‘കീം’ പട്ടിക റദ്ദാക്കിയതിനെതിരെ ഹൈ​കോ​ട​തിയിൽ സർക്കാർ; ‘വീ​ണ്ടും റാ​ങ്ക്​ പ​ട്ടി​ക ത​യാ​റാ​ക്കു​ന്നത് ​പ്ര​വേ​ശ​ന പ്ര​​ക്രി​യ​യെ ത​കി​ടം​മ​റി​ക്കും’

കൊ​ച്ചി: കീം ​വെ​യ്റ്റേ​ജ് സ്കോ​ർ നി​ർ​ണ​യ ഭേ​ദ​ഗ​തി റ​ദ്ദാ​ക്കി​യ സിം​ഗി​ൾ ബെ​ഞ്ച്​ ഉ​ത്ത​ര​വി​നെ​തി​​രെ സ​ർ​ക്കാ​ർ അ​പ്പീ​ൽ ഹ​ര​ജി ന​ൽ​കി. പ്ല​സ്​ ടു ​യോ​ഗ്യ​ത പ​രീ​ക്ഷ പാ​സ്സാ​യ​ത്​ ഏ​ത്​ ബോ​ർ​ഡി​ന്​ കീ​ഴി​ലാ​യാ​ലും പ്ര​വേ​ശ​ന പ​രീ​ക്ഷ​യു​ടെ മാ​ർ​ക്കി​നെ ബാ​ധി​ക്കാ​തി​രി​ക്കാ​നു​ള്ള ഏ​കീ​ക​ര​ണ പ്ര​ക്രി​യ​യു​ടെ ഭാ​ഗ​മാ​യി കൊ​ണ്ടു​ വ​ന്ന​താ​ണ്​ ഭേ​ദ​ഗ​തി​യെ​ന്ന്​ ചൂ​ണ്ടി​ക്കാ​ട്ടി​യാ​ണ്​ ഡി​വി​ഷ​ൻ ബെ​ഞ്ചി​ൽ അ​പ്പീ​ൽ സ​മ​ർ​പ്പി​ച്ച​ത്.

പ്ര​വേ​ശ​ന​പ​രീ​ക്ഷ ന​ട​പ​ടി​ക്ര​മ​ങ്ങ​ൾ തു​ട​ങ്ങി​യാ​ലും പ്രോ​സ്​​പെ​ക്ട​സി​ൽ മാ​റ്റം​ വ​രു​ത്താ​നു​ള്ള സ​ർ​ക്കാ​റി​ന്‍റെ അ​ധി​കാ​ര​ത്തെ ത​ള്ളി​ക്ക​ള​യു​ക​യാ​ണ്​ ചെ​യ്തി​ട്ടു​ള്ള​ത്. വീ​ണ്ടും റാ​ങ്ക്​ പ​ട്ടി​ക ത​യാ​റാ​ക്കു​ന്ന​ത​ട​ക്കം ന​ട​പ​ടി​ക​ൾ ​പ്ര​വേ​ശ​ന പ്ര​​ക്രി​യ​യെ ത​കി​ടം​മ​റി​ക്കു​മെ​ന്നും സിം​ഗി​ൾ​ബെ​ഞ്ച്​ ഉ​ത്ത​ര​വ്​ റ​ദ്ദാ​ക്ക​ണ​മെ​ന്നും അ​പ്പീ​ലി​ൽ ആ​വ​ശ്യ​പ്പെ​ടു​ന്നു.

അ​പ്പീ​ൽ തീ​ർ​പ്പാ​കും​വ​രെ സിം​ഗി​ൾ​ബെ​ഞ്ച്​ ഉ​ത്ത​ര​വ്​ സ്​​റ്റേ ചെ​യ്യ​ണ​മെ​ന്ന ആ​വ​ശ്യ​വും ഉ​ന്ന​യി​ച്ചി​ട്ടു​ണ്ട്. ജ​സ്റ്റി​സ് അ​നി​ൽ കെ. ​ന​രേ​​ന്ദ്ര​ൻ അ​ധ്യ​ക്ഷ​നാ​യ ഡി​വി​ഷ​ൻ ബെ​ഞ്ച്​ വ്യാ​ഴാ​ഴ്ച ഹ​ര​ജി പ​രി​ഗ​ണി​ച്ചേ​ക്കും.

