കൊച്ചിയിൽനിന്ന്​ പോയ 10 ബോട്ടുകളെക്കുറിച്ച് ഇനിയും വിവരമില്ല

മ​ട്ടാ​ഞ്ചേ​രി: കൊ​ച്ചി​യി​ൽ​നി​ന്ന്​ മ​ത്സ്യ ബ​ന്ധ​ന​ത്തി​ന്​ പോ​യ 10 ബോ​ട്ടു​ക​ളെ​ക്കു​റി​ച്ചും അ​തി​ലെ 104 തൊ​ഴി​ലാ​ളി​ക​ളെ​ക്കു​റി​ച്ചും ഇ​നി​യും വി​വ​ര​മി​ല്ല. ത​മി​ഴ്നാ​ട് സ്വ​ദേ​ശി​ക​ളു​ടെ ഉ​ട​മ​സ്ഥ​ത​യി​ലു​ള്ള ഈ ​ബോ​ട്ടു​ക​ൾ കൊ​ച്ചി കേ​ന്ദ്ര​മാ​ക്കി മ​ത്സ്യ​ബ​ന്ധ​നം ന​ട​ത്തി​വ​രു​ന്ന​വ​യാ​ണ്. തോ​പ്പും​പ​ടി ഫി​ഷ​റീ​സ് ഹാ​ർ​ബ​റി​ൽ​നി​ന്ന്​ 20 ദി​വ​സം മു​മ്പ്​ പോ​യ​വ​യാ​ണ് ബോ​ട്ടു​ക​ൾ.

കാ​ണാ​താ​യ ജെ​ർ​മി​യ എ​ന്ന ബോ​ട്ടി​ൽ 11 തൊ​ഴി​ലാ​ളി​ക​ളും ലൂ​ർ​ദ് അ​ന്നാ​യി എ​ന്ന ബോ​ട്ടി​ൽ 11, സ​െൻറ്​ മേ​രീ​സ് 12, കാ​ർ​മ​ൽ മാ​ത- 10, ബ​സ​ലി​ക്ക- 15, ദ​യാ​നാ​സ്- 10, ത​രു​വാ​യി​കു​ള​ത്തു​നി​ന്നു​ള്ള ബോ​ട്ടു​ക​ളാ​യ ര​ജി​സ്​​റ്റ​ർ ന​മ്പ​ർ 5306ൽ ​ഒ​മ്പ​തു​പേ​ർ, 5037ൽ -​എ​ട്ട്, 5137ൽ -​ഒ​മ്പ​ത്, 5191ൽ -​ഒ​മ്പ​ത് പേ​രു​മു​ണ്ട്.ബോ​ട്ടു​ക​ൾ ക​ട​ലി​ലേ​ക്ക് തി​രി​ക്കു​മ്പോ​ൾ ‘മ​ഹ’ ചു​ഴ​ലി​ക്കാ​റ്റി​നെ​ക്കു​റി​ച്ചു​ള്ള വി​വ​രം അ​റി​ഞ്ഞി​രു​ന്നി​ല്ല.

കൊ​ച്ചി​യി​ൽ​നി​ന്ന്​ ഇ​ക്കാ​ല​യ​ള​വി​ൽ പോ​യി മ​ട​ങ്ങി​യെ​ത്താ​നു​ണ്ടാ​യി​രു​ന്ന ബോ​ട്ടു​ക​ൾ പ​ല ക​ര​ക​ളി​ലാ​യി ക​യ​റി​യ​താ​യി വി​വ​രം ല​ഭി​ച്ചി​ട്ടു​ണ്ടെ​ങ്കി​ലും ഈ 10 ​ബോ​ട്ടു​ക​ളെ​യും അ​തി​ലെ ജീ​വ​ന​ക്കാ​രെ​യും കു​റി​ച്ച് വി​വ​രം അ​റി​യാ​ത്ത​തി​ൽ ഏ​റെ ആ​ശ​ങ്ക​യാ​ണ് ഉ​യ​ർ​ന്നി​രി​ക്കു​ന്ന​ത്.

ഇ​വ​രെ​ക്കു​റി​ച്ച് അ​ന്വേ​ഷി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ക​ന്യാ​കു​മാ​രി ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന മീ​ന​വ​ർ ഒ​രു​ങ്കി​ന​യി​പ്പ് സം​ഘം എ​ന്ന സം​ഘ​ട​ന ബു​ധ​നാ​ഴ്ച ത​ന്നെ കോ​സ്​​റ്റ്​ ഗാ​ർ​ഡി​ന്​ ക​ത്ത് ന​ൽ​കി​യി​രു​ന്നു. ലോ​ങ്​ ലൈ​ൻ ഗി​ൽ​നെ​റ്റ് ബോ​ട്ട് അ​സോ​സി​യേ​ഷ​ൻ സെ​ക്ര​ട്ട​റി എം. ​മ​ജീ​ദും തൊ​ഴി​ലാ​ളി​ക​ളു​ടെ പേ​രു​ക​ൾ സ​ഹി​തം അ​ധി​കൃ​ത​രെ വി​വ​രം ധ​രി​പ്പി​ച്ചി​രു​ന്നു. ഇ​വ​രെ തി​ര​യു​ന്ന​തി​ന്​ മ​റ്റ് മ​ത്സ്യ​ബ​ന്ധ​ന ബോ​ട്ടു​ക​ളെ ക​ട​ലി​ലേ​ക്ക് അ​യ​ക്കാ​നു​ള്ള ശ്ര​മ​ങ്ങ​ളും ന​ട​ക്കു​ന്നു​ണ്ട്.