മുഖ്യശത്രു ആരെന്ന്​ സി.പി.എം തീരുമാനിക്കണം -കെ.സി. വേണുഗോപാൽ

മലപ്പുറം: കോൺഗ്രസാണോ ബി.ജെ.പിയാണോ മുഖ്യശത്രുവെന്ന്​ സി.പി.എം തീരുമാനിക്കണമെന്ന്​ എ.​െഎ.സി.സി ജനറൽ ​െസക്രട്ടറി കെ.സി. വേണുഗോപാൽ എം.പി. മലപ്പുറം പ്രസ്​ ക്ലബി​​​െൻറ മീറ്റ്​ ദ പ്രസിൽ സംസാരിക്കുകയായിരുന്നു അദ്ദേഹം. കേരളത്തിൽ കോൺഗ്രസിനെ എതിർക്കുന്ന കാര്യം മനസ്സിലാക്കാം. എന്നാൽ, ബിഹാർ, തെലുങ്കാന, കർണാടക എന്നിവിടങ്ങളിലെല്ലാം സി.പി.എം തനിച്ച്​ മത്സരിക്കുന്നത്​ മതേതര വോട്ടുകൾ ഭിന്നിപ്പിക്കുന്നതിനാണ്​ ഉപകരിക്കുക. ഇൗ സംസ്ഥാനങ്ങളിൽ സി.പി.​െഎ കോൺഗ്രസിന്​ ഒപ്പമാ​ണെന്നും വേണുഗോപാൽ അഭിപ്രായപ്പെട്ടു.

ശബരിമലയിലെ സ്​ത്രീപ്രവേശനവുമായി ബന്ധപ്പെട്ട്​ സുപ്രീം കോടതി വിധി മാനിക്കേണ്ടി വരും. ഒ​ാരോ ക്ഷേത്രത്തിനും വ്യത്യസ്​ത ആചാരങ്ങളായിരിക്കും. പ്രത്യാഘാതം പൂർണമായി കണക്കിലെടുത്തുള്ള വിധിയാണോ എന്നറിയില്ല. ബി.ജെ.പിയുടെ കഴിഞ്ഞ നാലര വർഷത്തിനിടയിലെ ഭരണത്തിൽ വാഗ്​ദാനങ്ങളൊന്നും നടപ്പാക്കാനായിട്ടില്ല. കള്ളനോട്ട്​ നിയമവിധേയമായി എന്നത്​ മാത്രമാണ്​ നോട്ടുനിരോധനത്തി​​​െൻറ നേട്ടം. ഇന്ധനവില വർധന കുത്തനെ കയറുകയാണ്​.

രാജ്യത്തി​​​െൻറ ചരിത്രത്തിലെ പ്രതിരോധ രംഗത്തെ ഏറ്റവും വലിയ അഴിമതിയാണ്​ റഫാൽ കേസ്​. വിഷയത്തിൽ പ്രധാനമന്ത്രി നരേന്ദ്രമോദിക്ക്​ നേരിട്ട്​ പങ്കുണ്ട്​. വരാനിരിക്കുന്ന ലോക്​സഭ തെരഞ്ഞെടുപ്പിൽ പ്രധാന വിഷയമായിരിക്കും റഫാലെന്നും വേണുഗോപാൽ പറഞ്ഞു. എ.പി. അനിൽകുമാർ എം.എൽ.എ, ഡി.സി.സി പ്രസിഡൻറ്​ വി.വി. പ്രകാശ്​ എന്നിവർ സംബന്ധിച്ചു.