‘കേരള’യിലെ സംഘർഷം: സംസ്ഥാന സെക്രട്ടറി അടക്കം 27 എസ്.എഫ്.ഐക്കാർക്കെതിരെ ജാമ്യമില്ല കേസ്​; ചുമത്തിയത് പൊതുമുതൽ നശിപ്പിക്കൽ, ​ദേഹോപദ്രവം ഏൽപിക്കൽ വകുപ്പുകൾ

തിരുവനന്തപുരം: കേരള സർവകലാശാല ആസ്ഥാനത്തേക്ക്​ എസ്​.എഫ്​.ഐ നടത്തിയ മാർച്ച്​ സംഘർഷത്തിൽ കലാശിച്ചതുമായി ബന്ധപ്പെട്ട്​ സംസ്ഥാന സെക്രട്ടറി എസ്. സഞ്ജീവ്​ ഉൾപ്പെടെ 27 പേർക്കെതിരെ ജാമ്യമില്ല വകുപ്പുകൾ ചുമത്തി പൊലീസ്​ കേസെടുത്തു. പൊതുമുതൽ നശിപ്പിക്കൽ, ​ദേഹോപദ്രവം ഏൽപിക്കൽ എന്നിവയടക്കമുള്ള വകുപ്പുകളാണ്​ ചുമത്തിയത്​. സംഭവ സ്ഥലത്തുനിന്ന്​ കസ്റ്റഡിയിലെടുത്തവ​രെ പൊലീസ്​ രാത്രിയോടെ മജിസ്​ട്രേറ്റിന്​ മുന്നിൽ ഹാജരാക്കി.

കേ​ര​ള സ​ർ​വ​ക​ലാ​ശാ​ല ആ​സ്ഥാ​ന​ത്തേ​ക്ക്​ ഇ​ര​ച്ചു​ക​യ​റി​യും ര​ണ്ട്​ മ​ണി​ക്കൂ​റോ​ളം ഓ​ഫി​സു​ക​ൾ കൈ​യ​ട​ക്കി​യും എ​സ്.​എ​ഫ്.​ഐ ന​ട​ത്തി​യ പ്ര​തി​ഷേ​ധം സം​ഘ​ർ​ഷ​ത്തി​നാണ് ഇ​ട​യാ​ക്കിയത്. സ​ർ​വ​ക​ലാ​ശാ​ല​ക​ൾ കാ​വി​വ​ത്​​ക​രി​ക്കാ​നു​ള്ള ഗ​വ​ർ​ണ​റു​ടെ നീ​ക്ക​ത്തി​നെ​തി​രെ​യാ​ണ്​ സ​മീ​പ​കാ​ല​ത്തൊ​ന്നും സ​ർ​വ​ക​ലാ​ശാ​ല ആ​സ്ഥാ​നം സാ​ക്ഷ്യം​വ​ഹി​ക്കാ​ത്ത രീ​തി​യി​ലു​ള്ള സ​മ​ര​വു​മാ​യി നൂ​റു​ക​ണ​ക്കി​ന്​ എ​സ്.​എ​ഫ്.​​​ഐ പ്ര​വ​ർ​ത്ത​ക​രെ​ത്തി​യ​ത്. ഏ​റെ​നേ​രം കാ​ഴ്ച​ക്കാ​രാ​യി നി​ന്ന പൊ​ലീ​സ്​ പി​ന്നീ​ട്​ പ്ര​വ​ർ​ത്ത​ക​ർ​ക്കെ​തി​രെ ലാ​ത്തി​വീ​ശു​ക​യും ബ​ലം പ്ര​യോ​ഗി​ക്കു​ക​യും ചെ​യ്തു.

