കീഴാറ്റൂർ സമരത്തിൽ പങ്കെടുത്ത 11 പേരെ സി.പി.എം പുറത്താക്കി

കണ്ണൂര്‍: കീഴാറ്റൂര്‍ സമരത്തില്‍ പങ്കെടുത്ത 11 പാര്‍ട്ടി അംഗങ്ങളെ സി.പി.എം പുറത്താക്കി. കീഴാറ്റൂര്‍ സെന്‍ട്രല്‍ ബ്രാഞ്ചിലെ ഒമ്പത് പേരെയും കീഴാറ്റൂര്‍  വടക്ക് ബ്രാഞ്ചിലെ രണ്ട് പേരെയുമാണ് പുറത്താക്കിയത്. 

സമരത്തിൽ പങ്കെടുത്തതിന് പാര്‍ട്ടി നേരത്തെ ഇവരോട് വിശദീകരണം ആവശ്യപ്പെട്ടിരുന്നു. എന്നാല്‍ ഇവരില്‍ രണ്ടു പേര്‍ മാത്രമാണ് വിശദീകരണം നല്‍കിയത്. ആ വിശദീകരണവും തൃപ്തികരമല്ലെന്ന് പാര്‍ട്ടി കണ്ടെത്തിയതിനെ തുടര്‍ന്നാണ് പുറത്താക്കല്‍ നടപടി.