മദ്യനയം ബാർ കൊള്ളയെന്ന്​ യു.ഡി.എഫ്​

തിരുവനന്തപുരം: സംസ്​ഥാന സർക്കാറി​​​െൻറ പുതിയ മദ്യനയം ‘ബാർ കൊള്ള’യെന്ന്​ യു.ഡി.എഫ്​. പുതിയ നയത്തിലൂടെ വൻ അഴിമതിക്കാണ്​ വഴിതുറന്നതെന്നും ഇതിനെതിരെ ശക്​തമായ സമരപരിപാടികൾ ആരംഭിക്കുമെന്നും യു.ഡി.എഫ്​ യോഗത്തിനുശേഷം നടത്തിയ വാർത്തസമ്മേളനത്തിൽ പ്രതിപക്ഷനേതാവ്​ രമേശ്​ ചെന്നിത്തല അറിയിച്ചു. കഴിഞ്ഞ ഒരുവർഷവും എല്ലാ കാര്യങ്ങളിലും വ്യത്യസ്​താഭിപ്രായം പറഞ്ഞിരുന്ന സി.പി.​െഎ മദ്യനയത്തി​​​െൻറ കാര്യത്തിൽ സി.പി.എമ്മുമായി യോജിച്ചത്​ അവിശുദ്ധബന്ധത്തി​​​െൻറ ആഴം വ്യക്​തമാക്കുന്നു.

മദ്യവിഷയത്തിലെങ്കിലും കാനം രാജേന്ദ്രൻ സി.പി.എമ്മുമായി യോജിച്ചതിൽ സന്തോഷമുണ്ടെന്നും ​െചന്നിത്തല പരിഹസിച്ചു. ഇടതുസർക്കാറി​​​െൻറ മദ്യനയം സംസ്​ഥാനത്തെ വൻ തകർച്ചയിലേക്ക്​ നയിക്കും. സംസ്​ഥാനത്ത്​ വ്യാപകമായി മദ്യ​െമാഴുക്കുന്നതാണ്​ പുതിയ നയം. തെരഞ്ഞെടുപ്പുകാലത്ത്​ മദ്യലോബിയുമായി ഉണ്ടാക്കിയ അവിശുദ്ധ കൂട്ടുകെട്ട്​ യാഥാർഥ്യമാക്കുന്ന നയമാണ്​ ​പ്രഖ്യാപിച്ചത്​. മയക്കുമരുന്ന്​ പിടികൂടുന്നതിൽ സർക്കാർ ബോധപൂർവം അലംഭാവം കാട്ടി ബാറുകൾ തുറക്കാൻ കാരണം കണ്ടെത്തുകയായിരുന്നു. ടൂറിസ്​റ്റുകളുടെ വരവിലും വർധനയുണ്ടായിട്ടുണ്ട്​. പുതിയ മദ്യനയത്തിനെതിരെ ശക്​തമായ സമരം യു.ഡി.എഫ്​ ആരംഭിക്കും.

തിങ്കളാഴ്​ച​ യു.ഡി.എഫ്​ ജില്ല കമ്മിറ്റികൾ വിളിച്ചുചേർക്കും. 15ന്​ സംസ്​ഥാന സർക്കാറി​​​െൻറ മദ്യനയത്തിനും കേന്ദ്രസർക്കാറി​​​െൻറ കശാപ്പു നിയന്ത്രണത്തിനുമെതിരെ ബഹുജന കൂട്ടായ്​മ സംഘടിപ്പിക്കും. മദ്യനയവുമായി ബന്ധപ്പെട്ട്​ മുൻമന്ത്രി ഷിബു ബേബിജോൺ പ്രകടിപ്പിച്ച വ്യത്യസ്​താഭിപ്രായം വ്യക്​തിപരമാണെന്ന്​ ആർ.എസ്​.പി പ്രതിനിധി എൻ.കെ. പ്രേമചന്ദ്രൻ യോഗത്തിൽ അറിയി​െച്ചന്നും ചെന്നിത്തല വ്യക്​തമാക്കി.