വൻ ജനാവലി സാക്ഷി; കെവി​​​​​​​​​​​ന്‍റെ മൃതദേഹം സംസ്കരിച്ചു

കോട്ടയം: ആയിരങ്ങളുടെ സാന്നിധ്യത്തിൽ കെവിന് അന്ത്യനിദ്ര. നാടിനൊപ്പം മാനവും കണ്ണീരണിഞ്ഞ ചൊവ്വാഴ്​ച കോട്ടയം മെഡിക്കൽ കോളജിലെ പോസ്​റ്റ്​മോർട്ടത്തിനുശേഷം വീട്ടിലെത്തിച്ച കെവിൻ പി. ജോസഫി​​​െൻറ മൃതദേഹം വൈകുന്നേരത്തോടെ കോട്ടയം നല്ലയിടയൻ ദേവാലയത്തിൽ സംസ്​കരിച്ചു. വീട്ടിലും പള്ളിയിലും ഹൃദയഭേദകമായ കാഴ്​ചകൾക്കൊടുവിലായിരുന്നു സംസ്​കാരം. ആർത്തലച്ച ഭാര്യ നീനു​വി​​​െൻറയും അമ്മ മേരിയുടെയും ദുഃഖം ​കണ്ടുനിന്നവരിലേക്കും പടർന്നതോടെ കണ്ണീരണിയാത്ത കണ്ണുകളില്ലായിരുന്നു, വട്ടപ്പാറ വീട്ടുവളപ്പിൽ.

കോട്ടയം മെഡിക്കൽ കോളജിലെ പോസ്​റ്റ്​മോർട്ടത്തിനുശേഷം ചൊവ്വാഴ്​ച രാവിലെ 11ന് െപാലീസ്​ അകമ്പടിയിൽ മൃതദേഹം വീട്ടിലെത്തിച്ചപ്പോള്‍ നട്ടാശേരിയിലെ വീട്ടിലേക്ക് നാട് ഒഴുകിയെത്തി. ആൾക്കൂട്ടത്തിന്​ നടുവിലേക്കാണ്​ മൃതദേഹം വഹിച്ചുകൊണ്ടുള്ള ആംബുലൻസ്​ എത്തിയത്. ഒറ്റയടിപ്പാതയിലൂടെ വീട്ടിലേക്ക്​ മൃതദേഹവുമായി പോകുമ്പോള്‍ ഹർത്താൽ ദിനത്തിലും തിങ്ങിനിറഞ്ഞ ജനസമൂഹം അതിന്​ സാക്ഷിയായി. വാഹനസൗകര്യമില്ലാതിരുന്നിട്ടും സ്ത്രീകളും കുട്ടികളുമടക്കമുള്ളവര്‍ കാല്‍നടയായിട്ടാണ്​ എത്തിയത്​.
ഞായറാഴ്ച പുലര്‍ച്ച കെവിനെ തട്ടിക്കൊണ്ടുപോയ നിമിഷം മുതല്‍ കരച്ചിലും പ്രാര്‍ഥനയുമായി കഴിഞ്ഞ ഭാര്യ നീനുവിനെ ഭർത്താവി​​​െൻറ മൃതദേഹമടങ്ങിയ പെട്ടിയിൽനിന്ന്​ മാറ്റാൻ ബന്ധുക്കൾ ഏറെ പ്രയാസപ്പെട്ടു. ഇതിനിടെ  നീനു ബോധരഹിതയായി തളർന്നുവീണു. മാതാവ് ഓമനയും സഹോദരി കൃപയും വിങ്ങിപ്പൊട്ടി.

കെവി​നെ ഒരുനോക്ക്​ കാണാനെത്തിയവരുടെ നീണ്ടനിര

 

മൃതദേഹം പൊതുദര്‍ശനത്തിനുവെച്ച രാവിലെ 11.15 മുതല്‍  സംസ്‌കാരശുശ്രൂഷകൾക്കായി പള്ളിയിലേക്ക്​ കൊണ്ടുപോയ ഉച്ചക്ക്​ 2.35വരെ അണമുറിയാതെ  ജനപ്രവാഹമായിരുന്നു. ജനക്കൂട്ടം വീട്ടിലും പരിസരത്തും നിറഞ്ഞതോടെ വഴിയിൽ വരിനിന്നാണ്​ ആളുകൾ അന്ത്യോപചാരം അർപ്പിച്ചത്​. തിരക്കേറിയതോടെ അയൽവാസിയു​െട മതിൽപൊളിച്ച്​ പുറത്തിറങ്ങാൻ വഴിയും ഒഴുക്കി. ആദ്യം വീട്ടിനുള്ളില്‍വെച്ചശേഷം മുറ്റത്തൊരുക്കിയ പന്തലിലേക്ക്​ മൃതദേഹം മാറ്റാനായിരുന്നു തീരുമാനമെങ്കിലും ജനത്തിരക്കുമൂലം അതിനായില്ല. 