കേ​ര​ള എ​ൻ​ജി​നീ​യ​റി​ങ് പ്ര​വേ​ശ​ന പ​രീ​ക്ഷ​ (കീം) ​വെ​യ്റ്റേ​ജ് സ്കോ​ർ നി​ർ​ണ​യ ഫോ​ർ​മു​ല​യി​ൽ ഭേ​ദ​ഗ​തി വ​രു​ത്തി​യ സ​ർ​ക്കാ​ർ ന​ട​പ​ടിയാണ് ഹൈ​കോ​ട​തി റ​ദ്ദാ​ക്കിയത്. ഇ​തി​ന്‍റെ അ​ടി​സ്ഥാ​ന​ത്തി​ൽ പ്ര​സി​ദ്ധീ​ക​രി​ച്ച റാ​ങ്ക്​ പ​ട്ടി​ക​ക്ക്​ പ​ക​രം ഫെ​ബ്രു​വ​രി 19ന്​ ​പു​റ​പ്പെ​ടു​വി​ച്ച പ്രോ​സ്​​പെ​ക്ട​സ്​ പ്ര​കാ​രം റാ​ങ്ക്​ പ​ട്ടി​ക ത​യാ​റാ​ക്കാ​നും ജ​സ്റ്റി​സ്​ ഡി.​കെ. സി​ങ്​ ഉ​ത്ത​ര​വി​ട്ടു. പ​രീ​ക്ഷ ന​ട​ത്തി ഫ​ല​പ്ര​ഖ്യാ​പ​ന​ത്തി​ന്​ ഒ​രു​മ​ണി​ക്കൂ​ർ മു​മ്പ്​ മാ​ത്രം പ്രോ​സ്​​പെ​ക്ട​സ്​ ഭേ​ദ​ഗ​തി ചെ​യ്ത​ത്​ സ്വേഛാ​പ​ര​വും നി​യ​മ​വി​രു​ദ്ധ​വും നീ​തീ​ക​ര​ണ​മി​ല്ലാ​ത്ത​തു​മാ​ണെ​ന്ന്​ വി​ല​യി​രു​ത്തി​യാ​ണ്​ ഉ​ത്ത​ര​വ്.

പു​തി​യ മാ​ർ​ക്ക് നി​ർ​ണ​യ​രീ​തി​ക്കെ​തി​രെ സി.​ബി.​എ​സ്.​ഇ സി​ല​ബ​സ്​ പ്ര​കാ​രം പ്ല​സ് ടു ​പൂ​ർ​ത്തി​യാ​ക്കി​യ കൊ​ച്ചി സ്വ​ദേ​ശി ഹ​ന ഫാ​ത്തി​മ അ​ഹി​ന​സ് അ​ട​ക്കം ഒ​രു​കൂ​ട്ടം വി​ദ്യാ​ർ​ഥി​ക​ളും നി​ല​വി​ലെ റാ​ങ്ക്​ പ​ട്ടി​ക നി​ല​നി​ർ​ത്ത​ണ​മെ​ന്നാ​വ​ശ്യ​പ്പെ​ട്ട്​ കേ​ര​ള സി​ല​ബ​സ് വി​ദ്യാ​ർ​ഥി​ക​ളും ന​ൽ​കി​യ ഹ​ര​ജി​ക​ളാ​ണ്​ കോ​ട​തി പ​രി​ഗ​ണി​ച്ച​ത്.

