കെവിൻ വധക്കേസിലെ പ്രതികളുമായി പുനലൂരിൽ തെളിവെടുപ്പ്; വടിവാളടക്കം കണ്ടെടുത്തു

പുനലൂർ: കെവിൻ വധ​േക്കസിലെ പ്രതികളെ പുനലൂരിൽ എത്തിച്ച് തെളിവെടുത്തു. കെവി​െനയും ബന്ധുവി​െനയും ആക്രമിക്കാൻ പ്രതികൾ ഉപയോഗിച്ചതിൽ പ്രധാന തെളിവായ വടിവാളടക്കം കണ്ടെടുത്തു. കഴിഞ്ഞ തിങ്കളാഴ്ചയാണ് കെവി​​​െൻറ മൃതദേഹം ചാലിയക്കരയാറ്റിൽ പത്തുപറ ഭാഗത്ത് കണ്ടെത്തിയത്. പ്രതികളെ സ്ഥലത്തെത്തിച്ച് തെളിവെടുക്കുമെന്ന് രണ്ടുദിവസമായി അഭ്യൂഹം പരന്നിരുന്നു. ഞായറാഴ്ച ഉച്ചക്ക് ര​േണ്ടാടെയാണ് പ്രതികളായ ഫസിൽ, നിയാസ്, ഒബാമ എന്ന വിഷ്ണു, റിയാസ് എന്നിവരെ വൻ പൊലീസ് സന്നാഹത്തിൽ സ്ഥലത്തെത്തിച്ചത്. ഐ.ജി. വിജയ്സാഖറെ, കോട്ടയം എസ്.പി ഹരികൃഷ്ണൻ എന്നിവരും സ്ഥലത്തെത്തിയിരുന്നു.

കോട്ടയത്ത് നിന്ന്​ ബോംബ്സ്ക്വാഡി​​​െൻറ രണ്ടു വാനിലായാണ് പ്രതികളെ കൊണ്ടുവന്നത്. കണ്ണ് മാത്രം കാണത്തക്ക നിലയിൽ പ്രതികളുടെ മുഖം വെള്ളത്തുണികൊണ്ട് മറച്ചിരുന്നു.  കെവിൻ വാഹനത്തിൽ നിന്ന്​ ഇറങ്ങി ഓടിയതായി ഫസിലും റിയാസും ആവർത്തിച്ചു. പിന്നീട് ഇരുവ​െരയും മൃതദേഹം കണ്ടെടുത്ത ആറ്റുതീരത്ത് എത്തിച്ചു. കെവിൻ ഓടിപ്പോയെന്ന് പറയുന്ന ഭാഗം ഫസിൽ പൊലീസിന്​ ചൂണ്ടിക്കാട്ടിക്കൊടുത്തു. പ്രതികളെ വളരെ സാഹസപ്പെട്ടാണ് റോഡിൽ നിന്ന്​ ചെങ്കുത്തായ ആറ്റുതീരത്തും മറ്റും പൊലീസ് എത്തിച്ചത്.

പത്തുപറയിൽ മൂക്കാൽ മണിക്കൂറോളം നീണ്ട തെളിവെടുപ്പിന് ശേഷം പ്രതികളുമായി പൊലീസ് പുനലൂർ ശാസ്താംകോണത്ത് എത്തി. ശാസ്താംകോണം സ്വദേശി ഒബാമ എന്ന വിഷ്ണു അക്രമത്തിന് ശേഷം ഒളിപ്പിച്ച ആ‍യുധം കണ്ടെത്തുകയായിരുന്നു ലക്ഷ്യം. പുനലൂർ- ശാസ്താംകോണം റോഡി​​​െൻറ വശത്തുള്ള കലുങ്കിന് അടിയിൽ നിന്ന്​ മൂന്ന്​ വടിവാളും ഒരു വെട്ടുകത്തിയും കണ്ടെടുത്തു. കെവി​െനയും ബന്ധുവി​െനയും ആക്രമിച്ചതിനുശേഷം ആയുധങ്ങൾ ഇവിടെ ഉപേക്ഷിക്കുകയായിരുന്നുവെന്ന് പ്രതി സമ്മതിച്ചു. അരമണിക്കൂറോളമാണ് തെളിവെടുപ്പിനും ആയുധം കണ്ടെത്താനും ഇവിടെ ചെലവിട്ടത്.

പിന്നീട് വെട്ടിത്തിട്ട പമ്പിന് സമീപമെത്തിച്ച് തെളിവ് ശേഖരിച്ചശേഷം പ്രതികളെ വൈകീ​േട്ടാടെ കോട്ടയത്തേക്ക് കൊണ്ടുപോയി. തെളിവെടുക്കുന്ന സ്ഥലങ്ങളിൽ റിയാസിനെ പൊലീസ് പുറത്തിറക്കിയില്ല. കൊട്ടാരക്കര റൂറൽ എസ്.പി അശോകൻ, പുനലൂർ ഡിവൈ.എസ്.പി എം. അനിൽകുമാർ, സി.ഐ ബിനുവർഗീസ്, എസ്.ഐ ജെ. രാജീവ് തുടങ്ങിയവരുടെ നേതൃത്വത്തിലുള്ള പൊലീസ് സന്നാഹവും സ്ഥലത്തെത്തിയിരുന്നു.