നൂറുകണക്കിനാളുകൾ അണിചേർന്ന വിലാപയാത്രയായാണ് വീട്ടുവളപ്പിൽനിന്ന്​ മൃതദേഹം വൈകീട്ട് നാലോടെ കലക്ടറേറ്റിനു സമീപമുള്ള നല്ലയിടയൻ ദേവാലയത്തിലെത്തിയത്. മണിക്കൂറുകൾക്ക് മുമ്പേ സ്ത്രീകളടക്കം നൂറുകണക്കിനാളുകൾ പള്ളിവളപ്പിലും പരിസരത്തുമായി ഉണ്ടായിരുന്നു. സി.പി.എമ്മി​​​െൻറയും കോൺഗ്രസി​​​െൻറയും നേതാക്കളും നേര​േത്തതന്നെ കാത്തുനിൽക്കുന്നുണ്ടായിരുന്നു.

മൂന്നരയോടെ സംസ്കാരചടങ്ങിന് കാർമികത്വം വഹിക്കുന്ന പുരോഹിതരും സെമിത്തേരിയിലെത്തി. അരമണിക്കൂറിനുശേഷം മൃതദേഹം എത്തിച്ചു. നീനുവിനെ കെവി​​​െൻറ പിതാവ് താങ്ങിയെടുത്താണ് അന്ത്യചുംബനത്തിനെത്തിച്ചത്. മൃതദേഹത്തിനൊപ്പം പൊലീസ് ഉദ്യോഗസ്ഥർ സെമിത്തേരിയിലേക്ക് കയറിയതിനെ ആളുകൾ എതിർത്തതോടെ അവർ പിന്മാറി.  ബിഷപ് സെബാസ്​റ്റ്യൻ മുരിക്കൽ, വികാരി ജനറാൾ ഫാ. മൈക്കിൾ വെട്ടികാട് എന്നിവരുടെ കാർമികത്വത്തിലായിരുന്നു അന്ത്യശുശ്രൂഷ ചടങ്ങ്. കർമങ്ങൾക്കുശേഷവും കാത്തുനിന്നവർക്ക് അന്ത്യദർശനത്തിന് അവസരം നൽകി. നാലേമുക്കാലോടെ കെവിന് കല്ലറയിൽ അന്ത്യവിശ്രമമൊരുങ്ങിയതോടെ പെയ്തിറങ്ങിയ നേരിയ മഴയിൽ ജനം മടങ്ങി. 

പോസ്​റ്റ്​മോർട്ടത്തിനിടെ ആശുപത്രി പരിസരത്ത്​ സംഘർഷം; കല്ലേറിൽ ഏഴുപേർക്ക്​ പരിക്ക്​

മൃതദേഹം പോസ്​ റ്റുമോർട്ടം ചെയ്​ത കോട്ടയം മെഡിക്കല്‍ കോളജ് ആശുപത്രി പരിസരത്ത്​  ലാത്തിച്ചാർജും കല്ലേറുമുണ്ടായി. തിരുവഞ്ചൂർ രാധാകൃഷ്​ണൻ എം.എൽ.എ അടക്കമുള്ളവരെ കൈയേറ്റം ചെയ്യാൻ മുതിർന്ന സംഘർഷത്തിൽ ഏഴുപേർക്ക്​ പരിക്കേറ്റു. ന്യൂസ്​ 18 ടി.വി ഡ്രൈവർ ഉന്മേഷ്​ (30), ഏറ്റുമാനൂർ തോട്ടിക്കാമല ബിനു (38),  കരിമറ്റം മുതലക്കുളം ജോസഫ്​ ​എബ്രഹാം (35), കോട്ടയം പുലിക്കുട്ടി​േശരി ശരത്​ (30), വാകത്താനം സ്വദേശി ബേബി  ജോസഫ്​ (50), ചിങ്ങവനം സ്വദേശി ​രമേശ്​ (38), ചിങ്ങവനം പന്നിമറ്റം സ്വദേശി ജയൻ (43) എന്നിവർക്കാണ്​ പരി​േക്കറ്റത്​.  