ചൊ​വ്വാ​ഴ്ച ഉ​ച്ച​ക്ക്​ പ​​ന്ത്ര​ണ്ട​ര​യോ​ടെ​യാ​ണ്​ എ​സ്.​എ​ഫ്.​ഐ​ക്കാ​ർ സ​ർ​വ​ക​ലാ​ശാ​ല ആ​സ്ഥാ​ന​ത്തെ​ത്തി​യ​ത്. ഗേ​റ്റി​ൽ സ്ഥാ​പി​ച്ച ബാ​രി​ക്കേ​ഡ്​ മ​റി​ക​ട​ക്കാ​നു​ള്ള ശ്ര​മം ചെ​റു​ക്കാ​ൻ പൊ​ലീ​സ്​ ജ​ല​പീ​ര​ങ്കി പ്ര​യോ​ഗി​ച്ചു. ഇ​ത്​ മ​റി​ക​ട​ന്ന്​ നൂ​റു​ക​ണ​ക്കി​ന്​ പേ​ർ ആ​സ്ഥാ​ന​മ​ന്ദി​ര​ത്തി​ന്​ മു​ന്നി​ലേ​ക്ക്​ കു​തി​ച്ചെ​ത്തി. ഒ​ട്ടേ​റെ പേ​ർ പി​റ​കു​വ​ശ​ത്തെ സെ​ന​റ്റ്​ ഹാ​ളി​ന്‍റെ ജ​ന​ൽ ത​ക​ർ​ത്ത്​ ഭ​ര​ണ​വി​ഭാ​ഗം ഓ​ഫി​സി​ന​ക​ത്ത്​ ക​യ​റി. പൊ​ലീ​സി​ന്‍റെ പ്ര​തി​രോ​ധം ദു​ർ​ബ​ല​മാ​യ​തോ​ടെ പ്ര​ധാ​ന ക​വാ​ടം ത​ള്ളി​ത്തു​റ​ന്ന് നൂ​റു​ക​ണ​ക്കി​ന്​ പേ​ർ ഭ​ര​ണ​വി​ഭാ​ഗം ഓ​ഫി​സി​നു​ള്ളി​ലെ​ത്തി.

ഇ​വ​രൊ​ന്ന​ട​ങ്കം ഒ​ന്നാം​നി​ല​യി​ൽ വൈ​സ്​​ചാ​ൻ​സ​ല​റു​ടെ ചേം​ബ​റി​ന്​ മു​ന്നി​​ലേ​ക്ക്​ പോ​കു​ന്ന ഗ്രി​ല്ലി​ന്​ മു​ന്നി​ലെ​ത്തി. ഇ​വ​ർ ജോ​യ​ന്‍റ്​ ര​ജി​സ്​​ട്രാ​ർ​മാ​രു​ടെ ഉ​ൾ​പ്പെ​ടെ​യു​ള്ള ഓ​ഫി​സു​ക​ളി​ലെ​ല്ലാം മു​ദ്രാ​വാ​ക്യം വി​ളി​ക​ളു​മാ​യി ക​യ​റി​യി​റ​ങ്ങി. വി.​സി​യു​ടെ ചേം​ബ​റി​ന്​ മു​ന്നി​ലെ​ത്താ​നാ​യി പ്ര​വ​ർ​ത്ത​ക​ർ ഒ​ന്ന​ട​ങ്കം ഗ്രി​ല്ല്​ ഇ​ള​ക്കാ​ൻ ശ്ര​മം തു​ട​ങ്ങി​യ​തോ​ടെ​യാ​ണ്​ പൊ​ലീ​സ്​ പ്ര​തി​രോ​ധി​ച്ച്​ തു​ട​ങ്ങി​യ​ത്. വൈ​സ്​​ചാ​ൻ​സ​ല​ർ ഡോ. ​സി​സ തോ​മ​സ്​ ഓ​ഫി​സി​ലെ​ത്തി​യി​രു​ന്നി​ല്ല.

എ​സ്.​എ​ഫ്.​ഐ സം​സ്ഥാ​ന സെ​ക്ര​ട്ട​റി സ​ഞ്ജീ​വ്, പ്ര​സി​ഡ​ന്‍റ്​ ശി​വ​പ്ര​സാ​ദ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം വി.​സി​യു​ടെ ചേം​ബ​റി​ലെ​ത്താ​നാ​യി ഗ്രി​ല്ല്​ പൊ​ളി​ക്കാ​ൻ ശ്ര​മം തു​ട​ങ്ങി​യ​തോ​ടെ പൊ​ലീ​സ്​ ന​ട​പ​ടി തു​ട​ങ്ങി. സം​സ്ഥാ​ന സെ​ക്ര​ട്ട​റി​യെ​യും പ്ര​സി​ഡ​ന്‍റി​നെ​യും ഇ​വി​ടെ​നി​ന്ന്​ ബ​ലം പ്ര​യോ​ഗി​ച്ച്​ മാ​റ്റി. ആ​സ്ഥാ​ന​മ​ന്ദി​ര​ത്തി​ന​ക​ത്തും പു​റ​ത്തും പ്ര​വ​ർ​ത്ത​ക​ർ പൊ​ലീ​സു​മാ​യി ഏ​റ്റു​മു​ട്ടി. വി.​സി​യു​ടെ ചേം​ബ​ർ കൈ​യേ​റാ​ൻ ശ്ര​മി​ച്ച​വ​രെ പൊ​ലീ​സ്​ അ​റ​സ്റ്റ്​ ചെ​യ്ത്​ നീ​ക്കി.