മുങ്ങിമരണമോ, മുക്കിക്കൊലയോ?; തീരുമാനിക്കേണ്ടത് മെഡിക്കൽ ബോർഡ് -ഐ.ജി
പുനലൂർ: കെവിൻ മുങ്ങിമരിച്ചതാണോ അതല്ല മുക്കിക്കൊന്നതാണോ എന്നത് തീരുമാനിക്കേണ്ടത് മെഡിക്കൽ ബോർഡാണന്ന് ഐ.ജി വിജയ്സാഖറെ. കെവി​​​െൻറ പോസ്​റ്റ്​മോർട്ടം റിപ്പോർട്ടും ഫോറൻസിക് റിപ്പോർട്ടും വിശകലനം നടത്തി മരണകാരണം സ്ഥിരീകരിക്കാനായി മെഡിക്കൽ ബോർഡിന് റിപ്പോർട്ട് നൽകിയിട്ടുണ്ട്. ബോർഡ് നൽകുന്ന റിപ്പോർട്ടി​​​െൻറ അടിസ്ഥാനത്തിൽ അന്തിമ തീരുമാനമെടുത്ത് കേസന്വേഷണവുമായി മുന്നോട്ടുപോകും. കേസിൽ ആ​െരയും മാപ്പുസാക്ഷിയാക്കില്ലന്നും അദ്ദേഹം പറഞ്ഞു. പ്രതികൾക്ക് പരമാവധി ശിക്ഷ ലഭിക്കുന്ന നിലയിൽ പഴുതടച്ചുള്ള അന്വേഷണമാണ് നടക്കുന്നതെന്നും  തെളിവെടുപ്പിനായി പുനലൂർ ചാലിയക്കരയിൽ എത്തിയ ഐ.ജി മാധ്യമങ്ങളോട് പറഞ്ഞു.
 

കെവിൻ വധം: പൊലീസ്​ ഉദ്യോഗസ്ഥർ പ്രതികളാകില്ലെന്ന്​ ​െഎ.ജി
കോട്ടയം: കെവിന്‍ വധക്കേസില്‍ പൊലീസ്​ ഉദ്യോഗസ്ഥര്‍ പ്രതികളാകില്ലെന്ന് അന്വേഷണ സംഘത്തലവന്‍ ഐ.ജി വിജയ് സാഖറെ. കോട്ടയത്ത്​ മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം. പൊലീസുകാര​ുടെ ഭാഗത്തുനിന്ന്​ കൃത്യവിലോപം മാത്രമാണുണ്ടായത്. കൊലപാതകത്തിലും ഗൂഢാലോചനയിലും ​െപാലീസുകാർക്ക്​ പങ്കില്ലെന്നും അ​േദ്ദഹം പറഞ്ഞു. കെവി​​​​െൻറ മരണത്തിലേക്ക്​ കാര്യങ്ങള്‍ എത്തിച്ചത് ഉന്നത പൊലീസ്​ ഉദ്യോഗസ്ഥരുടെ അലംഭാവമാണെന്ന്​ കെവി​​​​െൻറ കുടുംബം നേര​േത്ത ആരോപിച്ചിരുന്നു.

മാത്രമല്ല, പ്രതികളില്‍നിന്ന്​ കൈക്കൂലി വാങ്ങിയെന്ന പരാതിയില്‍ ഗാന്ധിനഗര്‍ സ്‌റ്റേഷനിലെ എ.എസ്.ഐ ടി.എം. ബിജു, ഡ്രൈവർ അജയകുമാർ എന്നിവരെയാണ്​ അറസ്​റ്റ്​ ചെയ്​തത്​. കഴിഞ്ഞദിവസം ഏറ്റുമാനൂർ ഫസ്​റ്റ്​ക്ലാസ്​ ജുഡീഷ്യൽ മജിസ്​ട്രേറ്റ്​ കോടതി ഇവർക്ക്​ ജാമ്യം അനുവദിച്ചിരുന്നു. ഇവര്‍ കുറ്റകൃത്യം നടത്തിയെന്നതിനുള്ള തെളിവും മറ്റുരേഖകളും കോടതിയിൽ ഹാജരാക്കാൻ പൊലീസിന്​ കഴിഞ്ഞിരുന്നില്ല. മ​ദ്യ​പി​ച്ച് വാ​ഹ​നം ഓ​ടി​ച്ച​വ​രി​ൽ​നി​ന്ന്​ കൈ​ക്കൂ​ലി ആ​വ​ശ്യ​പ്പെ​ടു​ക​യും 2000 രൂ​പ വാ​ങ്ങു​ക​യും ചെ​യ്ത​താ​ണ് ഇ​വ​ർ​ക്കെ​തി​രെ​യു​ള്ള കേ​സ്.