ചൊവ്വാഴ്​ച രാവിലെ ഒമ്പതിന്​ പോസ്​റ്റ്​മോർട്ടം നടപടി ആരംഭിക്കുന്നതിനുമുമ്പ്​  മെഡിക്കല്‍ കോളജ്  പരിസരം​ വിവിധ രാഷ്​ട്രീയ പാര്‍ട്ടികളുടെ പ്രവര്‍ത്തകരാല്‍ നിറഞ്ഞിരുന്നു. നടപടി വിഡിയോയിൽ ചിത്രീകരിക്കു​ന്നുണ്ടോയെന്ന്​ പരിശോധിക്കാൻ പോസ്​ റ്റ്​മോർട്ടം  മുറിയിൽ പ്രവേശിക്കാൻ ശ്രമിച്ച മുൻ ആഭ്യന്തരമന്ത്രികൂടിയായ തിരുവഞ്ചൂർ  രാധാകൃഷ്​ണനുനേരെയാണ്​  സി.പി.എം പ്രവർത്തകർ ൈകയേറ്റത്തിന്​ ശ്രമിച്ചത്​. ഇത്​ തടയാൻ ശ്രമിച്ച യൂത്ത്​ കോൺഗ്രസ്​  പ്രവർത്തകരുടെ ഷർട്ട്​ വലിച്ചുകീറി. പൊലീസ്​ ഇടപെട്ട്​ ​ സ്ഥിതിഗതികൾ ശാന്തമാക്കിയാണ്​ തിരുവഞ്ചൂർ  രാധാകൃഷ്​ണനെ ​േമാർച്ചറിക്കുള്ളിൽ കയറ്റിയത്​. പോസ്​റ്റ്​മോർട്ടം  ആരംഭിക്കുന്നതുമുതൽ മൃതദേഹം  ബന്ധുക്കൾക്ക്​ വിട്ടുകൊടുക്കുന്ന കാര്യങ്ങളടക്കം പൂർത്തിയാക്കിയശേഷമാണ്​ സി.പി.എം ജില്ല സെക്രട്ടറി  വി.എൻ. വാസവൻ ആശുപത്രിവിട്ടത്​. 

ആശുപത്രി ഗേറ്റും പരിസരവും സി.പി.എം, ഡി.വൈ.എഫ്.ഐ പ്രവര്‍ത്തകര്‍  കൈയടക്കിയിരുന്നു. പിന്നാലെ യൂത്ത് കോണ്‍ഗ്രസ്, യുവമോര്‍ച്ച, സി.എസ്.ഡി.എസ്, കെ.പി.എം.എസ്, ബി.ഡി.ജെ.എസ്, ബി.എസ്.പി, ആം ആദ്മി, മുസ്​ലിം ലീഗ്​  പ്രവര്‍ത്തകര്‍ പ്രകടനമാ​െയത്തി. പോസ്​റ്റ്​മോർട്ടം നടക്കുമ്പോള്‍ സി.എസ്.ഡി.എസ്. പ്രവര്‍ത്തകര്‍ പൊലീസിനെതിരെയും സർക്കാറിനെതിരെയും മുദ്രാവാക്യം വിളിച്ച്​ പ്രതിഷേധിച്ചു. ​

മോർച്ചറി പരിസരത്ത്​ നിലയുറപ്പിച്ച സി.പി.എം പ്രവർത്തകർ മുദ്രാവാക്യം വിളിച്ചവരെ വെല്ലുവിളിച്ചതോടെ നേരിയതോതിൽ ഉന്തും തള്ളുമുണ്ടായി. തുടര്‍ന്ന്​ പലതവണ പ്രവര്‍ത്തകരും പൊലീസുമായി വാക്കേറ്റമുണ്ടായി. മൃതദേഹം ആംബുലന്‍സിലേക്ക് കയറ്റിയതോടെ​ കാര്യങ്ങള്‍ കൈവിട്ടു. ആംബുലന്‍സ് തടയാന്‍ ശ്രമിച്ച യൂത്ത്‌ കോണ്‍ഗ്രസ് പ്രവര്‍ത്തകര്‍ക്കുനേരെ വീണ്ടും പൊലീസ്​ ലാത്തിവീശി. പിന്നാലെ, ഒരുഭാഗത്തുനിന്ന്​ കല്ലേറുണ്ടായി. ഇതിനിടെ, ഡി.വൈ.എഫ്.ഐ പ്രവര്‍ത്തകര്‍ യുവമോര്‍ച്ച, സി.എസ്.ഡി.എസ് പ്രവര്‍ത്തകരെ കൈയേറ്റം ചെയ്തു. ഇരുവിഭാഗവും പരസ്പരം കല്ലെറിഞ്ഞതോടെ ആശുപത്രി പരിസരം സംഘര്‍ഷഭൂമിയായി. സംഘര്‍ഷത്തിനിടെ  വിവിധ പാര്‍ട്ടികളില്‍പെട്ടവർക്കാണ്​ പരി​േക്കറ്റത്​.  സംഘടന പ്രവർത്തകർ ചേരിതിരിഞ്ഞ്​ പോര്‍വിളിച്ച്​ ആശുപത്രി ഗേറ്റിനുപു​റത്തേക്ക്​ എത്തിയെങ്കിലും പൊലീസി​​​​െൻറ  ഇടപെടലിനെത്തുടര്‍ന്ന്​ പ്രശ്‌നങ്ങള്‍ ഒഴിവായി. ഒരു മണിക്കൂറോളം പ്രദേശത്ത്​ സംഘര്‍ഷം നിലനിന്നു.