രക്തസാക്ഷികളെ അനുസ്മരിക്കുന്നതില്‍ തെറ്റില്ല-പൊലീസ്​ അസോസിയേഷൻ

തിരുവനന്തപുരം: പൊലീസ് അസോസിയേഷന്‍ സമ്മേളനങ്ങളില്‍ ചുവന്ന സ്തൂപം സ്ഥാപിച്ച് രക്തസാക്ഷികളെ അനുസ്മരിക്കുന്നതില്‍ തെറ്റില്ലെന്ന് കേരള ​െപാലീസ് അസോസിയേഷന്‍ സംസ്ഥാന ജനറല്‍ സെക്രട്ടറി അനില്‍കുമാര്‍. പ്രവര്‍ത്തകര്‍ക്ക് ആവേശം കൂടുമ്പോള്‍ ചിലയിടങ്ങളില്‍ മുദ്രാവാക്യം വിളിച്ചിട്ടുണ്ടാകാം. ലോഗോ ഔദ്യോഗികമായി മാറ്റിയിട്ടില്ല. ചില സ്ഥലങ്ങളില്‍ നീലക്ക് പകരം ചുവപ്പ് നിറം നല്‍കി ഫ്ലക്‌സ് പ്രദര്‍ശിപ്പിച്ചിരുന്നു. ഇത് ഒൗദ്യോഗിക തീരുമാനത്തി​​​െൻറ ഭാഗമല്ലെന്നും അദ്ദേഹം പറഞ്ഞു. 

പൊലീസ് സംഘടനകളെ വെറുതെവിടണം-ഓഫിസേഴ്സ് അസോസിയേഷൻ
​തിരുവനന്തപുരം: പരിമിത സ്വാതന്ത്ര്യത്തിൽ അച്ചടക്കത്തിലധിഷ്ഠിതമായി പ്രവർത്തിക്കുന്ന പൊലീസ് സംഘടനകളെ വെറുതെവിടണമെന്ന് കേരള പൊലീസ് ഓഫിസേഴ്സ് അസോസിയേഷൻ ജനറൽ സെക്രട്ടറി സി.ആർ. ബിജു. ഔദ്യോഗിക കൃത്യനിർവഹണത്തിനിടെ കൊല്ലപ്പെടുന്നവരുടെ ഒാർമ സമ്മേളനങ്ങളിലൂടെ അനുസ്​മരിക്കാനുള്ള അവകാശത്തെയാണ് അടിസ്ഥാനരഹിത വാർത്തകളാക്കി ചിത്രീകരിക്കുന്നതെന്ന്​ അദ്ദേഹം പറഞ്ഞു.