില മധ്യസ്​ഥർ മുന്നോട്ടുെവച്ചിട്ടുള്ളത്​. എന്നാൽ, ചില്ലിക്കാശുപോലും തങ്ങൾക്ക്​ ആവശ്യമില്ലെന്നും മാപ്പുപറഞ്ഞാൽ മതിയെന്നുമുള്ള നിലപാടിലാണ് വീട്ടമ്മയുടെ കുടുംബം.

സംഭവമറിഞ്ഞ് സ്​ഥലത്തെത്തിയ ഇവരുടെ ഭർത്താവ് ഗൾഫിലേക്ക്​​ നാളെ തിരിച്ചുപോകും. അതിനുമുമ്പ് പ്രശ്നം പരിഹരിക്കാനുള്ള ശ്രമമാണ്​ നടക്കുന്നത്​. ശക്​തമായ സമ്മർദം ഉണ്ടെന്ന്​ വീട്ടമ്മയുടെ ഭർത്താവ്​ സമ്മതിക്കുന്നുണ്ട്​. ചർച്ച വിജയിച്ചാൽ കേസ്​ പിൻവലിക്കുമെന്നും അദ്ദേഹം പറയുന്നു. അനുരഞ്​ജനത്തിന്​ വഴിയൊരുക്കി കേസിൽ മെ​െല്ലപ്പോക്ക്​ സമീപനമാണ്​ പൊലീസും സ്വീകരിച്ചിരിക്കുന്നത്.