വൈ​കി​യ വേ​ള​യി​ൽ ന​ട​പ്പാ​ക്കി​യ പു​തി​യ ഫോ​ർ​മു​ല മൂ​ലം റാ​ങ്ക് പ​ട്ടി​ക​യി​ൽ പി​ന്ത​ള്ള​പ്പെ​ട്ട​താ​യി വ്യ​ക്ത​മാ​ക്കി​യാ​ണ്​ സി.​ബി.​എ​സ്.​ഇ, ഐ.​സി.​എ​സ്.​ഇ വി​ദ്യാ​ർ​ഥി​ക​ൾ കോ​ട​തി​യെ സ​മീ​പി​ച്ച​ത്. എ​ൻ​ട്ര​ൻ​സ്, പ്ല​സ്​ ടു ​പ​രീ​ക്ഷ​യു​ടെ മാ​ർ​ക്കു​ക​ൾ 50:50 അ​നു​പാ​ത​ത്തി​ൽ ക​ണ​ക്കാ​ക്കി​യും പ്ല​സ് ​ടു​വി​ന്​ ല​ഭി​ച്ച മാ​ർ​ക്കു​ക​ളി​ൽ ഓ​രോ വി​ഷ​യ​ത്തി​നും ന​ൽ​കു​ന്ന അ​നു​പാ​ത​ത്തി​ൽ മാ​റ്റം​വ​രു​ത്തി​യും ​ജൂ​ലൈ ഒ​ന്നി​ന്​ സ​ർ​ക്കാ​ർ പു​റ​പ്പെ​ടു​വി​ച്ച ഉ​ത്ത​ര​വാ​ണ്​ ഇ​വ​ർ ചോ​ദ്യം​ചെ​യ്ത​ത്.

ഫെ​ബ്രു​വ​രി 19ന്​ ​പു​റ​പ്പെ​ടു​വി​ച്ച പ്രോ​സ്​​പെ​ക്ട​സ്​ പ്ര​കാ​രം മാ​ത്​​സ്, ഫി​സി​ക്സ്, കെ​മി​സ്​​ട്രി വി​ഷ​യ​ങ്ങ​ൾ​ക്ക് 1:1:1 എ​ന്ന നി​ല​യി​ലാ​യി​രു​ന്ന അ​നു​പാ​തം യ​ഥാ​ക്ര​മം 5:3:2 എ​ന്നാ​യാ​ണ്​ മാ​റ്റി​യ​ത്. ജൂ​ലൈ ഒ​ന്നി​ന്​ വൈ​കീ​ട്ട്​ 4.48ന്​ ​ഇ​ത്ത​ര​ത്തി​ൽ പ്രോ​സ്​​പെ​ക്ട​സി​ൽ ഭേ​ദ​ഗ​തി വ​രു​ത്തി ഉ​ത്ത​ര​വി​ട്ട​തി​ന്​ തൊ​ട്ടു​പി​ന്നാ​ലെ ഒ​രു​മ​ണി​ക്കൂ​റി​നു​ശേ​ഷം 5.48നാ​ണ്​ പ്ര​വേ​ശ​ന പ​രീ​ക്ഷാ​ഫ​ലം​ പ്ര​ഖ്യാ​പി​ച്ച്​ റാ​ങ്ക്​ പ​ട്ടി​ക പ്ര​സി​ദ്ധീ​ക​രി​ച്ച​ത്. പ​രീ​ക്ഷ​ക്ക്​ ശേ​ഷ​മോ റാ​ങ്ക്​ പ​ട്ടി​ക പ്ര​ഖ്യാ​പി​ക്കു​ന്ന ദി​വ​സം പോ​ലു​മോ പ്രോ​സ്​​പെ​ക്ട​സി​ൽ മാ​റ്റം​വ​രു​ത്താ​ൻ വ​കു​പ്പു​ണ്ടെ​ന്നാ​യി​രു​ന്നു സ​ർ​ക്കാ​ർ അ​ഭി​ഭാ​ഷ​ക​ന്‍റെ​യും സം​സ്ഥാ​ന സി​ല​ബ​സ്​ വി​ദ്യാ​ർ​ഥി​ക​ളു​ടെ​യും വാ​ദം.